NAHÚM 3:1 - Dios Rimashcata Quillcashcami

¹ ¡Cai llactapi causaccunalla, huañuchishpa yahuarta jichashpa, yallita llullashpa, shuhuashpa, macashpa quichushpallami causarcanguichic!

NAHÚM 3:1 Referans Kwoze

HABACUC 2:12

¡Canca gentecunata huañuchishpami pueblota shayachircangui! ¡Mana allita ruhuashpami pueblota callarichircangui! ¡Aij, imachari tucungui!

OSEAS 4:2

Ashtahuanpish llaquichina, llullana, huañuchina, shuhuana, huainayana yuyaillami tiyan. Punzhantami huañuchin.

NAHÚM 2:12

Cari leonca paipac huahuacunamanpish, huarmi leonmanpish carangapacmi huañuchishpa achca aichata apamurca. Jutcucunapica aichacunatami jundachirca.

ISAÍAS 42:24

Jacobopac huahuacunataca, ¿pitac prezuchircayari? ¿Pitac israelcunataca shuhuaccunapac maquipi churarcayari? ¿Manachu Mandac Dios ñucanchic mana cazushcamanta llaquichicun? Pai mandashcacunata mana cazushpami, pai munashca shina mana causarca.

ISAÍAS 17:14

Chishiyanata cungailla manchana llaqui japishpaca cayandi tutamantaca tucuringami. Chashnami ñucanchictaca yallita llaquichishpa shuhuaccunaca tucunga.

ISAÍAS 24:9

Ña mana vinota ubiashpa cantangacunachu. Machachic yacupish jayacmi tucunga.

SALMOS 62:10

Ama imata quichuna, shuhuana yuyailla caichicchu. Imata yallita charishpapish ama chai charishcapi shunguta churaichicchu.

NAHÚM 2:13

Tucuita Mandac Diosca: «Ñucami canta llaquichigrini. Cambac carretacunata rupachishpami cushnichigrini. Cambac huahua leoncunataca, espadahuanmi tucui tucuchinga. Cai llactamantaca can shuhuashcatapish, tucuchishami. Cambac huillaccuna huillashcapish, jaicapi mana uyaringachu» ninmi.