NAHÚM 3:18 - Dios Rimashcata Quillcashcami

¹⁸ ¡Asiria llactata jatun mandaclla, cambac michiccunaca sueñucunmi! ¡Cambac sinchi soldadocunapish samaricunmi! Cambac llactapi causaccunaca urcucunamanmicaita chaita rishca. Paicunata tandachicca pipish mana tiyanchu.

NAHÚM 3:18 Referans Kwoze

1 REYES 22:17

Shina nicpimi paica: —Tucui israelcunatami michicta mana charic ovejacuna shina, tucui urcucunata shic-huarishpa rishcata ricurcani. Shina cacpimi, Mandac Diosca: “Paicunaca mana mandacta charinchu. Chaimanta mana manchashpa, huasicunaman cutichiclla” ninmi— nirca.

JEREMÍAS 51:57

Paicunata mandaccunatapish, jatun yachaccunatapish, llactapi mandaccunatapish, soldadocunata mandaccunatapish, tucui sinchi runacunatapish machachishami. Chashna machachicpica, huiñaita mana riccharishpami, sueñucungalla. Chaitaca Jatun Mandacmi nin. Paica tucuita Mandac Dios shutimi.

JEREMÍAS 50:18

Chaimantami israelcunapac tucuita Mandac Diosca: Babilonia llactata jatun mandactaca Asiria llactata jatun mandacta shinallatacmi paipac tucui llactandi llaquichigrini.

ISAÍAS 13:14

Tucuimi mancharishca taruga shina, michic illac ovejacuna shina, paicunapac pueblocunaman, paicunapac llactacunaman miticushpa cutinga.

APOCALIPSIS 6:15

Shinallatac cai pachata jatun mandaccunapish, soldadocunata jatun mandaccunapish, chayuccunapish, jatun pushaccunapish, serviccunapish, mana serviccunapish, tucuimi urcupi tiyac rumi jutcucunapi, shinallatac machaicunapi miticugrircacuna.

JEREMÍAS 51:39

Ñucaca paicuna rupaipi cacpimi, jatun micuita ruhuashpa, ubiachishpa machachisha. Chashna machashpa cushicushpami, jaicapi mana riccharingapac sueñunga. Chaitaca Mandac Dios ñucami nini.

ISAÍAS 47:1

Mandac Diosca: «Carihuan manarac chayarishca soltera shina Babilonia llactalla, mandanamanta uricushpa, ñuto allpapi tiyariyari. Caldeocunapac ushilla, cantaca mana cutin: “Sumacmi, allimi cangui” ningacunachu. Can mandanamanta uricushpa, allpapi tiyariyari.

ÉXODO 15:16

Mandac Dioslla, paicunataca manchaipish, chucchuipish japingami. Cambac sinchi maquihuan ruhuashcata ricushpa rumi shina upami saquiringa. Chashnami can acllashcacuna pasangacaman saquiringa.