NEHEMÍAS 10:34 - Dios Rimashcata Quillcashcami

³⁴ Diospac huasiman curacunapish, levitacunapish, tucui israelcunapish, mandashcapi nishca shina, ñucanchic taitacunapac huasi ucupura ima shina cashca shina ñucanchic Mandac Diospac altarpi rupachingapac huatanta yantata apamungapacmi suerteta ruhuarcanchic.

NEHEMÍAS 10:34 Referans Kwoze

NEHEMÍAS 13:31

Ima horas Diosman cuna yantata, punta pucushca granota cunatapish allichircanimi. «¡Ñuca Dioslla, ñuca chashna ruhuashcamantaca ñucamanpish allita ruhuanata yuyaringuiyari!»

ISAÍAS 40:16

Diosman animalta cushpa, tucui rupachingapacca tucui Líbano animalcunapish mana pactangachu.

PROVERBIOS 18:18

Suerteta ruhuacpimi, piñanacuica tucurin. Shinallatac poderta chariccunapurami imata ruhuanataca yuyarincuna.

NEHEMÍAS 11:1

Israelcunata mandaccunaca Jerusalenpimi causarcacuna. Ashtahuanpish caishuc israelcunataca chungamanta shuc, Diospaclla Jerusalenpi causachunmi suerteta ruhuashpa acllarca. Caishuc iscuncunaca shuc pueblocunapimi causagrirca.

1 CRÓNICAS 24:7

Punta suerteca Joiaribmanmi urmarca. Quipataca Jedaiasman,

1 CRÓNICAS 24:5

Eleazarpac, Itamarpac huahua huahuacunamantaca, Diospac huasipi mandaccunapish, Diospac huasipi imata ruhuaccunata mandaccunapish cashcamantami suerteta ruhuashpa chaupirca.

JOSUÉ 9:27

Chai punzhami Josueca gabaonitacunataca yantata pitic cachun, tandanacushca israelcunamanpish, Mandac Diospac altarmanpish yacuta ashtachun churarca. Mandac Dios acllashca pushtupimi chashna ruhuashpa, causachun churarca. Cunancamanmi chaita ruhuashpa causancuna.

HECHOS 1:26

Chashna mañashpami suerteta ruhuacpica, Matiasman urmarca. Chaimantami Matiasca chunga shuc apostolcunahuan tandanacurca.

LEVÍTICO 24:5

Alli harinamanta chunga ishcai tandata ruhuangui. Cada tandami chuscu kilo chaupi harinata charina can.

LEVÍTICO 24:6

Mandac Dios ñucapac ñaupapi cac curi miza jahuapi ishcai filata ruhuashpa, suctata cada filapi churangui.

NÚMEROS 28:2

«Israelcunataca: “Ñucaman cuna ofrendataca chai cuna punzhapi, ñucaman mishquilla ashnachun rupachinguichic” ningui.

2 CRÓNICAS 2:3

Chai quipami Salomonca Tiro llactata jatun mandac Hiramman quillcashpaca: «Ñuca taita Davidhuan ruhuashca shinallatac ñucamanpish ruhuaiyari. Shuc huasita paiman ruhuachunca, cedro caspicunatami cacharcangui.

ESDRAS 3:5

Chai quipaca punzhantami animalta Diosman cushpa Llullu quilla punzhacunapi, Mandac Diosta yuyarina fiesta punzhacunapi Diosman cushpa tucui rupachirca. Quiquin munaihuan animalcunata Diosman cushpapish rupachircami.