MIQUEAS 4:7 - Dios Rimashcata Quillcashcami

⁷ Shina tandachishpami, suchucunamantaca jatun llactata ruhuasha. Chingarishcacunamantaca sinchi llactatami ruhuasha. Mandac Dios ñucami chai punzhamanta pacha paicunataca Sión urcupica huiñaita mandasha.

MIQUEAS 4:7 Referans Kwoze

SAN LUCAS 1:33

Taita Jacobopac huahua huahua israelcunatami huiñaita mandanga. Pai mandanaca manatac tucuringachu— nirca.

MIQUEAS 7:18

Dioslla, saquirishca can acllashcacuna mana allita ruhuashcata perdonashpa, juchacunata cungaricca, ¿pi shuctac Diosta tiyanyari? Canca llaquic cashpami, mana huañui causaita piñaringui.

MIQUEAS 2:12

Jacobopac huahua huahuacunataca tucuimi tandachisha. Tucui saquirishca israelcunataca ovejacunata corralpi tandachic shina, shinallatac sumac quihuapi tandachic shinami tandachisha. Chaipica achca runacuna cashcamantami yallita bullanacucunga.

DANIEL 7:14

Paimanmi llactata mandanatapish, podertapish curca. Tucui llactapi causaccunapish, llactapi causaccunapish chican chican rimaita rimaccunami paita servicurca. Paipac mandanaca jaicapi mana tucuric, huiñaita mandana cashcata, mana taripac mandana cashcatami ricurcani.

ISAÍAS 24:23

Quillapish pingangami, intipish musparingami. Chaica tucuita Mandac Diosmi Sión urcupi tiyac Jerusalenpi mandacunga. Pai acllashca pushac yuyaccunapac ñaupapimi sumaimana achic nicuc tiyacunga.

APOCALIPSIS 11:15

Canchisniqui ángel cornetapi tocacpimi jahua pachamanta sinchita caparishpaca: «Tucui cai allpa pacha llactacunaca, ñucanchic Diospac, shinallatac pai cachashca Quishpichic Cristopac mandanami tucushca. Paimi huiñai huiñaita mandanga» nirca.

MIQUEAS 5:3

Shuc huarmi huicsayuc tucushpa, sajuaringacaman, maijan saquirishca paipac huauqui israelcuna cutimungacamanmi llactallata saquinga.

JOEL 3:17

Mandac Diosca: «Ñucapaclla cac Sión urcupi causac cancunapac Mandac Diosca ñucami cani. Chaitaca yachaichicyari. Ñucapaclla Jerusalentaca shuctac gentecunaca mana ashtahuan pasangachu.

OSEAS 1:10

Ashtahuanpish israelcunaca mama cuchapi tiyac tiyu shinami, pipish maita mana yupaipac cangacuna. Maipimi cancunata: «Cancunaca mana ñuca acllashcacunachu canguichic» nishca pamballapitacmi: «Huiñaita causac Mandac Diospac huahuacunami canguichic» ningacuna.

DANIEL 7:27

Chaipimi cai pacha mandanatapish, jahua pacha ucupi tiyac sinchi mandanacunatapish jahua pacha Diospaclla caccunaman cunga. Paicunaca huiñaitami mandanga. Tucui jatun mandaccunami paicunata cazushpa servinga” nirca.

ISAÍAS 66:8

¿Pitac chashna tucushcataca uyarca? ¿Pitac chashna tucunataca ricurca? ¿Shuc punzhallapichu cai pachaca sajuaringa? ¿Shuc cutinllachu shuc llactaca sajuaringa? Sión urcupi causaccunaca sajuarina nanai japicpimi, huahuacunata sajuarirca.

ISAÍAS 60:22

Paicunamanta yalli uchillami huaranga huaranga tucunga. Ashallamantami yallita sinchi llactacuna tucunga. Mandac Dios ñucallatacmi chashna tucuna punzhataca utca pactachisha» ninmi.

ISAÍAS 6:13

Patsacmanta chunga saquirishca gentecunacamanmi tucuchishca canga. Roble yurata, encina yurata urmachicpica, sapica puchunmi. Chai sapi shinami paicunapuramanta saquirishcacunaca ñucapaclla canga— nirca.

SALMOS 2:6

«¡Ñucaca jatun mandactaca ñami ñucapaclla chicanyachishpa Sión urcupi mandachun churani!» nirca.

ISAÍAS 16:5

Chai quipami Davidpac huahua huahuapuramanta shuc mandac llucshinga. Paimi David shayachishca carpa huasipica cuyaihuan mandanga. Paimi piñaccunataca llaquichishpa, cashcata ruhuashpa mandanga.

DANIEL 2:44

Chai jatun mandaccuna mandacui punzhacunami jahua pacha Diosca jaicapi mana tucuchipac llactata mandachun churanga. Chai llactata mandactaca mana shuctac runacunaman cungachu. Chai jatun mandacmi shuctac jatun mandaccunata ñutuchishpa tucuchinga. Shinami paica huiñaita mandacungalla.

DANIEL 4:34

Chai nishca punzhacuna pactacpimi, Nabucodonosor ñucaca jahua pachata huichailla ricurcani. Chashna ricushpami, cutin yuyaita japircani. Chaimantami jahua pachapi huiñaita causac Diostaca: “Huahua huahuacunata jatun mandac, sumaimanami cangui nishpa alli nircani.

JOEL 2:32

Mandac Dios ñucata mañaccunallami quishpiringa. Ñuca huillashca shinami, quishpirishcacunaca Sión urcupipish, Jerusalenpipish canga. Chai quishpirishcacunaca Mandac Dios ñuca cayashcacunami canga» ninmi.

SOFONÍAS 3:13

Saquirishca israelcunaca ima mana allita mana ruhuangachu, mana llullangachu. Llullashpa pita mana umangachu. Paicunata allita michicpimi, imatapish mana manchashpa, cushilla causanga» ninmi.

EZEQUIEL 43:7

Chaipi rimashpaca: «Huañunalla runa, caipimi ñuca tiyarinaca. Ñuca chaquicunataca caipimi samachisha. Caipimi israelcunahuan huiñaita causasha. Cunanca israelcunapish, jatun mandaccunapish ña mana huainayashpa, jatun mandac huañushca cuerpota lomacunapi tiyac altarcunapi churashpa, ñuca shutita mapayachingachu. Ruhuashcalla dioscunatapish ña mana ashtahuan adorangacunachu.

ABDÍAS 1:21

Esaupac urcupi quishpirishca runacunaca mandangapacmi Sión urcuman huichai ringa. ¡Chashnami mandanaca Mandac Diospaclla canga!

MIQUEAS 2:13

Ñanta pascacmi, paicunapac ñaupataca huichai rishpa, punguta llucshinga. Paicunata jatun mandacca ñaupashpami ringa. Tucuipac ñaupata ricca Mandac Dios ñucami casha» ninmi.

SOFONÍAS 3:20

Cancuna ricucucpi, prezumanta llucchimushpaca, tucui cai pacha llactacunapi causaccunapac ricsishca, alli nishca cachunmi ruhuasha» ninmi. Chaitaca Mandac Diosmi nin.