NEHEMÍAS 11:11 - Dios Rimashcata Quillcashcami

¹¹ Seraiasca Hilciaspac churi, Hilciasca Mesulampac churi, Mesulamca Sadocpac churi, Sadocca Meraiotpac churi, Meraiotca Ahitobpac churimi carca. Paimi Diospac huasipi mandac carca.

NEHEMÍAS 11:11 Referans Kwoze

1 CRÓNICAS 9:11

Hilciaspac churi Azariasmi cutimurca. Hilquiasca Mesulampac churi, Mesulamca Sadocpac churi, Sadocca Meraiotpac churi, Meraiotca Ahitobpac churimi carca. Paimi Diospac huasipi curacunata mandac carca.

HECHOS 5:24

Chashna huillashcata uyashpaca, curacunata jatun mandac curapish, Diosta mañana huasita cuidaccunata mandacpish, curacunata mandac curacunapish caishuc chaishuc parlanacushpaca: “Chai runacunaca, ¿imashi tucushca canga?” nishpami tapunacurca.

2 CRÓNICAS 31:13

Shinallatac Jehiel, Azazías, Nahat, Asael, Jerimot, Jozabad, Eliel, Ismaquías, Mahat, Benaías runacunaca Conanías shinallatac paipac huauqui Simeipish mandacucpimi, imatapish ricuccuna carca. Jatun mandac Ezequiaspish, Mandac Diospac huasipi mandac Azariaspish mandashca shinallatacmi servircacuna.

2 CRÓNICAS 19:11

Riquichic, Mandac Diospacta tucui imata ruhuanataca Amarías curami mandanga. Jatun mandacman imata ruhuanataca Judapac huahua huahuapuramanta Ismaelpac churi Zebadiasmi ricunga. Levitacunapish cancunapac ñaupapimi Diosta servishpa ayudangacuna. Cancuna imata ruhuanataca sinchita ruhuaichic. Mandac Diosca allita ruhuaccunahuan cachun» nirca.

1 CRÓNICAS 9:1

Tucui israelcunataca ñaupa taitacunapac huahua huahuacunata catishpami yuparca. Chai shuticunaca Israel llactata jatun mandaccunapac libropimi quillcashca tiyacun. Judá llactapi causaccunataca Diosta mana cazushcamantami Babilonia llactaman prezu aparca.

NÚMEROS 3:32

Levitacunata punta mandacca Aarón curapac churi Eleazarmi carca. Paimi Dios-huan tupana huasita cuidaccunacata mandacurca.

SAN LUCAS 22:4

Judasmi curacunata mandac curacunahuan, Diosta mañana huasita cuidaccunahuan Jesusta ima shina japichinata parlangapac rirca.

NEHEMÍAS 11:10

Curacunapuramantaca: Joiaribpac churicuna Jedaías, Jaquinmi carca.

NEHEMÍAS 11:12

Diospac huasipi servic huauquicunaca pusac patsac ishcai chunga ishcaimi carca. Shinallatac Adadiasca Jerohampac churi, Jerohamca Pelaiaspac churi, Pelaiasca Amsipac churi, Amsica Zacariaspac churi, Zacariasca Pasurpac churi, Pasurca Malquiaspac churimi carca.

NEHEMÍAS 10:3

Pasur, Amarías, Malquías,