SAN MATEO 9:23 - Dios Rimashcata Quillcashcami

²³ Mandacpac huasiman Jesús chayashpa, enterrangapac flautapi tocacuctapish, gentecuna caparishpa huacacuctapish

Nuevo Testamento en Quichua Cañar 1996

²³ Israelcunata mandacpac huasiman Jesús chayashpaca, tocaccuna ña enterrangapac rinalla cashcata, shinallatac gentecuna caparishpa huacacuctami ricurca.

SAN MATEO 9:23 Referans Kwoze

2 CRÓNICAS 35:25

Jeremiasca Josías huañushcata yuyarishpami llaquilla cantota allichirca. Cantanata yachac tucui caricunapish, huarmicunapish cunan punzhacamanmi Josías huañushcata yuyarishpa huacana shimicunata cantancuna. Israelcunaca maijan huañucpipish, chai shimicunallatacmi cunan punzhacaman yuyarishpa cantancuna. Chai shimicunaca huacana shimicunata quillcashcapimi quillcashca tiyacun.

HECHOS 9:39

Chaimantami Pedroca jatarishpa paicunahuan rirca. Pai chayacpica, huañushca velaricuc ucumanmi pusharca. Chaiman chayacpimi, viuda huarmicunaca Dorcas causacushpa ruhuashca churanacunata Pedroman ricuchishpa, muyundita shayarishpa huacarca.

SAN LUCAS 7:32

Paicunaca plaza pambapi huambracuna shuc chaishuc caparishpa: “Flautapi tocacpipish, mana bailarcanguichicchu. Llaquillata cantacpipish, mana huacarcanguichicchu” nic shinami.

SAN MATEO 11:17

“Flautapi tocacpipish, mana bailarcanguichicchu. Llaquillata cantacpipish, mana huacarcanguichicchu ninacuc shinami” ninmi.

JEREMÍAS 16:6

Cai llactapica uchillacunapish, jatuncunapish huañungami. Paicunamantaca pipish mana huacangachu, mana enterrangachu. Shinallatac pipish churanata lliquirishpa, acchata pitirishpa mana llaquiringachu.

EZEQUIEL 24:17

Shungullapi llaquiringui. Ama duelo churanata churaringuichu. Ashtahuanpish umapica turbanteta, chaquipica ushutata churaringui. Ñahuitapish ama taparinguichu, veloriopi micunatapish ama micunguichu» nirca.

HECHOS 20:10

Jahuamanta Pablo uricushpa, chai huambrata ucllarishpaca: —Ama mancharichicchu. Huambraca causacunmi— nircami.

APOCALIPSIS 18:22

Flautapi tocashcapish, arpapi tocashcapish, cornetapi tocashcapish, shinallatac maijan cantashcapish cambac callecunapica jaicapi mana uyaringachu. Tucui imata ruhuashpa causaccunapish jaicapi mana tiyangachu. Cutana rumi huacashcapish mana uyaringachu.