SAN MATEO 3:7 - Dios Rimashcata Quillcashcami

⁷ Achca fariseocunapish, saduceocunapish bautizaringapac shamucpimi Juanca: «¡Culebra shina gentecuna! Dios cachashca llaquimanta quishpirinataca, ¿pitac huillarcayari?

Nuevo Testamento en Quichua Cañar 1996

⁷ Shina bautizacucpimi, achca fariseocunapish,*f** saduceocunapish*f** bautizarisha nishpa shamurca. Shina shamucta ricushpami, Juanca: —¡Culebra shina millai gentecuna! Taita Dios p'iñarishpa ima mundota ñalla llaquichigricushcamanta cancuna quishpirichunca, ¿pitac huillarcayari?

SAN MATEO 3:7 Referans Kwoze

SAN MATEO 12:34

Culebrapac huahuacuna, cancunallatac millai cashpaca, ¿ima shinatac allita rimaringuichic? Shungupi ima yuyaicuna tiyashcatami, shimica riman.

1 TESALONICENSES 1:10

Shinallatac huañushcacunapuramanta Dios causachishca quishpichic Jesucristo jahua pachamanta shamunata shuyacushcatapish, Dios piñarishpa llaquichimanta pai quishpichic cashcatapish parlancunami.

ROMANOS 1:18

Diosca jahua pachamantami paita mana cazuccunaman, millaita ruhuaccunaman pai piñarishcata ricuchin. Paicunaca mana allita ruhuashpami, cashcata ruhuanata jarcancuna.

SAN MATEO 23:33

¡Culebracuna, culebrapac huahuacunalla! ¡Maitatac ucu pacha ninamantaca quishpiringuichicyari!

ROMANOS 5:9

Apunchic Jesucristo huañushcamanta, Dios chashquishca cashpaca, Dios piñarishpa, llaquichicui punzhapica quishpirishcami cashun.

SAN MATEO 22:23

Chai punzhapimi huañushcacuna causarinata mana cric maijan saduceocuna Jesuspacman shamushpa tapushpaca:

SAN MATEO 16:6

Chaipimi Jesusca: —Fariseocunapac, saduceocunapac levaduramanta cuidaringuichic— nirca.

1 JUAN 3:10

Maijanpish cashcata mana ruhuashpa, criccunata mana cuyacca, mana Diospac huahuachu. Shina cashcamanta maijanlla Diospac huahuacuna, maijanlla diablopac huahuacuna cashcataca ricunallami can.

SAN JUAN 9:40

Maijan fariseocuna chaita uyashpaca: —¿Shinashpaca ñucanchicpish ñahui mana ricuccunachu canchic?— nircacuna.

JEREMÍAS 51:6

¡Babilonia llactapi causaccunapac juchamanta mana huañungapac chaimanta llucshichicyari! Paicuna llaquichishca shinallatac paicunatapish Mandac Dios llaquichina punzhami chayamushca. Paicunaman cuna cashcatami cugrin.

JEREMÍAS 6:10

Ñucaca: «¿Pitatac ama chashna ruhuaichu nishpa rimashayari? Paicunaca ringri huichcashca cashcamantami mana uyancuna. Can Mandac Dios rimashcataca pingashpami mana uyasha nin.

HEBREOS 11:7

Crishcamantami Noepish Dios huillashca manarac pactacpi, Diosta cazushpa, paita manchashpa, paipac aillu quishpirichun huambuc huasita ruhuarca. Pai crishcamantami, cai pacha millai gentecunatapish llaquiman cacharca. Diosca Noetaca crishcamantami chasquirca.

HECHOS 26:5

Shinallatac uchillamanta pacha fariseopura cashcatapish, israelcuna crishcata tucuita allita pactachic cashcatapish allita yachancunami. Chaimanta huillashun nishpapish huillachunlla.

HECHOS 20:31

Chaimanta alli yuyaihuan caichic. Ñucaca quimsa huatacamanmi tutapish, punzhapish mana samarishpa, tucui cancunata shucllancaman huacashpa cunacurcani.

HECHOS 15:5

Chashna parlacpipish, fariseopuramanta maijan criccuna shayarishpaca: —Mana Israel criccunataca circuncisionta ruhuashpa, Moisés mandashcacunata pactachichunmi yachachina canchic— nirca.

HECHOS 5:17

Chaimantami Israel curacunata mandac curapish, paihuan cac saduceocunapish envidiashpa piñarirca.

SAN JUAN 8:44

Cancunaca diablopac huahuacunami canguichic. Chaimantami pai munashcata ruhuanguichic. Diabloca callarimanta pachami huañuchic, llullac cashca. Paica jaicapi mana cashcata ninchu. Paica llullapac taitami. Pai llullashpaca, pai ima shina cashca shinallatacmi ricuchin.

SAN JUAN 1:24

Tapuchun cashcacunaca Fariseocunami carca.

SAN LUCAS 18:11

Chai fariseo shayarishpaca: “Dioslla, ñucaca mana shuccuna shina shuhuac, millai, huainayacchu cani. Mana cai impuestota japic runa shinachu cani. Chaimantami cantaca pagui nini.

SAN LUCAS 16:14

Cullquita charina yuyailla cac fariseocunaca tucui chaicunata uyashpaca, Jesusta burlarcami.

SAN LUCAS 7:30

Ashtahuanpish fariseocuna, mandashcacunata yachachiccunaca Dios ima paicunaman allita ruhuasha nishcataca mana chasquishun nircachu. Shinallatac Juan bautizacucpica, mana bautizarisha nircachu.

MARCOS 12:18

Chai quipami, huañushcacuna causarinata mana cric saduceocuna shamushpa Jesustaca:

MARCOS 12:13

Chai quipami maijan fariseocunatapish, Herodespac maijan runacunatapish Jesusta tapushpa pandachichun cacharca.

MARCOS 8:15

Jesús paipac yachacuccunata mandashpaca: —Uyaichic, fariseocunapac, Herodespac levadurataca ama chasquinguichicchu— nircami.

SAN MATEO 22:34

Saduceocunata Jesús upallachishcata yachashpami, fariseocunaca tandanacurca.

SAN MATEO 22:15

Chai quipami fariseocunaca, Jesusta ima shina pandachishpa juchanchinata yuyarinacurca.

SAN MATEO 12:24

Chaita uyashpami fariseocunaca: «Cai runaca supaicunata mandac Beelzebuhuan cashpami, supaicunataca llucchishpa cachan» nircacuna.

SAN MATEO 5:20

Yachachiccunatapish, fariseocunatapish atishpa mandashcacunata mana pactachishpaca, jahua pacha Dios mandacucmanca jaicapi mana yaicunguichicchu.

ISAÍAS 59:5

Paicunaca culebrapac rurucunata ucllac shina, araña telata ahuac shinami causan. Maijanpish chai rurucunata micushpaca huañungami. Chai rurucunata tucyachicpica, culebracunami llucshinga.

GÉNESIS 3:15

Canhuan, cai huarmihuan, cambac huahuacunahuan, cai huarmipac huahuacunahuan piñanacuchunmi churani. Cai huarmipac huahuaca cantaca umapimi sarunga. Canca chaqui talonllapimi caningui— nirca.

HEBREOS 6:18

Dios paipac shutipi cusha nishcamanta, cashcata nic cashcamantaca, cushicushpa shuyashpa, pai huacaichichun munaccunaca cushicuitami japishcanchic.

SAN MATEO 15:12

Chaimantami yachacuccuna Jesuspacman cuchuyashpaca: —Can chashna nicpi, ¿fariseocuna piñarishcataca yachanguichu?— nirca.

PROVERBIOS 28:4

Mandashcamanta caruyac runacunaca Diosta mana manchaccunatami alli nin. Ashtahuanpish mandashcata pactachiccunaca paicunata mana ricunayachishpami piñancuna.

SAN MATEO 16:1

Fariseocunapish, saduceocunapish shamushpa, Jesusta pandachisha nishpaca: —Jahua pacha Dios cachashcata ricuchingapacca milagrota ruhuashpa ricuchi— nirca.