NAHÚM 3:7 - Dios Rimashcata Quillcashcami

⁷ Can chashna cacta tucui gentecuna ricushpa, canmanta caruyashpaca: “¡Nínive llactaca llaquinayaitami tucurishca! ¿Pitac paitaca llaquingayari? ¿Maipitac cushichictaca taringayari?” nishpami mancharinga.

NAHÚM 3:7 Referans Kwoze

JEREMÍAS 15:5

Jerusalenlla, ¿pitac cantaca llaquingayari? Can llaquita apacucpica, ¿pitac huacangayari? ¿Pitac “allilla causangui” ningayari?

ISAÍAS 51:19

Cai ishcai llaquicunami cantaca japirca. Cambac llactaca llaquinayaita tucuchishcami carca. Yarcaipish, jatun macanacuipishmi llaquichirca. ¿Pitac cantaca llaquingayari? ¿Pitac cantaca cushichingayari?

APOCALIPSIS 18:10

Paita llaquichicushcata ricushpa, manchaihuan carupi saquirishpaca: «¡Tucuimanta yalli jatun pueblolla! ¡Aij, aij, cungaillami canta llaquichina pachaca chayamun!» ningacunami.

LAMENTACIONES 2:13

Jerusalenpi causaccunalla, ¿canmantaca imatatac nishayari? ¿Pihuantac cancunataca chimbapurashayari? Carihuan manarac chayarishca soltera shina, Sionpi causaccunalla, cancunata cushichingapacca, ¿imatatac ruhuashayari? Llaquica mama cucha shina jatunmi. Chaitaca, ¿pitac allichingayari?

JEREMÍAS 51:9

Babilonia llactata jambisha nircanchicmi. Shina cacpipish, mana alliyarcachu. Paicunapac juchata taripashpa llaquichinaca jahua puyucaman, jahua pachaman jundashcami. Chaimanta paicunata saquishpa, ñucanchic llactacunaman jacuchiclla.

NÚMEROS 16:34

Paicuna chingarishpa caparinacushcata paicunapac muyundipi cac israelcuna uyashpaca: «Ñucanchictapish allpaca millpungami» nishpami callparca.

NAHÚM 1:1

Elcos llactamanta, Nahumman Nínive llactata tucuchinamanta muscuipi shina huillashcata quillcashcami.

JEREMÍAS 50:18

Chaimantami israelcunapac tucuita Mandac Diosca: Babilonia llactata jatun mandactaca Asiria llactata jatun mandacta shinallatacmi paipac tucui llactandi llaquichigrini.

SOFONÍAS 2:13

Mandac Diosca jahua lado llactaman maquita alzashpami Asiria llactata llaquichishpa tucuchinga. Nínive llactatapish llaquinayaita tucuchishcami, shitashca pambata saquinga.