SAN MATEO 7:12 - Dios Rimashcata Quillcashcami

¹² Ima shinami shuccuna cancunaman allita ruhuachun ninguichic, chashnallatac cancunapish shuccunaman allita ruhuaichic. Chaitami Moisés mandashcacunapipish, Dios ima nishcata huillashcapipish nicun.

Nuevo Testamento en Quichua Cañar 1996

¹² Chaimanta ima shinami shuccuna cancunaman allita ruhuachun ninguichic, chashnallatac cancunapish shuccunaman allita ruhuaichic. Chashna ruhuachunmi Moisés mandashcacunapipish, Diosmanta ñaupa huillaccuna quillcashpa huillashcapipish nicun.

SAN MATEO 7:12 Referans Kwoze

SAN LUCAS 6:31

Ima shinami shuccuna cancunaman allita ruhuachun ninguichic, chashnallatac cancunapish shuccunaman allita ruhuaichic.

LEVÍTICO 19:18

Shuccuna llaquichicpica, ama chai shinallatac canpish llaquichinguichu, ama piñashcalla puringuichu. Chaipac randica, can quiquin ima shinami cuyaringui, chashnallatac shuccunatapish cuyangui. Ñucami Mandac Dios cani.

MIQUEAS 6:8

Huañunalla runa, ñami Mandac Diosca ima alli canataca huillarca. Mandac Diosca cashcata ruhuachun, llaquic cachun, paipac ñaupapi cumurichunmi munan.

1 TIMOTEO 1:5

Caita mandashpaca, chuya shunguhuan, chuya yuyaihuan, mana nic tucushpalla crishpa, caishuc chaishuc-huan cuyanacuchunmi nini.

MALAQUÍAS 3:5

Tucuita Mandac Diosca: «Chaipimi brujocunatapish, huainayaccunatapish, llullashpa ari niccunatapish taripashpa llaquichisha. Cullquimanta trabajaccunata, viuda huarmita, taita mama illac huahuacunata, caru llacta runacunata llaquichishpa, ñucata mana manchashpa causaccunatapish llaquichisha» ninmi.

EZEQUIEL 18:21

Ashtahuanpish mana allita ruhuac runa cai tucui millaita ruhuashcamanta anchurishpa, ñuca quillcachishcacunata pactachishpa, causacca mana huañungachu.

SAN MATEO 5:17

Ñucataca ‘Mandashcacunata, Dios ima nishcata huillaccuna huillashcata anchuchingapacmi shamushca’ nishpaca, ama yuyanguichicchu, ashtahuanpish mandashcacunata pactachingapacmi shamurcani.

SANTIAGO 2:8

Tucuimanta yalli mandashcata pactachishpaca, allitami ruhuanguichic. Dios quillcachishcapica: “Can quiquinllatac ima shinami cuyaringui, chai shinallatac shuccunatapish cuyangui” ninmi.