SAN MATEO 3:4 - Dios Rimashcata Quillcashcami

⁴ Juanca camello millmamanta ruhuashca churanatami churashca, cara chumbihuanmi chumbillishcami carca. Paica langostacunata, shinallatac abeja mishquitami micuc carca.

Nuevo Testamento en Quichua Cañar 1996

⁴ Camello*f** animal millmamanta ruhuashca churanatami Juanca churashca carca, shinallatac cara chumbihuanmi chumbillishca carca. Paica langostacunata,*f** shinallatac bunga mishquitami micuc carca.

SAN MATEO 3:4 Referans Kwoze

2 REYES 1:8

Shina nicpimi paicunaca: —Chai runaca millmayuc cuerpo, cinturapica cara chumbihuan chumbillishcami ninmi— nirca. Shina nicpi, jatun mandacca: —Paica tisbitapuramanta Eliasmi— nirca.

LEVÍTICO 11:22

chaipuralla langostacunatapish, chaipuralla grillocunatapish, chaipuralla chipucunatapish micui pudinguichicmi.

MARCOS 1:6

Juanca camello millmamanta ruhuashca churanata churashca, cara chumbihuan chumbillishcami carca. Shinallatac langostacunata, abeja mishquitami micuc carca.

SAN MATEO 11:8

Mana cashpaca, ¿imatatac ricungapac rircanguichic? ¿Shuc alli churanata churarishca runatachu ricugrircanguichic? Alli churanata churarishcaca chayuccunahuanmi cushicushpa, jatun mandaccunapac huasicunapi causan.

ZACARÍAS 13:4

Chai punzhapica muscuipi shina ricushcata llullashpa huillaccunaca pingaichishcami canga. Paicuna millmayuc churanacunata churarishpa llullanaca tucuringami.

SAN LUCAS 1:17

Juanca Quishpichicpac ñaupatami ringa. Huillac Elías shinami, Diospac Espirituhuan, poderhuan ringa. Paimi taitacunahuan, huahuacunahuan piñanacushcatapish alli allichinga. Mana cazuccunatapish cashcata ruhuanata yachachishpami, yuyaita cunga. Chashnami Quishpichic shamucpica, alli chasquina yuyaita charinga— nirca.

MALAQUÍAS 4:5

Mandac Dios ñuca shamuna punzha, jatun mancharina punzha manarac shamucpimi, ñuca ima nishcata huillac Eliastaca cachani.

APOCALIPSIS 11:3

Chai punzhacunapica ishcai huillaccunatami sharpa churanata churarishpa huaranga ishcai pasac sucta chunga punzhacunata ñucamanta huillachun mandasha» nirca.

SAN MATEO 11:18

Vinotapish mana ubiac, mana achcata micuc Juan shamucpica: “Paica supaihuanmi” ninguichicmi.

DEUTERONOMIO 32:13

Jahua urcucunata pushashpami, campopi pucushca granocunata cararca. Paimi quingraimanta abeja mishquita, sinchi rumimanta aceiteta cararca.

ISAÍAS 20:2

Mandac Dios Amozpac churi Isaiasta rimashpaca: «Caimanta rishpa, can churarishca sharpa churanatapish, cambac ushutatapish llucchi» nirca. Shina nicpimi, churana illac, lluchu chaquilla purirca.