SAN MATEO 6:9 - Dios Rimashcata Quillcashcami

⁹ Cancuna mañashpaca: “Jahua pacha ñucanchic Taitalla, cambac shutitaca, tucuilla alli nishca cachun.

Nuevo Testamento en Quichua Cañar 1996

⁹ Cancuna Taita Diosman mañashpaca, cashna ninguichic: ‘Jahua pachapi cac ñucanchic Taitalla, cambac sumaimana shutita, tucuilla alli nishca cachun.

SAN MATEO 6:9 Referans Kwoze

APOCALIPSIS 4:11

«¡Ñucanchicta Mandac Dioslla, canca sumacmari cangui, allimari cangui, imatapish ruhuacmi cangui! Tucui ima tiyacpish cambac munaimantami ruhuarishca. Canmantami imapish tiyan. Shina cashcamanta cantaca alli ninatacmi canchic» nishpami, alli nicurcacuna.

ROMANOS 8:15

Cancunaca mana cutinllatac manchaita cuc, huatashca shinata charic espiritutachu chasquircanguichic, ashtahuanpish Diospac huahuata ruhuac Espiritutami chasquircanguichic. Chai Espiritumantami: «Ñuca Taitalla» nishpa mañanchic.

EZEQUIEL 36:23

Shuctac llactapi yangapi churashca ñuca shutitami jatunyachisha. Cancunapac chaupipi ñuca jucha illac shutita jatunyachicpimi, ñucataca Mandac Dios cashcata yachangacuna. Chaitaca Mandac Dios ñucami nini.

MALAQUÍAS 1:11

Cai pachapica ñuca shutica inti llucshina ladomanta, inti tigrana ladocamanmi jatun. Chashna ñuca shuti cai pachapi jatunyachishca cacpimi, maipi cashpapish, inciensota rupachishpa, chuya ofrendacunata ñucaman cun. Chaitaca tucuita Mandac Dios ñucami nini.

SALMOS 111:9

Pai acllashcacunaman quishpichicta cachashpami, huiñai huiñaipac ari nirca. Paica jucha illac manchana Diosmi.

ISAÍAS 64:8

Mandac Dioslla, cunanca canmi ñucanchic Taita cangui. Ñucanchicca allpa turullami canchic. Canmi ñucanchictaca ruhuarcangui. Ñucanchicca can ruhuashcami canchic.

ISAÍAS 57:15

Huiñaita jahua pachapi causac, tucuita yalli, jucha illac Diosca: «Ñucaca jucha illac jahua pachapimi causani. Shina cashpapish, cushichishpa causaita cungapacmi llaquilla causaccunahuan, shungupi llaquilla caccunahuan cani. Llaquichishca causaccunapac shungutapish cushichinimi.

GÁLATAS 4:6

Ñucanchic ña paipac huahuacuna cacpica, Diosca paipac Churipac Espiritutami ñucanchic shunguman cacharca. Chai Espiritumi: “Ñuca Taitalla” nishpa mañachun ñucanchictaca yuyachicun.

ISAÍAS 6:3

Chai angelcunaca caishuc chaishucmi: «¡Tucuita Mandac Diosca jucha illac, jucha illac, jucha illacmi! ¡Tucui cai pachaca paipac sumaimana achic nicuc jundami!» nircacuna.

APOCALIPSIS 5:12

Paicuna sinchita rimashpaca: «Diosman cushpa huañuchishca Pactalla Ovejallami, poderta charic, tucuita charic, tucuita yachac, imatapish ruhuac, alli nishca sumaimana nishca, ¡tucuimanta yalli jatun nishca cana can!» nircacuna.

SALMOS 115:3

¡Ñucanchic Diosca jahua pachapimi! ¡Pai munashcatami tucuita ruhuashca!

NEHEMÍAS 9:5

Levitapuramanta Jesúa, Cadmiel, Bani, Hasabnías, Serebías, Hodías, Sebanías, Petanías rimashpaca: “¡Cancunata Mandac Diostaca, huiñaimanta huiñaicaman, tucui alli nishcacunamanta ashtahuan jahuapi cac, paipac sumaimana jatun shutita, allimari, sumacmari cangui ningapac shayarichic!” nirca.

SAN MATEO 7:11

Cancuna millaicuna cashpapish, cancunapac huahuacuna imata mañacpica, allicunatami cunguichic. Ashtahuanpish jahua pacha Dioscarin, maijanpish mañacpica, allicunatami cunga.

ISAÍAS 63:16

Abraham ñucanchicta mana yuyaricpipish, taita Israel ñucanchicta cungaricpipish canmi ñucanchic taita cangui. Mandac Dioslla, huiñaita ñucanchicta quishpichicmi cangui.

SALMOS 72:18

¡Israelcunapac Mandac Dioslla, alli nishca cachun! Paillami sumaimanacunata ruhuacca.

SAN MATEO 26:29

Ñucaca: Ñuca Taita mandacucpi, cancunahuan mushuc vinota ubiangacaman, cai uvas vinotaca mana ubiashachu nini— nirca.

SAN MATEO 23:9

Cancunapac taitaca, jahua pacha Diosmi. Chaimanta cai pachapica, ama pita “taitami” ninguichicchu.

SAN MATEO 5:16

Cancunapish, cai pachapi causaccunapac ñaupapica, allita ruhuashpa causaichic. Chashnami luz shina canguichic. Cancuna chashna cacpimi, jahua pachapi tiyac cancunapac Diostaca ‘allimari cangui’ ningacuna.

2 CRÓNICAS 20:6

Shina shayarishpaca: «Ñucanchic taitacunata Mandac Dioslla, canca, jahua pachapi causac Mandac Diosmi cangui. Tucui llactacunapi mandaccunatapish canmi mandacungui. Fuerzatapish, tucui ima ruhuanatapish, cambac maquipimi charicungui. Canhuanca pi mana chimbapurai pudinchu.

SAN LUCAS 15:18

Ñuca taitapacman cutishpa rishalla. Chaiman chayashpaca: ‘Taitito, Diostapish, cantapish piñachishpami, juchallishcani.

ZACARÍAS 14:9

Mandac Diosmi tucui cai pachata jatun mandacca canga. Chai punzhapica Mandac Diosllami ricsishca canga. Paipac shutillami ricsishca canga.

1 REYES 8:43

Chashna mañacpica, can causacuc jahua pachapi uyanguiyari. Shina uyashpami shuc llactamanta cacpipish, paicuna imata mañashca shinallatac ruhuangui. Chashna ruhuacpimi, tucui cai pachapi causaccunaca cambac shutita ricsishpa, can acllashca israelcuna shinallatac canta manchashpa causanga. Shinallatac ñuca shayachishca cai huasipipish, cambac shutita jatunyachishpami mañangacuna.

HABACUC 2:14

Mama cucha yacuhuan junda cac shinami, cai pachapi causaccunaca Mandac Diospac poderta ricsina yuyaihuan canga.

EZEQUIEL 38:23

Shina ruhuashpami, ñucaca jatun cashcata, jucha illac cashcata shuctac llactacunaman ricuchisha. Shina ruhuacpimi, ñucataca Mandac Dios cashcata yachangacuna” ninmi ningui.

1 CRÓNICAS 17:24

Can imata ruhuasha nishcaca chashnatac pactashca cachun. Cambac shutitaca huiñaita jatunyachishpa: “Tucuita mandac Diosmi israelcunapac Diosca. ¡Paimi israelcunapac Diosca!” nichuncuna. Canta servic ñuca huasi familiaca pi mana cuyuchipac sinchi cachun.

2 SAMUEL 7:26

Cambac shutica huiñaita alli nishca cachun. Shinallatac: “Israelcunapac Diosca tucuita Mandac Diosmi” nichuncuna. Canta servic ñuca huasi ucupuracunapish sinchi cachun.

1 PEDRO 1:17

Cancunaca shucllaman mana tucushpa imata ruhuashcata ricushpa taripac Diosta “Taita” nishpaca, tucui causaipimi cai pachapi causashcacamanca, paita manchashpa, cumurishpa causana canguichic.

1 TIMOTEO 6:16

Paillami huiñaita causacca. Pipish mana ricuipac luzpi causacmi. Paitaca pipish jaicapi mana ricushcachu, shinallatac mana ricui pudingachu. ¡Paitaca huiñaita alli nishca, tucuita Mandacpish nishca cachun! Chashna cachun.

SAN LUCAS 15:21

Paipac churica: “Taitito, Diostapish, cantapish piñachishpami, juchallishcani. Cunanca ña mana cambac churi shinachu cani” nirca.

SAN LUCAS 2:14

«¡Jahua pacha Diosca, alli nishca cachun! ¡Dios cuyashcacunaman cushi tiyachun!» nirca.

ISAÍAS 66:1

Mandac Diosca: «Jahua pachaca ñuca mandashpa tiyanami. Cai pachaca ñuca chaqui sarunami. ¿Maipitac ñuca huasitaca shayachinguichic? ¿Maipitac ñuca samarinataca ruhuanguichic?

SAN MATEO 6:14

Shuccuna ima mana allita ruhuashcata perdonacpica, jahua pachapi tiyac cancunapac Diospish cancunata perdonangami.

SAN MATEO 6:6

Canta Diosta mañashpaca, ucuman yaicushpa, punguta huichcashpa canta Mandac Diosta pacalla mañai. Chashna mañacpica, pacallata ricuc Diosca, can japina cashcata cungami.

SAN MATEO 5:48

Jahua pacha Dios ima shinami allita can, chashnallatac cancunapish allita caichic.

LEVÍTICO 10:3

Chaimantami Moisesca Aarontaca: «Cashna tucunata utcapi Mandac Dios huillashpaca: “Ñucapacman cuchuyamucmanmi ñuca jucha illac cashcata ricuchisha. Israelcunamanmi ñuca sumaimana cashcata ricuchisha” nircami» nirca. Chaimantami Aaronca upalla saquirirca.

GÁLATAS 1:1

Ñucaca mana gentecunalla acllashca, ni cachashca, ashtahuanpish Diospish, pai causachishca Jesucristopish huillachun cachashca Pablomi cani.

SAN JUAN 20:17

Shina nicpimi Jesusca: —Ñucaca manarac ñuca Taitapacman huichai rinichu. Chaimanta ama ashtahuan tuparichu. Shina cacpipish ri, ñuca yachacuccunamanca: ‘Ñucaca ñucapacpish, cancunapacpish Taitapacman, shinallatac ñucapacpish, cancunapacpish Diospacmanmi huichai rigrini’ ninmi, nishpa huillagri— nirca.

SAN MATEO 26:42

Cutinllatac Jesús mañangapac rishpaca: —Ñuca Taitalla, llaquita ñuca apanatac cacpica, can munashca shina cachun— nirca.

ISAÍAS 37:20

Mandac Dioslla, cunanca tucui cai pacha jatun mandaccuna canlla Mandac Dios cashcata yachachun, ñucanchicta paicunapac maquimanta quishpichiyari» nirca.

ROMANOS 1:7

Roma llacta criccuna, cancunataca Diosmi cuyashpa, paipaclla cachun acllarca. Ñucanchic Diospish, Apunchic Jesucristopish yallita cuyachun, cushi causaita cachun ninimi.

SAN MATEO 10:29

Ishcai zhutacunataca shuc cullquillapimi catun. Shina cacpipish, cancunapac Taita mana munacpica, shucllapish pambamanca mana urmanchu.