SAN MATEO 4:3 - Dios Rimashcata Quillcashcami

³ Chashna cacpimi, diablo Jesuspacman cuchuyashpaca: —Can Diospac Churi cashpaca, cai rumicunata tanda tucuchun ni— nirca.

Nuevo Testamento en Quichua Cañar 1996

³ Chashna yarcaihuan cacpimi, diablo Jesuspacman cuchuyashpaca: —Can Diospac Churitac cashpaca, cai rumicunata tanda tucuchun nillari— nirca.

SAN MATEO 4:3 Referans Kwoze

1 TESALONICENSES 3:5

Chaimantami cancuna crinata saquicungami yuyashpa cancunata ricuchun Timoteota cacharcani. Diablo cancunata pandachicpi, ñucanchic cancunaman huillashca yanga tucunatami mancharcani.

APOCALIPSIS 2:10

Cantaca llaquicuna japigricunmi. Shina cacpipish ama manchanguichu. Crishpa catincunatachu imami nishpami, maijan cancunataca diablo carcelpi churanga. Chaipica chunga punzhatami llaquita apanguichic. Shina cacpipish huañungacaman ñucata caticpica huiñai causaita ricuchic coronatami cusha.

SAN MATEO 3:17

Jahua pachamanta rimashpaca: «Caimi ñuca cuyashca Churica. Paillami ñucataca cushichin» nishcami uyarirca.

HEBREOS 12:16

Esaú shina, ama cancunapurapi pipish huainayac tiyachun. Pipish Diosta ama yangapi churachun. Esauca punta churi japina cashcatami plato micunallahuan cambiarca.

ÉXODO 16:3

Paicuna rimarishpaca: —¡Mandac Dios, cai tucui gentecunata cai shitashca pambaman apamushpa, huañuchinapac randica, Egiptollapitac huañuchishca cashpachari alli canman carca! Chaipica aicha mangacunahuan tiyarishpami, huicsa pactata micuc carcanchic— nirca.

HECHOS 9:20

Saulo israelcuna tandanacuna huasicunapi Quishpichic Cristomanta huillangapac yaicushpaca: “Jesusca Diospac Churimi” nishpami, huillai callarirca.

SAN LUCAS 4:9

Chaimantaca Satanasca Jesusta Jerusalén puebloman pushashpa, Diosta mañana huasi jahuapi churashpaca: —Can Diospac Churi cashpaca, caimanta shitari.

SAN LUCAS 4:3

Chaipimi Satanasca Jesustaca: —Can Diospac Churi cashpaca, cai rumita tanda tucuchun niyari— nirca.

SAN MATEO 14:33

Chaimantami canoapi caccunaca Jesuspac ñaupapi cungurishpa: —Canca Diospac Churitacmi cangui— nishpa, alli nircacuna.

SAN MATEO 16:16

Shina tapucpimi Simón Pedroca: —Canca causac Diospac Churi, Quishpichic Cristomi cangui— nirca.

SAN MATEO 26:63

Ashtahuanpish, Jesusca imata mana nircachu. Chaimantami mandac curaca: —Causac Diospac shutipi huillai. ¿Canchu Diospac Churi Cristoca cangui?— nirca.

MARCOS 1:1

Diospac Churi Jesucristomanta alli huillanaca, cashnami callarin.

MARCOS 3:11

Millai supaicuna Jesusta ricushpa, paipac ñaupapi cungurishpaca: —¡Canca Diospac Churimi cangui!— nishpa caparircacuna.

MARCOS 5:7

Cungurishpa, caparishpaca: —Jahua pacha Diospac Churi Jesús ¿imatatac nic shamunguiyari? ¡Diosmantami mañani, ñucata ama llaquichichu!— nirca.

SAN LUCAS 1:35

Chashna nicpimi angelca: —Diospac Espiritumi shamunga. Jahua pacha Diospac podermi cantaca llandunga. Chaimantami jucha illac huahua huacharinga. Diospac Churi nishcapishmi canga.

SAN LUCAS 4:41

Achca runacunamantami supaicunaca llucshirca. Chai supaicuna llucshishpaca: —¡Canca Diospac Churimi cangui!— nishpami caparirca. Chaimantami Jesusca: —¡Upallaichic!— nirca. Cristo cashcata yachashcamantami, supaicunataca mana imata rimachun saquirca.

SAN LUCAS 22:70

Chashna nicpica, tucui mashna tapushpaca: —Shinashpaca, ¿canchu Diospac Churi cangui?— nircacuna. Shina tapucpimi paica: —Ari, cancuna nishca shinallatacmi cani— nirca.

SAN JUAN 1:34

Chaitaca ñucami ricurcani. Chaimantami: “Paica Diospac Churimi” nishpa, huillacuni» nirca.

SAN JUAN 1:49

Shina nicpimi Natanaelca: —¡Yachachic, canca Diospac Churimi cangui, israelcunata Jatun Mandacpishmi cangui!— nirca.

SAN JUAN 9:35

Chai alliyashca runata tandanacuimanta llucchishpa cachashcata Jesús yachashpami, paita mashcarca. Ña tupashpaca: —¿Canca Runa Tucungapac shamushcataca cringuichu?— nirca.

SAN JUAN 20:31

Chashna cacpipish cancuna Jesusta Quishpichic Cristo cashcatapish, Diospac Churi cashcatapish crichun, shinallatac paita crishpa huiñai causaita charichunmi, caicunataca quillcani.

2 CORINTIOS 1:19

Silvanopish, Timoteopish, ñucapish cancunaman huillacushca, Diospac Churi Jesucristoca mana chai ratollatac «ari», «mana» nicchu carca. Jesucristoca Dios-huan ari nishcata pactachicmi.

GÁLATAS 2:20

Ñucaca Cristohuanmi chacatashca shina cani. Ña mana ñucallachu causacuni, ashtahuanpish Cristomi ñucapica causacun. Cunan aichapi causacushpapish Diospac Churita crishpami causani. Paica ñucata cuyashpami, ñucamanta huañurca.

HEBREOS 4:14

Diospac Churi Jesusca jatun mandac cura cashpami, jahua pachaman yaicurca. Chaimantami ñucanchicca crishpa, catirana canchic.

HEBREOS 7:3

Melquisedecpac taita mamamantapish, paipac aillucunamantapish pi cashcaca mana yacharinchu. Pai huacharishcamantapish, huañushcamantapish pi mana yachanchu. Chaimantami Diospac Churi shina huiñai huiñaita Diospac cura can.

1 JUAN 3:8

Maijanpish juchata ruhuacca diablopacmi. Diablomi callarimanta pacha juchata ruhuachicca. Diospac Churica diablo imata ruhuacushcata chingachingapacmi shamurca.