SAN MATEO 3:6 - Dios Rimashcata Quillcashcami

⁶ Paicunataca llaquirishpa juchacunata huillacpimi, Juanca bautizac carca.

Nuevo Testamento en Quichua Cañar 1996

⁶ Paicunataca juchacunamanta llaquirishpa Taita Diosman huillacpimi, Juanca bautizac carca.

SAN MATEO 3:6 Referans Kwoze

HECHOS 19:18

Tauca criccunami paicuna manarac crishpa, mana allita ruhuashcacunata llaquirishpa, tucuipac ñaupapi huillarca.

1 JUAN 1:9

Shina cashpapish ñucanchic juchacunata Diosman huillacpica, paica imatapish cashcata ruhuac cashcamanta, imatapish pactachic cashcamantaca perdonangami, shinallatac tucui mana allicunatapish pichangami.

HEBREOS 9:10

Chaica micunapish, ubianapish, tucuilaya maillarinapish cuerpopac alli cashcatami ricuchin. Chai mandashcaca Dios shucta ruhuangacamanmi alli carca.

SAN MATEO 3:11

Ñucaca llaquirishpa, Diosman cutirichunmi, yacuhuan bautizacuni, ashtahuanpish ñucapac quipa shamucmi, Diospac Espirituhuan, ninahuan bautizanga. Paica ñucata atishpa, ashtahuan poderyucmi. Ñucaca paipac ushutallatapish mana apaipacchu cani.

HEBREOS 6:2

bautizarinamanta, criccunapac uma jahuapi maquita churanamanta, huañushcacuna causarinamanta, huiñaita jatun llaquiman cachanamanta ama cutinllatac cutinllatac yachacushunchic.

COLOSENSES 2:12

Cancuna ña bautizarishca cashcamantaca, Cristohuan enterrashca shinami canguichic. Shinallatac Cristota causachic imatapish ruhuaclla Diosta crishcamantaca, huañushcacunapuramanta Cristohuan pacta causachishca shinami canguichic.

1 CORINTIOS 10:2

Chashna puyuhuanpish, cucha yacuhuanpish bautizaric shina tucushpami, Moises-huan shuc shinalla tucurcacuna.

HECHOS 22:16

Cunanca mana unayashpa, jatarishpa bautizari. Cambac juchacunata Dios perdonashpa, chuyayachichun, Apunchic Jesusta mañai” nirca.

HECHOS 11:16

Chashna shamucpimi, Apunchic Jesús huillashcataca yuyarircani. Paica: “Juanca yacullahuanmi bautizarca. Ashtahuanpish cancunaca asha punzhacuna quipaca, Diospac Espirituhuanmi bautizashca canguichic” nircami.

HECHOS 1:5

Juanca yacullahuanmi bautizarca, ashtahuanpish asha punzhacuna quipaca, Diospac Espirituhuanmi bautizashca canguichic— nirca.

SAN LUCAS 3:16

Chashna nicucpimi, Juanca chaipi caccunataca: —Ñucaca yacullahuanmi bautizani, ashtahuanpish shucmi Diospac Espirituhuanpish, ninahuanpish bautizangapac shamunga. Paica ñucata atishpa, ashtahuan poderta charicmi. Ñucaca paipac ushuta huatashcallatapish mana pascaipacmi cani.

MARCOS 1:5

Chashna huillacucpimi, tucui Jerusalén pueblomantapish, Judea llactamantapish pai huillashcata uyangapac shamurca. Juanca paicuna llaquirishpa, juchacunata huillacpimi, Jordán yacupi bautizarca.

DANIEL 9:4

Ñucata Mandac Diosta mañashpami, paiman juchacunata huillashpaca: “¡Mandac Dioslla, canca manchana jatun Diosmi cangui! Canta cuyaccunahuan, can mandashcacunata pactachiccunahuan ari nishcata pactachicmi cangui.

EZEQUIEL 36:25

Chaipimi chuya yacuhuan cancunapac juchacunata pichashpa, ruhuashcalla dioscunata adorashpa mapayashcatapish chuyayachisha.

PROVERBIOS 28:13

Maijanpish paipac juchata pacacca, mana alli causai pudingachu. Ashtahuanpish juchacunata huillashpa, tucuita saquicpica Diosca llaquingami.

SALMOS 32:5

Ñuca juchacunata huillashpaca ima mapata ruhuashcatapish mana pacashpami huillarcani. Ñucaca: «Canta mana cazushcataca can Mandac Diosmanmi huillasha» nircani. Chashna huillacpimi, ñuca millaita ruhuashpa juchallishcataca perdonarcangui.

JOSUÉ 7:19

Chashna cuchuyacpica, Acanta Josué tapushpaca: —¡Ñuca huahualla, can imata ruhuashcata huillashpa israelcunata Mandac Diosta sumacmari cangui, allimari cangui niyari! ¡Can imata ruhuashca cashpapish ama pacaichu!— nirca.

NÚMEROS 5:7

Chai juchata huillashpa, llaquichishca runaman pagana cashcata cushpapish chungamanta ishcaihuan yallitami cuna can.

LEVÍTICO 26:40

Paicunapac, shinallatac paicunapac taitacunapac mana allita ruhuashcata, ñucata mana cazushpa paicuna munashcata ruhuashcata huillangacuna.

LEVÍTICO 16:21

Chai chivopac uma jahuapi maquita churashpami, tucui israelcuna juchallishcatapish, millaita ruhuashcapish huillanga. Chashnami chivopac uma jahuapi juchacunata churashpa, shitashca pambapi cacharichun, chaipac acllashca runata cachanga.

1 PEDRO 3:21

Chai yacuca bautizarinatami ricuchicurca. Yacupi bautizarishpaca, Jesucristo huañushcacunapuramanta causarishcamantami, cunanca quishpirishca canchic. Bautizaricpica ima mapata mana anchuchinchu, ashtahuanpish mana alli yuyaicuna ama tiyachun Diosta mañana yuyaicunatami cun.

SANTIAGO 5:16

Alliyashca cangapacca, ima mana allita ruhuashcacunatapish caishuc chaishuc huillanacuichic. Caishuc chaishucmanta Diosta mañaichic. Cashcata ruhuac Diosman mañacpica, imatapish pactachingallami.

ESDRAS 10:1

Esdras Diospac huasi ñaupapi cungurishpa huacashpa, juchacunata huillashpa mañacucpimi, achca israelcuna caricunapish, huarmicunapish, huahuacunapish Esdraspacman cuchuyamurca. Chaipica achca gentecunami yallita huacacurca.

SAN LUCAS 1:16

Achca israelcunatami, Mandac Diospacman cutichimunga.