NAHÚM 3:17 - Dios Rimashcata Quillcashcami

¹⁷ Cambac mandaccunaca langosta curucuna shinami canga. Chiri punzhacunapica langostacuna puyu shina shamushpami pirca jahuapi siricunga. Inti shamucpica ringallami. Shina ricpica, paicuna maipi cactaca pipish mana yachanchu.

NAHÚM 3:17 Referans Kwoze

APOCALIPSIS 9:7

Chai langostacunaca macanacuiman ringapac allichirishca caballocuna shinami carca. Umacunapica curi coronacunata churashcami carca. Cutin ñahuicunaca gentecunapac ñahui shinami carca.

JEREMÍAS 51:27

¡Chai llactapica banderata alzaichic! Chai llactapi causaccunahuan macanacungapac trompetapi tocashpa llactacunamanta tandachichic. Paicunahuan macanacungapac Ararat, Mini, Askenaz llactacunata jatun mandaccunata tandachichic. Chai macanacuita pushachunca, alli pushacta churaichic. Langosta shina, caballocunapi montashpa huichai shamuichic.

EZEQUIEL 31:12

Caru llacta millai gentecunami pitishpa shitanga. Chai sumaimana ramacunaca urcucunapi, pambacunapi, tucui llactacunapi tiyac jatun yacucunapi urmanga. Shinallatac shuctac llacta gentecuna chai yura ucupi llandurishpa causacushpapish shitashpami ringa.

NAHÚM 2:9

¡Cullquitapish, curitapish apaichiclla! ¡Chai tucui sumac charishcacunaca, mashnata apacucpipish, mana tucurinchu!