SAN MATEO 9:8 - Dios Rimashcata Quillcashcami

⁸ Chaita tucui gentecuna ricushpaca, runacunaman poderta cushcamantami mancharinacushpa, Diostaca “allimari cangui” nircacuna.

Nuevo Testamento en Quichua Cañar 1996

⁸ Chashna alliyachicta tucui chaipi cac gentecuna ricushpaca, mancharinacushpami: —¡Taita Diosmi cai ruhuanacunataca runacuna ruhuachun cushca!— nishpa, Taita Diostaca “allimari cangui” nircacuna.

SAN MATEO 9:8 Referans Kwoze

SAN LUCAS 7:16

Chaipi caccuna mancharishpa, Diosta pagui nishpaca: —Dios ima nishcata jatun huillacmi ñucanchic chaupipica ricurishca. Diosmi, pai acllashca gentecunata ricungapac shamushca— nircacuna.

SAN MATEO 15:31

Chaimantami mana rimariccunapish rimarirca, maqui illaccunapish alliyarca, suchucunapish purirca, ñahui mana ricuccunapish ricurca. Chaita ricushpami, gentecunaca cushicushpa, israelcunapac Diostaca “allimari cangui” ni callarirca.

HECHOS 4:21

Pedropish, Juanpish chai runata alliyachishcamantaca tucui gentecunami Diosta “allimari cangui” nircacuna. Chaimantami mana juchanchipac cacpi, cacharircalla.

SAN LUCAS 23:47

Mandac soldado chaita ricushpa, Diosta “allimari cangui” nishpaca: —Cai runaca cashcata ruhuacmi cashca— nirca.

SAN LUCAS 17:15

Paicunapuramanta shuc runaca pai alli tucushcata ricushpaca, Diosta alli nishpa caparishpami cutimurca.

MARCOS 2:12

Chashna nicpimi, chai ungushca runaca jatarishpa, huandumushca chacanata apashpa, tucuipac ñaupamanta llucshishpa rirca. Chaimantami tucui mashna mancharinacushpa: “Jaicapi mana ricushcatami ricunchic” nishpa, Diostaca “allimari cangui” nircacuna.

GÁLATAS 1:24

Chaimantami ñucamantaca Diosta “allimari cangui” nircacuna.

SAN JUAN 15:8

Chashna alli pucuc ramacuna shina cacpimi, ñuca Taitaca jatunyachishca canga. Shinallatac ñuca yachacuccuna cashcatapish ricuchinguichicmi.

SAN LUCAS 13:13

Chashna nishpa paipac uma jahuapi maquita churacpica, ña derecharishpa, Diosta “allimari cangui” nircallami.

HECHOS 11:18

Chashna nicta paicuna uyashpaca, mana imata nircacunachu. Ashtahuanpish Diostaca “allimari cangui” nishpami: —¡Diosca mana israelcunapish Diosman cutirishpa, huiñai causaita charichunmi munan!— nirca.

HECHOS 21:20

Chashna parlacta uyashpaca, Diosta “allimari cangui” nishpami: —Huauqui, riquiyari, huaranga huaranga israelcunami Jesustaca crishca. Tucui chaicunami: “Moisés mandashcacunataca cazunami canchic” nicuncuna.

MARCOS 7:37

Chashna parlacpica, tucui gentecunami mancharishpami: “Paica allita ruhuan. Ringri mana uyaccunatapish uyachin, mana rimaccunatapish rimachinmi” nircacuna.

SAN MATEO 28:18

Jesús paicunapacman cuchuyashpaca: «Diosca ñucamanmi cai pachatapish, jahua pachatapish mandachun poderta curca.

SAN MATEO 12:23

Chaimantami tucui gentecuna mancharishpa, caishuc chaishuc: «¿Paichu Davidpac aillupuramanta canga?» nishpa tapunacurca.

SAN MATEO 5:16

Cancunapish, cai pachapi causaccunapac ñaupapica, allita ruhuashpa causaichic. Chashnami luz shina canguichic. Cancuna chashna cacpimi, jahua pachapi tiyac cancunapac Diostaca ‘allimari cangui’ ningacuna.

SAN MATEO 9:7

Chashna nicpica, chai runaca jatarishpa, paipac huasiman rircallami.

SAN LUCAS 2:20

Michiccunaca paicunaman huillashca shinallatac ricushpa uyashpaca, Diosta “allimari cangui, sumacmari cangui” nishpami cutirca.

SAN LUCAS 17:18

Cai mana Israel runami, Diosta alli ningapac cutimushca, ashtahuanpish israelcunaca mana cutimushcachu— nirca.

SAN LUCAS 18:43

Jesús chashna nincami, chai runapac ñahuica ña ricurca. Chashna ña ricucpimi, Diosta “sumacmi cangui” nishpami, Jesusta catishpa rirca. Alliyashcata ricuccunapish, tucuimi Diosta “allimari cangui” nircacuna.

2 CORINTIOS 9:13

Cristomanta huillacushca alli huillaita cancuna cazushpa ayudacushcata yachashpami, paicunamanpish, shuccunamanpish shungumanta ayudashcamantaca, Diostaca “allimari cangui” ningacuna.

1 PEDRO 2:12

Diosta mana cazuccunapac ñaupapica allita ruhuashpa causaichic. Shina causacpimi, cancunataca millaita ruhuaccuna nishpa juchanchishpapish, cancuna allita ruhuacushcata ricushpa Dios taripana punzhapica Diosta “allimari cangui” ningacuna.