MIQUEAS 2:3 - Dios Rimashcata Quillcashcami

³ Chaimantami Mandac Diosca: «Riquichic, ñucapish paicunataca yallita llaquichinatami yuyarishcani. Chai llaquimantaca shucllapish mana atingachu. Mana jatun tucushpa puringachu. Chai punzhaca yalli llaquimi canga.

MIQUEAS 2:3 Referans Kwoze

AMÓS 5:13

Chai punzhacuna mana alli cashcamanta alli yuyaiyuc runaca upallami.

JEREMÍAS 8:3

Chai millaita ruhuac runacunataca caita chaitami shic-huashpa cachasha. Cutin chai saquirishcacunaca causanapac randica, huañuimi ashtahuan munanga. Chaitaca tucuita Mandac Dios ñucami nini.

JEREMÍAS 18:11

Chaimanta cunanca tucui Judá llactapi, Jerusalenpi causaccunataca: “Mandac Diosca: Cancunata piñashpa llaquichinatami yuyaricuni. Jatun llaquihuan ima shina llaquichinatapish ñami yuyaricuni. Chaimanta cada quiquin mana alli causaita saquishpa cutirichic. Cancunapac causaipipish, cancuna imata ruhuanapipish allita ruhuai callarichic” ninmi ningui.

SANTIAGO 2:13

Shuccunata mana llaquiccunataca, paicunatapish mana llaquishpami, Diosca taripashpa llaquichinga. Ashtahuanpish shuccunata llaquiccunataca, taripana punzhapica alli ningami.

LAMENTACIONES 5:5

Yugota cungapi churashca shinami llaquita apacunchic. Mana samarishpami shaicushcalla causacunchic.

LAMENTACIONES 2:17

Mandac Diosca pai ruhuasha nishcataca pactachishcami. Ñaupa huatacunapi pai huillashca shinami, mana llaquishpa tucui tucuchirca. Piñaccunaca canta ricushpa, burlashpami jatun tucurca.

EFESIOS 5:16

Mana alli causai punzhacunapi causacushcamantaca, allita ruhuana tiyacpica allita ruhuaichiclla.

ROMANOS 16:4

Paicunaca huañunata mana manchashpami, ñucata ayudarca. Chaimantami pagui nini, ashtahuanpish caishuc cric mana israelcunapish pagui nincunami.

MIQUEAS 2:1

¡Aij, millaillata yuyashpa causaccunalla! ¡Sueñushpa ima millaita ruhuanata yuyariccunalla! Ña pacarimucpica, paicuna yuyarishca shinallatacmi ruhuan. Paicunaca sinchi mandac cashpami chashna ruhuan.

AMÓS 2:14

Shina ruhuacpica, yalli callpac runapish mana callpai pudingachu. Yalli sinchi runapish fuerza illacmi saquiringa. Yalli piña runapish mana quishpiringachu.

DANIEL 4:37

Cunanca Nabucodonosor ñucaca jahua pachata jatun Mandacta “sumaimana cangui” nishpami alli nini. Tucui pai ruhuashcaca pai nic cashcata, ruhuac cashcatami ricuchin. Jatun tucushca gentecunatapish cumurichinmi.

LAMENTACIONES 1:14

Mandac Diosmi paipac maquihuan ñuca juchataca yugota shina, ñucapi huatarca. Yugota ñuca cungapi huatashpami, yallita irquiyachishpa llaquichirca. Ñucataca maita mana ati pudipac gentecunapac maquipimi churarca.

JEREMÍAS 43:2

Asaiaspac churi Azariaspish, Careapac churi Johananpish, jatun tucushca runacunapish, Jeremiastaca: «¡Canca llullacunguimi! Mana Mandac Dioschu: “Ama Egiptopi causagrichu” nichun cachashca canga.

JEREMÍAS 36:23

Jehudí ña quimsa mana cashpaca chuscu huachuta rezacucpimi, jatun mandacca chai quillcashcata quichushpa, quillcana plumata pitinahuan lliquishpa, jagan nicuc nina jahuapi shitarca. Chashna shitashpami tucui rupachirca.

JEREMÍAS 34:17

Chaimantami Mandac Dios ñucaca: Cancunata servic huauquicunatapish, ayudaccunatapish mana cazurcanguichicchu. Riquichic, jatun macanacuita, jatun ungüita, yarcaitami llaquichichun cacharigrini. Chashna llaquichishpami cancunataca tucui cai pachapi tiyac llactacuna pingaichichun saquigrini.

JEREMÍAS 27:12

Judá llactata jatun mandac Sedequiasmanpish huillashpaca: «Babilonia llactata jatun mandacpac yugota cungapi churashca shina paitapish, paipac gentecunatapish servishpa causaichic. Chashna servishpaca causanguichicmi.

ISAÍAS 5:19

Paicunaca: «Dios munashcataca ñucanchic ricungapac utca ruhuaiyari. Ñucanchic ricsingapac israelcunapac jucha illac Dios yuyarishcataca ruhuailla» nincunami.

ISAÍAS 3:16

Shinallatac Mandac Diosca: «Sionpi causac huarmicunaca jatun tucushpa, caricunahuan ñahuita quimllanacushpa purincuna. Purishpapish chaquita tacashpa, chaqui huallcacunata cuyuchishpami purincuna.

DEUTERONOMIO 28:48

Chaimantami Mandac Dios cancunata piñac gentecunata cachacpi, paicunata servinguichic. Chashnami yarcaihuan yacunayaihuan cashpapish, churana illac cashpapish, tucuilaya illac cashpapish paicunata servinguichic. Paicunaca fierro yugota apachic shinami, tucuchingacaman llaquichinga.

AMÓS 3:1

Israelcunalla, Egiptomanta llucchimuc, cancunata Mandac Dios rimarishcata uyaichic. Paica:

AMÓS 3:2

«Cai pachapi causacpuramantaca cancunallatami ñucaca acllarcani. Chaimantami cancuna mana allita ruhuashcamantaca llaquichisha» ninmi.

ISAÍAS 29:20

Mana llaquic runacunaca tucuringami. Burlac runacunapish tucui chingaringami. Millaita ruhuana yuyailla causaccunapish, mana allita rimashpa,