Biblia Todo Logo
Bib sou entènèt

- Piblisite -




MIQUEAS 5:7 - Dios Rimashcata Quillcashcami

7 Maijan saquirishca Jacobopac huahuacunapuramanta saquirishcaca Mandac Dios cachashca páramo shina, quihuapi urmacuc tamya shinami canga. Paicunaca mana huañuclla runatachu shuyanga. Ashtahuanpish Mandac Diosmantami japinga.

Gade chapit la Kopi




MIQUEAS 5:7
40 Referans Kwoze  

Shuc huarmi huicsayuc tucushpa, sajuaringacaman, maijan saquirishca paipac huauqui israelcuna cutimungacamanmi llactallata saquinga.


Ñucami chaquishca pambapi tamyachishpa, jatun yacucunata ruhuasha. Cancunapac huahua huahuacunaman ñuca Espirituta cachashami. Paicunapac huahuacunata bendiciashami.


Yachachishcaca tamya shinami chayanga. Ñuca rimashcaca shulla tamya shina, quihuapi garua tamya shinami urmanga.


Ñucami israelcunapacca tamya shina casha. Paicunaca lirio sisa shinami canga. Líbano urcupi tiyac cedro yura shinami sapiyanga.


Jatun mandacca pitishca quihuapi sumacta tamyashca shinami canga. Garua tamya allpata nuyuchic shinami tucunga.


Isaías mana manchashpa huillashpaca: «Mana mashcac gentecunami ñucataca tarirca. Ñucata mana tapuc gentecunamanmi ricurircani» ninmi.


Causaita cuc yacumi Jerusalenmantaca llucshinga. Chai yacuca tamya punzhacunapipish, usyai punzhacunapipish chaupica inti llucshina lado mama cuchaman, chaupica inti tigrana lado mama cuchamanmi ringa.


Mandac Diosta mashcashpa, paimanta yachacushunchic. Paica tutamanta inti llucshishpa achicyachic shinami ñucanchicpacman shamunga. Punta tamya, quipa tamya allpapi urmac shinami ñucanchicpacman shamunga» nincuna.


¿Maijan llacta dioscunamanta maijan tamyachic tiyanchu? Jahua pachapish, ¿pailla tamyata cachai pudinchu? Canca, ¿manachu ñucanchicta Mandac Dios cangui? Can caipi tucui ima tiyaccunata ruhuac cashcamantami canllapi shunguta churanchic» nirca.


Can sumaimana cashcahuan imatapish ruhuai punzhami, cambac soldadocunaca quiquin munaimanta shamungacuna. Tutamanta garua tamyahuan mushucyac shinami, punzhanta mushucllatac cangui.


Ñucaca muyuta tarpuc shina, cutin Apolosca parcuc shinami canchic. Tarpushca muyuta huiñachicca Diosmi can.


Israelcuna mana cazushcaca tucui cai pachapi causaccunapac allipacmi cashca. Paicuna pandarishcaca mana israelcunapac allipacmi cashca. Israelcuna pandarishca mana israelcunapac allipac cacpica, israelcunata Dios quishpichicpicarin, ashtahuan alli cashcatami yachanchic.


Shina cacpica, ¿imatatac nishun? Diosca mana israelcunataca paita crishcamantami chasquirca. Mana paicuna cashcata ruhuac cashcamantachu chasquirca.


Shuc tutami Pabloca Macedonia llacta shuc runa shayacucta muscuipi shina ricurca. Chai runaca: «Cai Macedonia llactata ayudaiyari» nishpami mañacurca.


Chashna rimacucpipish, Pabloca Bernabehuan manchashpami, cashna nishpa huillarca. Paicunaca: —Cancuna israelcunamanracmi, Diospac shimita huillana carcanchic. Chashna cacpipish, cancunaca mana uyashun nishpami, huiñai causaita mana chasquishun ninguichic. Chaimanta cunanllatacmi mana israelcunaman huillangapac rigrinchic.


Ñuca paicunaman huillai callaricpica, sarun ñucanchicman shamuc shinallatacmi, Diospac Espíritu paicunapacmanpish shamurca.


Chaimanta tucui cai pacha llactacunaman rishpa, ñuca yachacuccunata ruhuaichic. Paicunataca Taitapac, Churipac, Espiritupac shutipi bautizanguichic.


Jacobopac huahua huahuacunataca tucuimi tandachisha. Tucui saquirishca israelcunataca ovejacunata corralpi tandachic shina, shinallatac sumac quihuapi tandachic shinami tandachisha. Chaipica achca runacuna cashcamantami yallita bullanacucunga.


Mana alli ruhuanata millanayachishpa, allita ruhuanata munaichic. Taripashpaca, cashcata ruhuaichic. Chashna ruhuacpi, tucuita Mandac Diosca maijan saquirishca Josepac huahua huahuacunata llaquingapishchari.


Mandac Dios ñucata mañaccunallami quishpiringa. Ñuca huillashca shinami, quishpirishcacunaca Sión urcupipish, Jerusalenpipish canga. Chai quishpirishcacunaca Mandac Dios ñuca cayashcacunami canga» ninmi.


Chaimantaca chai runaca Diospac huasi pungumanmi cutichimurca. Chaipica chai huasi pungu umbral ucumanta yacu llucshishpa, inti llucshina ladota ricuctami ricurcani. Diospac huasica inti llucshina ladomanmi carca. Chai yacuca Diospac huasi alli lado ucuta llucshishpami, altar ura ladota ricurca.


Ñucaca paicunapica shuc señaltami churasha. Chai quipami miticushpa quishpirishcacunataca shuc llactacunaman cachasha. Chashnami Tarsis llactaman, arcocunahuan macanacuc Fut, Lidia llactacunaman, Tubal, Grecia llactaman cachasha. Shinallatac ñucata mana uyac, ñuca poderta mana ricuc llactaman, mama cucha patacunapi tiyac caru llactacunamanmi cachasha. Paicunami ñuca poderyuc cashcataca shuctac llactacunapi huillanga.


Tamyapish, rasupish jahua pachamanta urmashpaca, mana chaillamantac cutinchu. Ashtahuanpish allpata jucuchishpami granota pucuchin. Chaimantami tarpuc runaca muyupacpish, micungapacpish charin.


Jahua pachamanta Espirituta ñucanchic jahuaman cachangacaman, shitashca pambacuna alli pucuc allpa tucungacaman, shinallatac pucuc allpa, sacha allpa tucungacamanmi chashnaca canga.


Shina cacpipish Gedeonca Diostaca: —Can nishca shina israelcunata ñuca maquihuan quishpichigricushcata yachangapacca,


Chashna nicpipish, Apunchic Jesusca: —Rilla, paitaca mana israelcunamanpish, jatun mandaccunamanpish, israelcunamanpish ñucamanta huillachunmi acllarcani.


Saquirishca israelcunaca ima mana allita mana ruhuangachu, mana llullangachu. Llullashpa pita mana umangachu. Paicunata allita michicpimi, imatapish mana manchashpa, cushilla causanga» ninmi.


Saquirishca Jacobopac huahuacunaca gentecunapac chaupipica shuc león sacha animalcunapac chaupipi cac shinami canga. Huahua león manada ovejacunapac chaupita rishpa, micuc shinami canga. Chashna micucucpica, pipish mana misai pudingachu.


Chai pueblopica asha churicuna, ushicunallami saquiringa. Shina cacpipish, paicunataca llucchishpami apanga. Paicuna cancunapacman shamucpimi, paicuna ima shina causashcatapish, imata ruhuashcatapish ricunguichic. Chaita ricushpami, Jerusalenpi causaccunata ñuca ima shina llaquichishcamanta cushicunguichic.


Chashna llucshishpami, pai maipi cacpipish, páramo urmac shina paita japishun. Shina japishpami paitapish, paipac runacunatapish tucui huañuchishpa, shucllatapish mana saquishun.


Hermón urcuta tutamanta garua shamushpa, Sión urcuman chayamuc shinami can. Chaipimi Mandac Diosca bendiciashpa huiñai causaita cun.


Jatun mandac piñarishpaca león huacac shinami manchachin. Pai alli ruhuashcaca garua quihuapi urmashca shinami.


Dios-huan ari nishcata mana cazuccunataca crinallata parlashpami crichinga. Shina crichicucpipish, paicunapac Diosta ricsic gentecunaca sinchiyashpami shayaringa.


Shina tandachishpami, suchucunamantaca jatun llactata ruhuasha. Chingarishcacunamantaca sinchi llactatami ruhuasha. Mandac Dios ñucami chai punzhamanta pacha paicunataca Sión urcupica huiñaita mandasha.


Dioslla, saquirishca can acllashcacuna mana allita ruhuashcata perdonashpa, juchacunata cungaricca, ¿pi shuctac Diosta tiyanyari? Canca llaquic cashpami, mana huañui causaita piñaringui.


Mandac Diosca: «Ñucami Jerusalentaca muyundi shuctac llactacunapac chaupipi churarcani.


Mandac Diosca: «¡Sionpi causaccunalla, jatarishpa trillac shina tucuchichicyari! Cancunamanca fierro gachuyuc, bronce shillucunayuc huagraman shinami fuerzata cusha. Chaimantami achca llactacunata ñutuchic shina tucuchinguichic. Paicunamanta quichushcacunataca Mandac Diosmanmi cunguichic. Imata charishcatapish, tucui cai pacha Mandac Diospaclla cachun, paiman cunguichic» ninmi.


Judá llactapi causaccunataca ñuca arco shina cachunmi allichisha. Efraín aillutaca flecha shinatami ruhuasha. Sionpi causaccunataca paicunata piña runacunapac espada shinatami ruhuasha. Cancunapac churicunamanca Grecia llactapi causaccunata llaquichichunmi macana yuyaita cusha.


Swiv nou:

Piblisite


Piblisite