MIQUEAS 4:13 - Dios Rimashcata Quillcashcami

¹³ Mandac Diosca: «¡Sionpi causaccunalla, jatarishpa trillac shina tucuchichicyari! Cancunamanca fierro gachuyuc, bronce shillucunayuc huagraman shinami fuerzata cusha. Chaimantami achca llactacunata ñutuchic shina tucuchinguichic. Paicunamanta quichushcacunataca Mandac Diosmanmi cunguichic. Imata charishcatapish, tucui cai pacha Mandac Diospaclla cachun, paiman cunguichic» ninmi.

MIQUEAS 4:13 Referans Kwoze

DANIEL 2:44

Chai jatun mandaccuna mandacui punzhacunami jahua pacha Diosca jaicapi mana tucuchipac llactata mandachun churanga. Chai llactata mandactaca mana shuctac runacunaman cungachu. Chai jatun mandacmi shuctac jatun mandaccunata ñutuchishpa tucuchinga. Shinami paica huiñaita mandacungalla.

ISAÍAS 23:18

Shina cashpapish, paicuna catushpa, randishpa tucui japishcaca Mandac Diospaclla chicanyachishcami canga. Paicuna catushpa, randishpa charishcacunataca mana huacaichingachu. Mana mirachingacunachu. Ashtahuanpish chaicunaca Mandac Diospac ñaupapi allita ruhuashpa causaccunapacmi canga. Chai allita ruhuaccuna alli micuchun, alli churarichunmi canga.

ISAÍAS 18:7

Chai punzhapi jagan nicuc manchana jatun runacunaca tucuita Mandac Diosman cungapacmi ofrendata apamunga. Paicunaca yallita llaquichishpa, llactacunata quichuc sinchi runacunami ricun. Paicunapac llacta muyunditaca jatun yacucunami. Chai llactapi causaccunami tucuita Mandac Dios ñucapac shutipi mañangapac Sión urcuman shamunga.

1 CORINTIOS 16:2

Ñuca chayac rato mana tandacungapacca, cada semana callari punzhapimi, tucui mashna asha ofrendata tandachishpa charicuna canguichic.

ZACARÍAS 6:5

Shina tapucpimi angelca: —Caicunaca jahua pacha chuscu huairacunami cai pachata Mandac Diospac ñaupamanta llucshimucun.

ZACARÍAS 4:14

Shina nicpimi angelca: —Caicunaca tucui cai pachata Mandac Diospac ñaupapi, aceiteta cahuishca ishcai runacunatami nisha nin— nirca.

JEREMÍAS 51:33

Israelcunapac tucuita Mandac Diosca: «Sumaimana Babilonia llactaca trigota trillana era shinami. Asha punzha quipaca ñami cosechana punzha chayamugrin» ninmi.

SALMOS 68:29

Jerusalenpi tiyac cambac huasimantami jatun mandaccunaca imalla caranacunahuan shamunga.

JOSUÉ 6:19

Ashtahuanpish curipish, cullquipish, broncemanta, fierromanta ruhuashca imacunapish Mandac Diospaclla chicanyachishcami. Chaimanta Mandac Diospac imapish valishcacunata churana ucupimi churana can» nirca.

ISAÍAS 5:28

Paicunapac flechacunapish alli mulashcami canga. Arcocunapish allichishcami canga. Caballocunapac shillucunaca yacu rumi shina sinchimi canga. Carretacunapac ruedacunaca acapana huaira shinami callpanga.

SALMOS 72:10

Tarsis llactata jatun mandaccunapish, yacu patapi causac caishuc jatun mandaccunapish, paiman allicunata cungapacmi apamunga. Sabá llacta, Seba llactata jatun mandaccunapish huatantami convidanacunata cungacuna.

DEUTERONOMIO 33:25

Pungu huichcanacunapish fierromanta, broncemanta ruhuashca cachun. Paipac fuerzapish paipac tucui causaipi tiyachun.

ISAÍAS 21:10

Shina nicpimi ñucaca: «Trillashpa huairachishca shina, ñuca llactapi causaccunalla, israelcunata Mandac Dios rimashcata uyashpami cancunamanca huillani» nircani.

JEREMÍAS 51:20

Babilonia llactalla, ñuca llaquichina martillo shina, ima shuctac macanacuna shinami canguichic. Cancunahuanmi llactacunata urmachisha.

OSEAS 10:11

Efraín ailluca trillana pambapi shayacuc vaquilla shinami carca. Ashtahuanpish ñucami cungapi yugota churasha. Ñucami Efraín aillutaca yugosha. Judá aillucunami yapunga. Jacobomi allpata ñutuchinga.

HABACUC 3:12

Canca yallita piñarishpami, cai pachataca sarurcangui, shuctac llactacunataca nina japiric shina piñarishpami sarunacurcangui.

SALMOS 24:1

Cai pachapish, chaipi ima tiyaccunapish tucui cai pachapi causaccunapish Mandac Diospacmi.

MIQUEAS 5:7

Maijan saquirishca Jacobopac huahuacunapuramanta saquirishcaca Mandac Dios cachashca páramo shina, quihuapi urmacuc tamya shinami canga. Paicunaca mana huañuclla runatachu shuyanga. Ashtahuanpish Mandac Diosmantami japinga.

ZACARÍAS 12:3

Chai punzhapica Jerusalentaca muyundi llactacunapi causaccunapac llashac jatun rumi shinatami ruhuasha. Chai rumita alzasha niccunaca tucuimi ñuturinga. Tucui cai pacha llactacunamantami paita llaquichingapac tandanacunga.

ZACARÍAS 12:6

Chai punzhapica Judá llacta mandaccunataca ninapi churana fierrota shinata, trigo chagra chaupipi antorcha japiricuc shinatami ruhuasha. Shina ruhuacpimi, muyundi llactacunataca alli ladopi causaccunatapish, lluqui ladopi causaccunatapish tucuchinga. Ashtahuanpish Jerusalenpi causaccunaca paicuna causashcallapitacmi causacunga.