SAN MATEO 27:66 - Dios Rimashcata Quillcashcami

⁶⁶ Chashnami chai jutcuta huichcashca rumita ama pipish cuyuchichun, sellota churashpa, soldadocunatapish cuidachunmi saquirca.

Nuevo Testamento en Quichua Cañar 1996

⁶⁶ Chashna rishpami, ama ima tucuchunca, chai jutcuta huichcashca rumita alli unanchishpa churarcacuna. Shinallatac soldadocunatapish, jutcuta cuidachunmi saquircacuna.

SAN MATEO 27:66 Referans Kwoze

DANIEL 6:17

Shitashca quipaca shuc rumita apamushpami, chai jatun punguta taparca. Chaitami jatun mandacca Danielta llaquichinata ama shuctacyachichun paipac sortejas-huan, pai churashca mandaccunapac sortejas-huan sellashpa churarca.

2 TIMOTEO 2:19

Shina cacpipish Diosca huasita ruhuangapac callaripi churashca rumi shinatami, paipac rimashcataca churashca. Chai rimashcaca: «Pai acllashcacunataca Diosca ricsinmi. Diosta adoraccunaca tucui millaimantami anchurina can» nishcami.

SAN MATEO 28:2

Paicuna chayacucpimi, cungailla allpa yallita chucchurca. Mandac Diospac angelmi jahua pachamanta shamushpa, Jesusta enterrashcata huichcashca rumita anchuchishpa, chai rumi jahuapi tiyarirca.

SAN MATEO 27:60

Chashnami cunanlla ruhuashca enterrana jutcupi churarca. Chai jutcutaca Josellatacmi ruhuachishca carca. Chaipimi Jesuspac cuerpota churashpa, jatun rumihuan jarcashpa rirca.

SAN MATEO 28:11

Huarmicuna huillangapac ringacamanca, enterrashca jutcuta cuidaccunapuramanta maijancuna Jerusalén puebloman rishpa, curacunata mandac curacunamanmi tucui imalla tucushcata huillarca.

SAN MATEO 27:65

Chashna nicpimi Pilatoca: —Caipimi, cai soldadocunata cachani. Paicunata pushashpa, ima shinapish allita cuidanguichic— nirca.

MARCOS 16:4

Paicuna chayashpaca, rumica ña anchuchishcami cashca carca. Chai rumica jatun rumimi carca.

SAN JUAN 20:1

Semana callari punzha, manarac alli achicyacpimi, Magdala pueblomanta Mariaca Jesusta enterrashcaman rirca. Chayashpaca enterrashca pungupi churashca rumita anchuchishcatami ricurca.

APOCALIPSIS 20:3

Chashna huatashpaca, jatun jutcuman shitashpami punguta huichcashpa, sellashpa churarca. Chaitaca huaranga huatacuna tucungacamanmi, gentecunata ama crichichun chashnaca ruhuarca. Chai quipaca ashacaman cacharishcami canga.

JOSUÉ 10:18

Shina huillacpimi Josueca: «Jatun rumicunata singuchishpa apashpa, chai jutcuta tapaichic. Shinallatac maijan runacunata cuidachun churaichic.