SAN MATEO 9:36 - Dios Rimashcata Quillcashcami

³⁶ Jesusca tauca gentecuna shitashca, michic illaclla ovejacuna shina, caita chaita puricucta ricushpami, yalli llaquirirca.

Nuevo Testamento en Quichua Cañar 1996

³⁶ Chaipi causac gentecuna michic illaclla ovejacuna caita chaita puricuc shina, shitashca cacta ricushpami, Jesusca paicunamanta mai llaquirirca.

SAN MATEO 9:36 Referans Kwoze

NÚMEROS 27:17

Chai runami israelcunapac ñaupata yaicuna cacpica pushashpa yaicunga. Cutin llucshina cacpica pushashpa llucshinga. Chashna cacpimi, cambac acllashcacunaca michic illac oveja shina mana canga— nirca.

MARCOS 6:34

Canoamanta Jesús llucshishpaca, achca gentecunatami ricurca. Paicuna michic illac ovejacuna shina cashcamantami Jesusca llaquirishpa, paicunaman tucuita yachachi callarirca.

JEREMÍAS 50:6

Ñuca acllashcacunaca chingarishca ovejacuna shinami carca. Michiccunami chingachirca. Chaimantami urcucunapi, lomacunapi purishpa, corraltapish cungarishpa mana cutirca.

SAN MATEO 14:14

Jesús canoamanta uricushpa, achca gentecunata ricushpaca, llaquirishpami maijan ungushcacunata alliyachirca.

ZACARÍAS 10:2

Yanga dioscunaca llullaccunami. Adivinocunaca llullallatami muscun. Muscushcata huillashpapish, yangallami cushichin. Chaimantami gentecunaca ovejacuna shina, purin. Paicunaca michic illac cashpami, llaquilla causan.

SAN MATEO 15:32

Jesús paipac yachacuccunata cayashpaca: —Cai tucui gentecunami quimsa punzhata caipi ñucahuan cancuna. Paicunaca ima micunata mana charinchu. Paicunataca llaquinayanmi. Mana carashpa, huasiman cachacpica, yalli yarcaihuan, ñanpi tigrangami— nirca.

SAN MATEO 15:24

Chashna nicpimi Jesusca: —Diosca ñucataca, oveja chingarishca shina, israelcunapacmanllami cacharca— nirca.

2 CRÓNICAS 18:16

Shina nicpimi Micaiasca: —Tucui israelcunatami michicta mana charic ovejacuna shina, urcucunata caita chaita rishcata ricurcani. Shina cacpimi, Mandac Diosca: “Paicunaca mandacta mana charinchu. Imatapish mana manchashpa huasiman cutimuchunlla” ninmi— nirca.

HEBREOS 5:2

Mandac curaca paipish juchapi urmanalla cashcamantami, caishuc mana yachac chingarishca shina gentecunataca llaquinga.

HEBREOS 4:15

Ñucanchic mana catinata pudicucpi, llaquishpa ayudac jatun mandac curatami charinchic. Paipish ñucanchic shinallatacmi llaquita aparca. Shina cashpapish jaicapi mana juchallircachu.

SAN MATEO 10:6

Ashtahuanpish chingarishca ovejacuna shina cac, israelcunapacman ringuichic.

1 REYES 22:17

Shina nicpimi paica: —Tucui israelcunatami michicta mana charic ovejacuna shina, tucui urcucunata shic-huarishpa rishcata ricurcani. Shina cacpimi, Mandac Diosca: “Paicunaca mana mandacta charinchu. Chaimanta mana manchashpa, huasicunaman cutichiclla” ninmi— nirca.

ZACARÍAS 11:16

Chaica, cai llactapica chingarishca ovejacunatapish mana llaquic, huahua ovejacunatapish mana mashcac, suchu ovejacunatapish mana jambic michictami churagrini. Paica huira ovejacunataca shillullatapish mana saquishpami tucui micunga.

ISAÍAS 13:14

Tucuimi mancharishca taruga shina, michic illac ovejacuna shina, paicunapac pueblocunaman, paicunapac llactacunaman miticushpa cutinga.

MARCOS 8:2

—Cai gentecunaca quimsa punzhatami ñucahuan caipi cancuna. Paicunaca ima micunallata mana charinchu, chaimanta llaquinayanmi.