SAN MATEO 5:3 - Dios Rimashcata Quillcashcami

³ «Juchayuc cashcamanta Diosta mashcaccuna, ¡cushicuichic! Jahua pacha Dios mandacucca cancunapacmi.

Nuevo Testamento en Quichua Cañar 1996

³ “Juchayuc cashcamanta Taita Diospac ñaupapi yangalla cashcata yuyaccuna, ¡cushicuichic! Jahua pacha Taita Dios mandacucca cancunapacmi.

SAN MATEO 5:3 Referans Kwoze

ISAÍAS 66:2

Tucui caicunataca ñucami ruhuarcani. Chaimantami tucui caicunaca tiyan. Ñucaca shungupi llaquirishpa, ñuca mandashcata manchashpa, causac huaccha gentecunatami alli nishami.

PROVERBIOS 29:23

Jatun tucuc runataca llaquimi japinga. Ashtahuanpish shungupi yangalla cac runaca alli nishcami canga.

SALMOS 34:18

Mandac Diosca shungu nanarishcacunapac cuchullapimi. Llaquihuan caccunatapish quishpichingami.

PROVERBIOS 16:19

Macanacushpa quichushcacunata jatun tucushcacunahuan chaupinapac randica, yangalla gentecunahuan tandanacushpa paicuna shina tucunami alli.

SAN LUCAS 18:14

Ñucaca ninimi: Fariseopac randica, cai impuestota japic runaracmi juchacunata Dios perdonashca huasiman cutirca. Chaica, maijanpish “allimi cani” nictaca, mana alli nishcami canga. Maijanpish “mana allichu cani” nictaca, alli nishcami canga» nirca.

2 CRÓNICAS 7:14

Shina cachacpi, ñuca acllashcacuna yallita llaquirishpa ñucata mañacpi, ñucata mashcacpi, mana allita ruhuacushcata saquishpa, ñucapacman cutirimucpica, ñucapish jahua pachamanta uyashami. Paicunapac juchatapish perdonashami, paicunapac allpatapish allichishami.

SALMOS 51:17

Can Diosca animalta chasquinapac randica shungu paquirishcatami chasquingui. Dioslla, shungumanta llaquirishpa cambacman cuchuyactaca mana piñanguichu.

ISAÍAS 57:15

Huiñaita jahua pachapi causac, tucuita yalli, jucha illac Diosca: «Ñucaca jucha illac jahua pachapimi causani. Shina cashpapish, cushichishpa causaita cungapacmi llaquilla causaccunahuan, shungupi llaquilla caccunahuan cani. Llaquichishca causaccunapac shungutapish cushichinimi.

SANTIAGO 2:5

Ñuca cuyashca criccuna: Diosca cai pachapi imata mana chariccunataca, crishcahuan chayuc tucuchun, Dios maipi mandacucpi paita cuyaccuna Pai cusha nishcata japichunmi, chashnaca acllarca.

ISAÍAS 61:1

Mandac Diosmi ñucataca aceitehuan cahuirca. Chaimantami paipac Espíritu ñucapica causan. Ñucataca llaquilla causaccunaman alli huillaita huillachun, shungu paquirishcacunata ayudachun, prezumanta llucchinata huillachun, carcelpi tiyacuccunaman paicuna llucshina chayamucushcata huillachunmi cacharca.

2 CRÓNICAS 34:27

‘Cai llactatapish, cai llactapi causaccunatapish ñuca llaquichigricushcata uyashpaca, cambac shungupi nanarishpa, ñuca ñaupapi llaquirishpa cumurircanguimi. Shina llaquirishpaca, cambac churanatapish lliquishpami, ñuca ñaupapi huacarcangui. Chashna llaquirishcataca ñucapish uyarcanimi.

MIQUEAS 6:8

Huañunalla runa, ñami Mandac Diosca ima alli canataca huillarca. Mandac Diosca cashcata ruhuachun, llaquic cachun, paipac ñaupapi cumurichunmi munan.

SAN LUCAS 11:28

Chashna nicpimi Jesusca: —Maijanpish Dios rimashcata uyashpa cazuccunami, yallita cushicun— nirca.

SALMOS 112:1

Mandac Diosta manchaccunaca cushicunmi. Pai mandashcacunapimi yallita cushicun.

SALMOS 1:1

Millaita ruhuaccuna cunashcatapish mana uyac, juchata ruhuaccunapac ñantapish mana catic, Dios-huan burlaccunahuan mana tandaric runaca maimi cushicunmi.

JOB 42:6

Chaimantami yallita llaquirishpa, ñuto allpapi, uchupapi tiyarini» nirca.

SAN MATEO 11:25

Chai quipami Jesusca: «Jahua pachata, cai pachata Mandac ñuca Taitalla, cantaca “allimari cangui” ninimi. Canca, cai yachanacunataca alli yuyaiyuc, alli yachaccunamanta pacashpami, huahuacuna shinamanmi, yachana yuyaita cushpa yachachishcangui.

SAN LUCAS 4:18

“Ñucaca Diospac Espirituhuanmi cani. Diosca huacchacunaman alli huillaita huillachunmi ñucataca acllashca. Shungupi llaquilla causaccunata alliyachichunmi cacharca. Prezucunata cacharinata huillachun, ñahui mana ricuccunata ricucta ruhuachun, llaquichishca causacuccunata llaquimanta cacharichichunmi cacharca.

MARCOS 10:14

Jesús chaita ricushpa, yachacucuccunahuan piñarishpaca: —Huahuacuna ñucapacman shamuchunca saquichiclla, ama jarcaichicchu. Cai huahuacuna shinacunami Dios mandacucmanca yaicunga.

SAN MATEO 13:16

Cushicuichic, cancunapac ñahuipish ricucunmi, ringripish uyacunmi.

ISAÍAS 30:18

Mandac Diosca cancunata llaquingapacpish shuyacunmi. Paica cancunata llaquic cashcamantami shuyacun. Mandac Diosca cashcata ruhuac Diosmi. ¡Tucui paita yuyarishpa causaccunaca yallita cushicuchun!

SALMOS 146:5

Jacobopac Dios ayudashca causaccuna cushicuichic. Mandac Diospi shunguta churashpa causaccuna cushicuichic.

2 CRÓNICAS 33:12

Ashtahuanpish chai llaquita apacushpami, Manasesca paipac ñaupa taitacunapac Mandac Diospac ñaupapica tucui shunguhuan llaquirishpa mañarca.

SALMOS 41:1

¡Huaccha runata llaquicca cushicunmi! Llaqui punzhacunapica, Mandac Diosmi quishpichinga.

SALMOS 2:12

Paipac churita alli nichic, pacta piñarinman. Paica nina japiric shinami piñaringa. ¡Paipi shunguta churaccunaca cushicuichicyari!

2 CRÓNICAS 33:23

Chashna causashpapish, Mandac Diospac ñaupapi paipac taita Manasés llaquirishca shinaca manatac llaquirircachu. Ashtahuanpish juchallatami yallita ruhuashpa catirca.

SANTIAGO 1:12

Imapish millai munaicuna shamucpi, chaita mishacca mai cushillami can. Chashna mishacmi Dios paita cuyaccunaman cusha nishca causaita cuc coronata japinga.

SAN JUAN 20:29

Chashna nicpimi Jesusca: —Tomás, canca ricushpatacmi cringui. Manapish ricushpa criccunaca, yallita cushicuichic— nirca.

SAN MATEO 24:46

Mandashcata pactachishpa causacucpi amo cuticpica, ¡chai servicca cushicungami!

SALMOS 84:12

¡Tucuita Mandac Dioslla, canpi shunguta churaccunaca maimi cushicunga!

DEUTERONOMIO 8:2

Mandac Dios chuscu chunga huatata shitashca pambata apamushcata yuyaringuichic. Chaitaca cancuna imata yuyac cashcata, mandashcata cazucta, mana cazuc cashcata ricungapacmi ruhuarca.

SANTIAGO 1:10

Shinallatac chayucpish Dios yangallata ruhuacpica cushillami cana can. Chayucca quihua sisa chaquiric shinami tucunga.

PROVERBIOS 8:32

Cunanca huahuacuna uyaichic: Ñuca yachachishcacunata cazuccunaca cushicunmi.

2 CRÓNICAS 33:19

Mandac Diosta mañacpi, Dios uyashcapish, tucui juchacunata ruhuashcapish, mana cazushcapish, mana allita ruhuashcamanta manarac llaquirishpa maipi altarcunata ruhuashca pushtucunamantapish, Asera huarmi diosta yuyarina yurata shayachishcapish, yanga dioscunata ruhuashcapish, Dios ricuchishcata huillaccuna quillcashcapimi tiyacun.

APOCALIPSIS 22:14

Maijanpish causaita cuc yuramanta micungapacpish, chai puebloman punguta yaicungapacpish churanata tacshariccunamanca, ¡mai cushicuimi canga!

APOCALIPSIS 19:9

Chai angelca ñucataca: «Caita quillcai: “Pactalla Ovejapac bodaman cayashcacunaca mai cushicuimi cancuna” ni. Cai rimashca shimicunaca mana llullachu, ashtahuanpish Dios rimashcami» nirca.

SAN MATEO 25:34

Ñuca alli maquiman caccunataca: “Ñuca Taita alli nishcacuna, ñucahuan mandangapac shamuichic. Cai mandanataca Diosmi cai pacha callari punzhamanta, cancunaman cungapac allichishpa charicushca.

SALMOS 128:1

Mandac Diosta manchashpa, pai munashca shina causaccunaca tucuimi cushicuncuna.

SAN MATEO 11:6

Cushicuichic, ñuca ima ruhuacushcata ricushpa, mana pandariccuna— nircami.

SAN MATEO 8:11

Ñucaca ninimi: Achcacunami inti llucshinamanta, inti yaicunamanta tandarishpa, ñaupa taita Abrahamhuan, Isaac-huan, Jacobohuan jahua pacha Dios mandacucpi micungapac tiyaringa.

SAN MATEO 3:2

huillashpaca: «Diosca ñami mandagrin. Chaimanta juchata ruhuanata saquishpa, Diosman cutirichic» nirca.

SAN MATEO 19:14

Chaimantami Jesusca: —Huahuacuna ñucapacman shamuchun, ama jarcaichicchu. Cai huahuacuna shina caccunami Dios mandacucmanca yaicunga— nirca.

SAN LUCAS 22:29

Chaimantami ñuca Taita ñucata Jatun Mandacta ruhuashca shina, cancunatapish jatun mandacta ruhuasha.

SAN LUCAS 22:30

Cancunaca ñuca mandacucpimi, mizapi tiyarishpa ñucahuan micunguichic, ubianguichic. Mandashpa tiyarinapi tiyarishpami, Israelpac chunga ishcai aillucunata mandanguichic— nirca.

APOCALIPSIS 3:17

Canca, ñucaca chayucmi cani, imapish mana illanchu, tucuipimi alli ricuni nicunguimi. Ashtahuanpish imatapish mana charic, lluchulla, ñahui mana ricuc, misa, pipish mana cuyashca cashcataca mana yachanguichu.