SAN MATEO 8:2 - Dios Rimashcata Quillcashcami

² Chaiman leprahuan ungushca runa shamushpa, Jesuspac ñaupapi cumurishpaca: —Apunchic Jesús, can alliyachisha nishpaca, alliyachinguimanllami— nirca.

Nuevo Testamento en Quichua Cañar 1996

² Chashna shamucpica, lepra*f** ung:uihuan cac runa Jesuspacman shamushpami, paipac ñaupapi cungurishpaca: —Apunchic Jesús, ñucata can alliyachisha nishpaca, alliyachinguimanllami— nishpa, mailla mañarca.

SAN MATEO 8:2 Referans Kwoze

SAN MATEO 18:26

Chaimantami chai debic runaca mandacpac ñaupapi cumurishpaca: “Amito, ashallitota shuyai, ñuca debishcataca cutichishallami” nishpa, mañarca.

SAN MATEO 15:25

Chaimanta chai huarmi, paipac ñaupapi cungurishpaca: —Apunchic Jesús, ñucata ayudaiyari— nirca.

1 CORINTIOS 14:25

Shinallatac paipac shungupi tucui ima yuyacushcatapish mana pacashpa huillangami. Chashnami Dios cancunahuan cashcata yachashpa, cumurishpa, Diosta “allimari cangui” ninga.

HECHOS 10:25

Pedro chayacpica, Cornelio tupangapac llucshishpami, paipac ñaupapi cungurishpa chasquirca.

SAN JUAN 9:38

Shina nicpimi paica: —Apunchic Jesús, crinimi— nishpa, cungurishpa, Jesusta alli nirca.

SAN MATEO 28:17

Jesusta chaipi ricushpaca, “allimari cangui” nircami. Ashtahuanpish maijancunaca pai cashcata mana yuyacurcachu.

SAN LUCAS 4:27

Eliseo huillacui punzhacunapi, Israelpi achca lepra ungüihuan caccuna tiyacpipish, Eliseoca shucllatapish mana alliyachircachu, ashtahuanpish Siria llactamanta Naamanllatami alliyachirca— nirca.

SAN MATEO 26:6

Jesusca Betania pueblopi causac, lepra ungüihuanmi nishca Simonpac huasipimi carca.

SAN MATEO 20:20

Zebedeopac huarmimi Jesuspacman shamushpa, paipac ñaupapi cungurishpa mañarca.

SAN MATEO 14:33

Chaimantami canoapi caccunaca Jesuspac ñaupapi cungurishpa: —Canca Diospac Churitacmi cangui— nishpa, alli nircacuna.

SAN MATEO 13:58

Chaimantami Jesusca paipac llactapica mana achca milagrocunata ruhuarca.

SAN MATEO 9:18

Jesús chashna nicucpimi, israelcunata mandac chayashpa, cungurishpaca: —Ñuca ushimi ñacalla huañun. Shina huañushca cacpipish, can paipac umapi maquita churacpica, causaringallami— nirca.

2 REYES 15:5

Mandac Dios jatun mandacta llaquichicpimi, paica huañuna punzhacaman lepra ungüihuan huasipi chicanyachishca causarca. Mandana huasipica jatun mandacpac churi Jotammi gentecunata mandacurca.

2 REYES 5:27

Can chashna ruhuashcamantaca Naamanpac lepra ungüica canpi llutaric shinami cantapish, cambac huahuacunatapish huiñaita llaquichinga— nirca. Shina nicpi, lepra ungüi japicpi, chai runapac aichaca rasu shina yuranlla tucushpa, Eliseopac ñaupamanta llucshirca.

NÚMEROS 12:10

Mandac Dios-huan tupana huasi jahuamanta puyu anchuricpica, Mariaca tucui cuerpomi leprahuan rasu shina yuracyashca saquirirca. Aarón tigrarishpa ricucpica, Mariaca leprahuanmi cashca carca.

APOCALIPSIS 19:10

Shina nicpimi angelta alli ningapac paipac ñaupapi cungurircani. Chashna cunguricpica: «Ama chashna ruhuaichu. Ñucapish can shina Jesús huillashcata mana cungarishpa catic, cambac huauquicuna shinallatac Diospacta ruhuacmi cani. Diostami alli nina cangui» nirca. Diosmanta huillaccunamanca Jesús huillashcacunami huillana yuyaita cun.

SAN MATEO 28:9

Chashna ricucpimi, Jesusca paicunaman ricurishpa alabadurca. Chaipimi huarmicunaca cushicushpa, Jesuspacman cuchuyashpa chaquipi ucllarishpa, “allimari cangui” nircacuna.

SAN MATEO 10:8

Ungushcacunatapish alliyachinguichic, Lepra ungüitapish pichanguichic, huañushcacunatapish causachinguichic, supaicunatapish llucchishpa cachanguichic. Yangami caita ruhuangapacca poderta chasquircanguichic, chaimantami yanga ruhuana canguichic.

SAN MATEO 4:9

—Can ñucata cungurishpa adoracpica, cai tucuitami canman cusha— nirca.

SAN MATEO 2:11

Paicuna chai huasiman yaicushpaca, huahuatami paipac mama Mariandi ricurca. Chaimantami cungurishpa “allimari cangui” nircacuna. Shinallatac quipita pascashpami, curitapish, inciensotapish, mirratapish curca.

2 REYES 5:1

Siria llactata jatun mandacpac soldadocunata mandac Naamanca paipac amopac ñaupapica mai alli nishcami carca. Mandac Diosca Siria llactataca Naamanmantami macanacuita mishachishca carca. Chaimantami paica mai alli nishca carca. Paica alli sinchi runa cashpapish lepra ungüitami charirca.

2 SAMUEL 3:39

Cunanca, jatun mandac cachun aceitehuan cahuishca cashpapish irquiyashcami cani. Sarviapac huahuacunami ñucata atishpa ashtahuan sinchicuna. Paicuna mana allita ruhuashcamantaca Mandac Diosllatac mana allita ruhuashca shinallatac llaquichichun— nirca.

SAN MATEO 8:1

Jesús urcumanta cuticpica, achca gentecunami catimurca.

SAN MATEO 8:25

Chaimantami paipac yachacuccuna Jesusta ricchachingapac rishpaca: —Apunchic Jesús, ¡ña ucuyagrinchicca! ¡Ñucanchicta quishpichiyari!— nirca.

HECHOS 10:14

Shina nicpimi Pedroca: —Mana, Apunchic Jesús. Mapa animalcunataca mana micushachu, jaicapi mana micushcanichu— nirca.