Biblia Todo Logo
Bib sou entènèt

- Piblisite -




MIQUEAS 4:10 - Dios Rimashcata Quillcashcami

10 Sionpi causaccunalla, shuc huarmi sajuarina nanaihuan shinami, yallita caparicunguichic. Cancunaca, caimanta llucshi rishpami, campopi causagringuichic. Chai quipaca, Babilonia llactamanmi chayanguichic. Chaipi cacpimi, Mandac Diosca cancunata piñaccunapac maquimanta quishpichinga.

Gade chapit la Kopi




MIQUEAS 4:10
27 Referans Kwoze  

¡Babilonia llactamanta llucshichic! ¡Caldeocunamanta miticushpa richic! Caicunataca cushicuihuan huillaichic. Cai pacha tucuricaman huillashpa: “Mandac Diosca, paita servic Jacobopac huahua huahuacunataca quishpichircami.


Shuc huarmita sajuarina nanai japic shinami, cungailla nanaica japinga. Sajuarina punzha pactacpi, llucshinata mana yachac yuyai illac huahua shinami canga.


Ñucami paitaca shungupi rimashpa, ari nichishpa shitashca pambaman pushasha.


Ñucami mandac Cirotaca cashcata ruhuanata yachachishpa, alli ñanta pusharcani. Paimi ñuca llactataca cutin shayachishpa, ñuca acllashcacunata prezumanta cacharichimunga. Paica ima cullquita, ima caranata mana japishpami chashna ruhuanga» ninmi. Chaitaca tucuita Mandac Diosmi nini.


Cancunata quishpichic, israelcunapac jucha illac Diosca: «Cancunata quishpichingapacmi Babilonia llactapi causaccunata llaquichichun cachani. Paicunataca miticuc runacunata shinami callpachisha. Barcocunapi jatun tucushpa puric caldeocunataca chai barcocunallapitacmi cutichishpa cachasha.


Shinallatac can charishca churicunatapish Babilonia llactata jatun mandacpac huasipi eunucocuna tucushpa causachunmi apanga” ninmi— nirca.


Ashtahuanpish chai huarmimanca culebramanta caruyashpa, shitashca pambapi causagrichunmi, aguilapac ishcai alasta volashpa richun curcacuna. Chaipimi quimsa huata chaupita Dios cushcata micushpa causacurca.


Ashtahuanpish israelcunaca mama cuchapi tiyac tiyu shinami, pipish maita mana yupaipac cangacuna. Maipimi cancunata: «Cancunaca mana ñuca acllashcacunachu canguichic» nishca pamballapitacmi: «Huiñaita causac Mandac Diospac huahuacunami canguichic» ningacuna.


Mana allita ruhuac millai runacunapac maquimantapish quishpichishpami cuidasha» nirca.


Paita piñaccunapac maquimantami quishpichirca. Huañuchiccunapac maquimantami quishpichirca.


Espadahuan huañuchinamanta miticushpa saquirishcacunataca Babiloniamanmi prezu aparca. Paicunaca Persia llactata jatun mandac tiyangacamanmi Nabucodonosortapish, paipac churicunatapish servishpa causarca.


Chaimantami Mandac Diosca paicunata llaquichichunca, Asiria llactata jatun mandacpac soldadocunata apamurca. Paicunami Manasestaca cadenacunahuan huatashpa, Babiloniaman prezu aparca.


Chaimantami jatun mandac Sedequiasca jatun pircata jutcushpa caldeocuna muyundipi chapacucpipish, tucui paipac soldadocunahuan llucshirca. Paipac huertata rishpa, ishcai pirca chaupipi tiyac punguta chai tutallatac llucshishpami, Arabá pambaman rina ñanta rirca.


Jerusalenmanta Babilonia llactaman prezu cachashcacuna Mandac Dios rimashcata uyaichic.


Chashna shamushpami, tucui llactacunatapish mishashpa, muyundita jatun pircashca llactacunatapish atishpa japinga. Chai punzhapica sinchi runacunapac shunguca sajuaric huarmi shinami tucunga.


Hamat llactapi tiyac Ribla llactaman chayachicpimi, Babilonia llactata jatun mandacca espadahuan huañuchichirca. Chashnami tucui Judá gentecunaca paicunapac llactamanta prezu rircacuna.


Shuc huarmi huicsayuc tucushpa, sajuaringacaman, maijan saquirishca paipac huauqui israelcuna cutimungacamanmi llactallata saquinga.


Persia llactata jatun mandac Ciroca: «Jahua pachapi causacuc Mandac Diosmi ñucataca cai pachapi tiyac tucui llactacunata mandachunpish, Judá llactapi tiyac Jerusalenpi paipac huasita shayachichunpish mandarca. Shina cashcamanta cancunapurapi Pai acllashca Mandac Diosta caticcuna caipi tiyashpaca, tucui Judá llactaman cutichuncuna. Paicunata Mandac Diosca paicunahuan cachun» nishpami huillarca.


Punta sajuaric huarmi shina, llaquinayaita caparicuctami uyarcani. Sionpi causaccunami yallita caparishpa huacacun. Paicuna maquita chutashpaca: “¡Aij ñucalla, cunanca imachari tucusha! Ñucaca huañugrinimi. Cai runacunami ñucataca tucuchigrin” nishpami caparicun» ninmi.


«Can randishca chumbita cinturamanta pascarishpa, Eufrates jatun yacuman rishpa, rumi quingraipi pacai» nirca.


Mandac Diosca: «Efrata nishca Belenlla, canca Judá llacta familiapurapica tucuimanta yalli uchilla pueblomi cangui. Canmantami Israel llactata Mandacca llucshinga. Paica ñaupa huata miranacuimantami shamun» ninmi.


Swiv nou:

Piblisite


Piblisite