MIQUEAS 2:1 - Dios Rimashcata Quillcashcami

¹ ¡Aij, millaillata yuyashpa causaccunalla! ¡Sueñushpa ima millaita ruhuanata yuyariccunalla! Ña pacarimucpica, paicuna yuyarishca shinallatacmi ruhuan. Paicunaca sinchi mandac cashpami chashna ruhuan.

MIQUEAS 2:1 Referans Kwoze

SALMOS 36:4

Paica camapi siricushpapish, millaita ruhuanallatami yuyarin. Millai ñanpi cashpami millaita ruhuanataca mana millanayachin.

ISAÍAS 32:7

Llulla runaca ima shina pandachinallatami yuyarishpa purin. Llaquilla caccunata llullashpa pandachingapacmi pacalla yuyarishpa purin. Huacchacuna mandaccunapac ñaupapi cashcata ruhuachun mañacpipish llullashpami atin.

NAHÚM 1:11

Canmantami Mandac Diosta piñachishpa, mana alli yuyaita cuc runaca llucshirca.

ROMANOS 1:30

Shuccunata mana alli nishpa rimancuna, Diostapish piñancuna, pitapish yangapi churashpa rimancuna, jatun tucuncuna, pi mana ruhuashca millaita ruhuancuna, taita mamata mana cazuncuna,

JEREMÍAS 18:18

Jeremías huillashcata uyashpaca: «Jeremiasta ima shina llaquichinata yuyaringapac shamuichic. Mandashcacunata yachachic curapish, cunacpish, alli yachac runapish, Dios ima nishcata huillacpish mana tucuringachu. Pai huillacushcamanta juchanchishpa llaquichishunchic. Pai huillashcataca ama uyashunchic» nirca.

ISAÍAS 59:3

Cancunapac maquica huañuchishca yahuarpi cahuirishcami. Cancunapac dedocunaca millaita ruhuashpami mapayashca. Cancunapac shimica llullallatami riman. Cancunapac calluca mana allillatami parlan.

PROVERBIOS 4:16

Paicunaca ima millaita mana ruhuashpaca, mana sueñuncunachu. Pitapish mana pandachishpaca, sueñuitapish mana charincunachu.

PROVERBIOS 3:27

Maijanta ayudana cacpi, ayudai pudishpaca ayudangui.

GÉNESIS 31:29

Ñucaca cancunata llaquichisha nishpapish llaquichimanllami, ashtahuanpish cambac taita Isaacpac Dios muscuipi tuta ricurishpa: “Jacobotaca maipish cachun rimarinamantaca cuidaringui” nirca.

HECHOS 23:12

Cayandi tutamanta maijan israelcunaca Pablota huañuchingacaman manatac micungapac, manatac ubiangapacmi ari ninacurca. Mana chaita pactachicpica, Dios llaquichichunmi ari ninacurca.

SAN JUAN 19:11

Shina nicpimi Jesusca: —Dios mana canman cushca cacpica, ñucataca imata mana ruhuai pudinguimanchu. Shina cacpipish ñucata japichicmi canta atishpa yalli juchayucca— nirca.

DEUTERONOMIO 28:32

Cancunapac churicunapish, ushicunapish shuctac gentecunapac maquipi churashcami canga. Chaicunata punzhanta ricushpaca shungupi llaquiringuichicmi. Shina cashpapish mana imata ruhuai pudinguichicchu.

HECHOS 23:15

Cunanca, cancunaca caishuc mandaccunahuan huaranga soldadocunata mandacman Pablota ashtahuan alli tapungapac nic tucushpalla caiman apamuchun mañaichic. Ñucanchicca pai manarac chayamucpimi, huañuchingapac ñanpi chapashun— nirca.

PROVERBIOS 12:2

Alli runamanca Mandac Diosllatacmi allicunata cun. Ashtahuanpish millai yuyaiyuc runataca jatun llaquimanmi cachanga.

SAN LUCAS 20:19

Curacunata mandaccunapish, mandashcacunata mandaccunapish “Jesusca chimbapurashca parlohuan parlashpaca ñucanchictami rimacun. Cunancarin, huañuchichingapac japichishun” nircacuna. Shina ninacushpapish, gentecunata manchashpami, mana imata ruhuarcacuna.

MARCOS 15:1

Tutamanta ña pacarimucucpimi, Israel curacunata mandac curacunaca pushac yuyaccunahuanpish, mandashcacunata yachachiccunahuanpish, caishuc mandaccunahuanpish parlangapac tandanacurca. Chai quipami, mandac Pilatopac ñaupaman Jesustaca huatashpa aparcacuna.

EZEQUIEL 11:2

Mandac Diosca: «Huañunalla runa, paicunami cai pueblopica millaita ruhuashpa, mana alli yuyaita cun.

ESTER 9:25

Shina cacpipish Ester jatun mandacpac ñaupaman ricpica Judá gentecunata llaquichishpa jatun llaquita ruhuachun saquinapac randica, chai llaqui paillamantac urmachunmi shuc quillcata cacharca. Shinallatac paitapish, paipac churicunatapish huarcushpa huañuchichunmi mandarca.

ESTER 5:14

Shina nicpimi, paipac huarmi Zerespish, paipac ricsishcacunapish Amantaca: —Sipingapac ishcai chunga ishcai metro caspita shayachichun mandai. Chai caspipi Mardoqueota sipingapac cayaca jatun mandacman huillai. Chai quipaca jatun mandac-huan chai jatun micuiman cushilla ringuillami— nircacuna. Chai yuyai alli cacpimi, Amanca chai sipina caspita shayachichun mandarca.

ESTER 3:8

Chaimantami Amanca jatun mandac Asuerotaca: —Can mandacuc tucui llactacunapi causaccunapurapimi cacpi, chaipi chican chican causac gentecuna tiyan. Shinallatac paicunapac mandashcacunapish shuctac llactacunahuan ricucpica, chicanmi. Jatun mandac mandashcacunatapish mana cazuncunachu. Can jatun mandac paicunata causachun saquishpaca ima allita mana ruhuanguichu.

JOB 24:14

Huañuchic runaca, achic punzhami huacchacunata, imata mana chariccunata huañuchingapac jatarin. Tutaca shuhuacmi tucun.

PROVERBIOS 14:22

Mana allita yuyariccunaca ¿manachu pandarincuna? Allita yuyariccunaca cuyaccunami, cashcata niccunami.

ISAÍAS 29:20

Mana llaquic runacunaca tucuringami. Burlac runacunapish tucui chingaringami. Millaita ruhuana yuyailla causaccunapish, mana allita rimashpa,

EZEQUIEL 33:26

Macanacuna yuyailla causaccuna, millaita ruhuaccuna, shucpac huarmihuan huainayashpa mapayashcacunami canguichic. ¿Chashna cashca jahuachu llactataca japishunllami ninguichic?” ninmi ningui.

EZEQUIEL 38:10

Mandac Dios ñucaca: Chai punzhami cambac shungupica mana allita ruhuanata yuyaringui.

EZEQUIEL 46:18

Mandacca chai llactapi causaccunapac allpataca mana quichunachu can. Paipac churicunamanca paipac allpatami cuna can. Shina ruhuacpimi, ñuca acllashcacunaca mana allpa illac saquiringa. Shucllapish paicunapac allpamantaca mana llucshinachu can” ninmi ningui» nirca.

MIQUEAS 6:12

Chashnami chai llactapi causaccunaca yallita llaquichishca. Paicunaca llullaccunami. Calluca llullashpa umangapacllami.

ZACARÍAS 7:10

Viuda huarmitapish, taita mama illactapish, caru llacta runatapish, huacchatapish ama llaquichinguichicchu. Ama quiquin huauquicunata ucu shungupi piñanguichicchu” nini» nirca.

1 REYES 21:7

Shina nicpimi, paipac huarmi Jezabelca: —¿Manachu canca Israel llactata jatun mandac cangui? Jatarishpa micushpa cushicui. Jezreel pueblopi causac Nabotpac uvas chagrataca ñucami cusha— nirca.

JOB 15:35

Millaitami huicsayuc tucurcacuna mapatami sajuarircacuna, Paicunaca pandachina yuyaillami causancuna» nirca.

SALMOS 36:5

Mandac Dioslla, cambac llaquinaca jahua pachacamanmi. Can tucuita pactachic cashcapish jahua puyucamanmi.

SALMOS 58:3

Diosta mana manchac millai runacunaca mamapac huicsapi tiyarishcamanta pachami Diosmanta anchurircacuna. Sajuarishcamanta pachami llullashpa chingarircacuna.

ISAÍAS 3:14

Mandac Diosca pushac yuyaccunatapish, pai acllashca llactata mandaccunatapish llaquichingapacmi shamunga. Paicunataca: “Cancunami uvas chagracunata quichushpa micurcanguichic. Huacchacunamanta imata quichushpaca huasipimi charicunguichic.

ISAÍAS 5:8

¡Aij, shuctac shuctac huasicunata shayachiccunalla, cancunaca pimanpish mana saquishpami, allpacunata japishpa mirachinguichic! ¡Tucui cai llactapica cancunallami causagringuichic!