SAN MATEO 4:10 - Dios Rimashcata Quillcashcami

¹⁰ Shina nicpimi Jesusca: —¡Anchuri caimanta Satanás! Dios quillcachishcapica: “Canta Mandac Diosllata alli ningui, paillata servingui” ninmi— nirca.

Nuevo Testamento en Quichua Cañar 1996

¹⁰ Shina nicpi Jesusca: —¡Anchuri caimanta Satanás!*f** Dios quillcachishcapica: ‘Canta Mandac Taita Diosllata “allimari cangui” ningui, paillata servingui’ ninmi— nirca.

SAN MATEO 4:10 Referans Kwoze

DEUTERONOMIO 10:20

Mandac Diosta manchanguichic, paita servinguichic, paillata catinguichic, paillata servinguichic. Paipac shutipi ima ari nina cacpica, ari ninguichic.

JOSUÉ 24:14

Shinallatac Josueca: «Cancunaca Mandac Diosta manchaichic, ima mana allitapish ama ruhuanguichicchu. Tucui munaihuan paita servishpa causanguichic. Cancunapac chaupimanta, cancunapac ñaupa taitacuna jatun yacu chimba ladopi causashpa servishca dioscunata, Egiptopi causashpa servishca dioscunata anchuchinguichic. Shina anchuchishpami, Mandac Diosta servishpa causana canguichic.

SAN LUCAS 4:8

Chashna nicpimi Jesusca: —Dios quillcachishcapica: “Canta Mandac Diosllata adorangui, paillata servingui” ninmi— nirca.

1 SAMUEL 7:3

Chaimantami Samuelca israelcunataca: —Mandac Diosman tucui shunguhuan cutirishpaca ruhuashcalla shuctac dioscunata, Astarot huarmi diostapish cancunamanta anchuchinguichic. Chai quipaca shungumanta allichirishpa Mandac Diosllatac servishpa causanguichic. Chashna causacpimi, filisteocunapac maquimantaca cacharichinga— nirca.

SANTIAGO 4:7

Diosllatac cazuichic, Diablotaca ama ricunayachichicchu. Shina ruhuacpica, diabloca cancunamanta caruyangallami.

1 PEDRO 5:9

Cai pachapica tucui criccunami cancuna shinallatac llaquita apacuncuna. Chaita yachashpami, Jesusta alli crishpa, diablotaca mishaichic.

SAN MATEO 16:23

Chashna nicpi, Jesús Pedrota rimashpaca: —¡Satanás caimanta anchuri! Canca, Dios munashcata ñuca ama ruhuachunmi jarcasha ningui. Canca, Dios imata ruhuasha nishcataca mana yachanguichu, ashtahuanpish gentecuna yuyashcallatami yuyangui— nirca.

JOB 2:1

Shuc punzhami Diospac huahuacunaca Mandac Diospac ñaupapi ricuringapac shamurcacuna. Shina shamucpimi, Satanaspish Mandac Diospac ñaupapi ricuringapac shamurca.

JOB 1:12

Shina nicpi, mandac Diosca Satanastaca: —Riqui, pai imata charishcacunaca cambac maquipimi. Shina cacpipish, ama cambac maquihuan paitaca tuparinguichu— nirca. Shina nicpimi, Satanasca Mandac Diospac ñaupamanta llucshishpa rirca.

1 CRÓNICAS 21:1

Satanasca israelcunata piñashpami Davidmanca israelcunata yupana yuyaita curca.

JOB 1:6

Shuc punzhami Diospac huahuacunaca Mandac Diospac ñaupapi ricuringapac shamurcacuna. Shina shamucpimi, Satanaspish paicunahuan shamurca.

SALMOS 109:6

Paicunata llaquichichunca canta mana manchac runata churaiyari. Paipac alli ladopica Satanás shayacuchun.

ÉXODO 23:25

Canta Mandac Diosta servingui. Ñucami tandatapish, yacutapish bendiciasha. Shinallatac ñucami tucui ungüicunata canmanta anchuchisha.

ISAÍAS 30:22

Cullquimanta ruhuashca cancuna ruhuashcalla dioscunata, jahuata curihuan llutashpa ruhuashca dioscunatapish millaichic. Chaicunataca millana mapa llachapata shina: «¡Caimanta llucshi!» nishpa, caruta shitaichic.

MARCOS 1:13

Jesusca chuscu chunga punzhatami shitashca pambapi carca. Chaipimi Satanaspish pandachisha nirca. Sacha animalcunapish tiyarcami. Chaipica angelcunami Jesustaca servicurca.

SAN LUCAS 10:18

Chashna nicpimi Jesusca: —Ari, Satanastaca relampa shina jahuamanta urmactami ricurcani.

SAN LUCAS 11:18

Satanás paicunapura piñanacucpica, ¿manachu pai mandacucca chingarinmanlla? Chaica, cancuna ñucata: “Beelzebuhuan cashpami, supaicunata llucchishpa cachan” nishcamantami chashna nini.

SAN LUCAS 13:16

Cai huarmica Abrahampac huahua huahuapurami. Paitaca Satanasmi chunga pusac huatata unguchishpa charicushca. Paitaca, ¿manachu samana punzha cacpipish, ungüimanta cacharichina cani?— nirca.

SAN LUCAS 22:3

Chashna cacpimi, Jesuspac chunga ishcai yachacuccunapuramanta Judas Iscariotepac shungupi Satanasca yaicurca.

SAN LUCAS 22:31

Shinallatac Jesusca: —Simón, Simón, Satanasca trigota shushuc shina ruhuangapacmi, Cancunataca mañashca.

SAN JUAN 13:27

Judas tandata japincami, Satanasca paipac shungupi yaicurca. Chaimantami Jesusca: —Can imata ruhuagricushcataca utca ruhuailla— nirca.

HECHOS 5:3

Chaimantami Pedroca Ananiastaca: —Ananías, ¿ima nishpatac Satanasta cambac shungupi yaicuchun saquishpa, Diospac Espirituman llullashpa, allpa catushca cullquita mana tucui apamungui?

HECHOS 26:18

Chaica, amsapi causaccuna ñahuita pascac shina achicman llucshichun, Satanás mandashca causaccuna, Dios mandashca causachunmi huillana cangui. Ñucata crishcamantami Diosca paicunapac juchacunata perdonanga. Paicunaca Dios paipaclla cachun acllashcacunaman cusha nishcatami chasquinga” nircami.

1 CORINTIOS 5:5

Chaimanta chai huacllirishca runataca paipac aicha llaquichishca cachun, Satanaspac maquipi churaichic. Apunchic Jesús cutimui punzhapi chai runapac espirituta quishpichichunmi, chashnaca ruhuana canguichic.

1 CORINTIOS 7:5

Chaimanta caishucpish, chaishucpish ama misarinacuichicchu. Shina cashpapish Diosta tucui shunguhuan mañangapacca, ishcaindita yuyarinacushpami, asha punzhacunacaman chayarinataca saquina canguichic. Chai quipaca Satanás huainayana yuyaita ama cuchun tandaringuichiclla.

2 CORINTIOS 2:11

Chai shina ruhuacpimi, Satanasca ñucanchictaca mana pandachinga. Pai ima shinapish pandachisha nicushcataca allimi yachanchic.

2 CORINTIOS 11:14

Caicunata ricushpaca, mana mancharinachu. Satanasllatacmi achic nicuc ángel shina tucunlla.

2 CORINTIOS 12:7

Chai muscuipi shina ricushcamanta ñuca mana yalli jatun tucuchunca, ñuca cuerpopi shuc casha tucsic shinami Diosca nanaita churarca. Chai shinami ama yalli jatun tucuchunca, Satanaspish chai nanaillahuantac llaquichicunlla.