SAN MATEO 5:4 - Dios Rimashcata Quillcashcami

⁴ Shungupi llaquilla caccuna, ¡cushicuichic! Diosmi cancunataca cushichinga.

Nuevo Testamento en Quichua Cañar 1996

⁴ Llaquilla cashcamanta huacacuccuna, ¡cushicuichic! Taita Diosmi cancunataca cushichinga.

SAN MATEO 5:4 Referans Kwoze

APOCALIPSIS 21:4

Paica tucui huiquitami ñahuicunamantaca pichanga. Huañuipish, llaquilla canapish, huacaicunapish, nanaicunapish ña mana tiyangachu. Ñaupaman ima tiyashcapish cunanca ña mana tiyangachu» nirca.

ISAÍAS 57:18

Chashna ruhuacuctami ricurcani. Paicunataca ñucallatac allichishpami michic shina pushasha. Paicunatapish, paicunahuan llaquilla causaccunatapish cushichishami.

SAN LUCAS 6:21

¡Cunan yarcaihuan caccunaca cushicuichic! Mana nictami micunguichic. ¡Cunan huacaccunaca cushicuichic! Cushicushpa asinguichicmi.

SANTIAGO 1:12

Imapish millai munaicuna shamucpi, chaita mishacca mai cushillami can. Chashna mishacmi Dios paita cuyaccunaman cusha nishca causaita cuc coronata japinga.

ISAÍAS 25:8

Mandac Diosca huañuitaca huiñaipacmi tucuchinga. Tucuipac ñahuimantami huiquita pichanga. Pai acllashcacunata pingaichiccunatapish tucui cai pachamanta anchuchingami. Chaitaca Mandac Diosmi nin.

ISAÍAS 66:10

Jerusalenta cuyaccunaca paihuan yallita cushicuichicyari. Tucui paimanta yana churanata churarishpa llaquilla caccunaca yallita cushicuichicyari.

EZEQUIEL 9:4

Mandac Diosca chai runataca: «Jerusalén chaupita rishpa, millaita ruhuashcamanta llaquirishpa, caparishpa huacacuccunapac frentepi shuc señalta churai» nirca.

ISAÍAS 35:10

Mandac Dios quishpichishcacunaca cushicushpami, Sión llactaman cantashpa yaicunga. Paicunaca huiñai huiñaitami cushicunga. Paicuna yallita cushicuihuan cacpica, ima llaquipish mana japingachu.

ISAÍAS 30:19

Sión urcupi tiyac Jerusalenpi causaccunalla, mana ashtahuan huacanguichicchu. Cancunata llaquic Mandac Diosca cancuna caparishpa huacashcata uyashpami, cancuna mañashcata uyanga.

SAN LUCAS 16:25

Chashna caparicpimi Abrahamca: “Huahua, can causacushpa allita causashcata yuyari. Ashtahuanpish Lazaroca llaquitami causarca. Cunanca caipica cushicushpami tiyacun.

EZEQUIEL 7:16

Maijan llaquimanta quishpirishcacunaca pambapi causac paloma shinami, urcucunapi miticugringa. Chashnami paicunallatac millaita ruhuashcamantaca huacashpa ringacuna.

SAN LUCAS 6:25

¡Cunan mana nicta micuccunalla, imachari tucunguichic! Cancunaca yarcaihuanmi canguichic. ¡Cunan cushicushpa asiccunalla, llaquihuanmi huacanguichic!

ISAÍAS 12:1

Chai punzhapica canca: «Mandac Dioslla, cantami cantasha. Canca ñucahuan piñarishpapish chai piñarishcata pasachishpami cushichishcangui.

SAN LUCAS 7:50

Chaimantami Jesusca chai huarmitaca: —Can crishcamantaca, ña quishpichishcami cangui. Cunanca cushicushpa rilla— nirca.

SAN LUCAS 7:38

Chashnami Jesuspac huashata shamushpa, cungurishpa, huacashca huiquihuan chaquita jucuchirca. Chaimantaca acchahuan chaquichishpami, chaquipi mucharca. Shinallatac pai apamushca mishquilla ashnacuctami Jesuspac chaquipi churarca.

ZACARÍAS 12:10

Davidpac huahuapuramanpish, Jerusalenpi causaccunamanpish cuyac shunguta, shinallatac ñucata mañana yuyaitami yallita cusha. Shina cucpimi, paicunaca ñucata chugrichic shina llaquichishcata ricunga. Chaimantami shuclla churi huañushcamanta shina, punta churi huañushcamanta shina, yallita llaquirishpa huacanga.

ISAÍAS 66:2

Tucui caicunataca ñucami ruhuarcani. Chaimantami tucui caicunaca tiyan. Ñucaca shungupi llaquirishpa, ñuca mandashcata manchashpa, causac huaccha gentecunatami alli nishami.