MIQUEAS 7:17 - Dios Rimashcata Quillcashcami

¹⁷ Paicunaca culebra shina, llucashpa puric animalcuna shinami ñuto allpata micunga. Culebra mancharishpa jutcumanta llucshic shinami chucchunga. Mandac Diospacmanmi manchaihuan chucchushpa cutiringa. Can llaquichinatami manchanga.

MIQUEAS 7:17 Referans Kwoze

ISAÍAS 49:23

Jatun mandaccunami cambac huiñachic taitacuna shina canga. Jatun mandac huarmicunami huiñachic mamacuna shina canga. Cantaca cumurishpami alabanga. Cambac chaqui allpata lambingacunami. Chashna ruhuacpimi, ñuca Mandac Dios cashcata yachangui. Shinallatac ñucata shuyaccunaca mana pingaichishcachu canga.

SALMOS 72:9

Paipac ñaupapica shitashca pambacunapi causaccunapish cunguringacunami. Paita piñaccunaca allpatami lambingacuna.

SALMOS 18:45

Paicunaca manchaihuan chucchushpami, paicunapac ucumanta llucshin.

APOCALIPSIS 3:9

Ñucaca Satanaspac tandanacuimantami maijan manapish israelcuna cashpa, ‘israelcunami canchic’ nishpa llullaccunataca cambac ñaupapi cungurichisha. Chashna ruhuacpimi ñuca canta cuyashcataca yachangacuna.

ZACARÍAS 14:5

Chai pugru pambaca Azal llactacamanmi canga. Cancunaca chai urcu chaupipi tiyac pugru pambapi miticugringuichic. Judá llactata jatun mandac Uzías mandacui punzhacunapi jatun allpa chucchucpi, miticugrishca shinami miticugringuichic. Chai quipami ñucata Mandac Diosca paipac angelcunahuan shamunga.

LAMENTACIONES 3:29

Cumurishpa umata pambapi tupachichun. Chaipica quishpiringapishchari.

JEREMÍAS 33:9

Jerusalenpi ñuca allicunata ruhuashcata tucui llactacunapi uyashpami, ñucataca alli nishpa, sumaimanami cangui ningacuna. Chaimantami Jerusalenpi causaccunahuan yallita cushicusha nini” ninmi» nirca.

JEREMÍAS 16:16

Cunanca tauca challuata japiccunatami israelcunata japimuchun cachagrini. Chai quipaca achca runacunatami tucui urcucunamanta, lomacunamanta quingraicunamanta sacha animalcunata japic shina, israelcunata japichun cachagrini.

ISAÍAS 65:25

Atucca ovejahuan ishcai tucushpami puringa. Leonca huagra shinami quihuata micunga. Culebraca allpatami micunga. Ñucapaclla tucui urcupica llaquichicpish, millaita ruhuacpish mana tiyangachu» ninmi.

ISAÍAS 64:2

Cunyacuc nina rupachicuc shina, nina cunyashpa yacuta timbuchic shinami chucchunga. Chashna tucucpica, cambac shutitaca canta piñaccuna ricsinmanmi. Llactacunapi causaccunapish cambac ñaupapi chucchunmanmi.

ISAÍAS 60:14

Llaquichiccunapac churicunaca cambac ñaupaman shamushpami cumuringa. Tucui canta millanayachiccunami cambac chaqui ñaupapi cunguringa. Paicunami “Israelcunapac jucha illac Mandac Dios causana Sión llacta” ninga.

ISAÍAS 59:19

Mandac Diospac shuti achic nicucta ricushpaca, inti llucshina ladomanta, inti tigrana ladocamanmi manchanga. Paica, paipac huaira tangacpi, jatun yacu shamuc shinami shamunga. Chashnami Mandac Diospac Espirituca shamunga.

ISAÍAS 25:3

Chaimantami sinchi runacunaca canta alli nincuna. Mana llaquic llactacunaca manchancunami.

SALMOS 9:20

Mandac Dioslla, paicunapica manchaita churaiyari. Paicunaca runallami. Chaitaca paicunaman ricuchiyari.

1 SAMUEL 14:11

Ishcaitacmi filisteo soldadocunapac ñahuipi ricurirca. Chashna ricuricpimi filisteocunaca: «¡Riquichic, israelcunami miticushpa tiyacushca jutcumanta llucshicuncuna!» nirca.

JOSUÉ 9:24

Shina nicpimi, paicunaca Josuetaca: —Canta servic ñucanchicca canta Mandac Dios paita servic Moisesman huillashpa, tucui llactacunapi causaccunata tucuchishpa, chai llactacunata cancunaman cusha nishcatami allita yacharcanchic. Chaimantami cancuna ñucanchicta huañuchinata yallita manchashpa chashna ruhuarcanchic.

DEUTERONOMIO 32:24

Yarcaihuan, millai fiebre ungüihuanmi tucui huañunga. Millai animalcunatapish, culebracunatapish cachashami.

2 SAMUEL 22:46

Shuctac llactamanta shamushca gentecunami irquiyashpa paicuna miticushcamanta chucchushpa llucshin.

2 CRÓNICAS 17:10

Judá llacta muyundipi tiyac llactacunata tucui mandaccunami yallita Mandac Diosta mancharcacuna. Chaimantami Josafathuan macanacunataca mana munarca.

SALMOS 72:11

Tucui jatun mandaccunami paipac ñaupapi cunguringa. Tucui shuctac llactacunapi causaccunami paita servinga.

ISAÍAS 7:19

Chashna shamushpami tucui pugru pambacunapipish, shitashca pambacunapipish, jatun rumi ucucunapipish, casha yuracunapipish, tucui yuracunapipish jundanga.