SAN MATEO 27:51 - Dios Rimashcata Quillcashcami

⁵¹ Chai ratomi Diosta mañana huasi tiyac lienzoca, jahuamanta uraiman chaupita lliquirirca. Allpapish chucchurcami, jatun rumicunapish chictarircami.

Nuevo Testamento en Quichua Cañar 1996

⁵¹ Chai pachami Diosman mañana huasi ucupi jarcachishca liensoca, jahuamanta uraiman chaupita lliquirirca. Shinallatac allpa chucchucpi, jatun rumicunapish chictarircami.

SAN MATEO 27:51 Referans Kwoze

MARCOS 15:38

Jesús huañucpica, Diosta mañana huasi ucupi jarcachishca jatun lienzoca jahuamanta uraimanmi chaupita lliquirirca.

HEBREOS 6:19

Cai shuyacushca yuyaica, barcota charic llashac fierro anclas shinami, ñucanchic yuyaitaca alli sinchita charicun. Cai shuyacushcami, ñucanchictaca jahua pacha Diosta mañana huasipi tiyac, lienzo paño jarcashca Diospaclla ucuman yaicuchin.

SAN LUCAS 23:45

Intipish amsayarcami. Diosta mañana huasi ucupi cac jatun pañopish, jahuamanta uraiman chaupita lliquirircami.

APOCALIPSIS 11:19

Shina cacpica, jahua pachapi tiyac Diosta mañana huasimi pascarirca. Chaipica Dios-huan ari nishca Arcami ricurirca. Urcucuna tulun nishcapish, rimashcacunapish uyarircami. Relampa achic nishcapish ricurircami. Allpapish chucchurcami, rundupish yallitami urmarca.

SAN MATEO 27:54

Patsac soldadocunata mandacpish, Jesusta cuidaccunapish allpa chucchucta, shuctac ima tucushcacunata ricushpaca yallita mancharishpami: —Cai runaca Diospac Churitacmi cashca— nircacuna.

SAN MATEO 28:2

Paicuna chayacucpimi, cungailla allpa yallita chucchurca. Mandac Diospac angelmi jahua pachamanta shamushpa, Jesusta enterrashcata huichcashca rumita anchuchishpa, chai rumi jahuapi tiyarirca.

ISAÍAS 25:7

Cai urcupimi Mandac Diosca tucuita jahualla tapashpa, tiyacuctaca tucuchinga. Tucui llactacunapi causaccunapac ñahuita tapashca shina telatapish tucuchingami.

APOCALIPSIS 11:13

Chai pachaca allpami yallita chucchurca. Shina tucucpica chai pueblota chungapi chucpishcamanta shuc parte urmacpimi canchis huaranga gentecuna huañurca. Mana huañushca gentecunaca manchaihuanmi jahua pacha Diosta alli nircacuna.

HEBREOS 9:3

Quipa jarcachishca ucuca Diospaclla chicanyachishca ucumi carca.

HABACUC 3:10

Canta ricushpaca urcucunapish mancharircami, yacu jundashcapish yallircami. Manchana jatun jutcupish caparircami. Mama cuchapish jahuata alzarircami.

2 CRÓNICAS 3:14

Shinallatac cortinacunataca azul, morado, yana puca, lino telahuanmi ruhuarca. Chai telacunapipish querubincunatami bordarca.

LEVÍTICO 21:23

Ashtahuanpish paica lisiadomi. Chaimanta ñucapaclla chicanyachishca ucuta jarcachishcataca mana pasai pudinchu. Altarmanpish mana cuchuyai pudinchu. Shinami ñucapaclla chicanyachishca ucutaca mana mapayachinga. Ñucaca Mandac Diosmi cani. Ñucami ñucapaclla cachun chicanyachic cani” ningui» nirca.

HABACUC 3:13

Canca acllashca llactata cacharichingapac, aceitehuan cahuishca jatun mandacta quishpichingapacmi llucshircangui. Canta mana manchac runapac huasi catataca urmachircanguimi. Callari rumicuna ricuringacamanmi tucui urmachircangui.

SALMOS 18:15

Mandac Dioslla, can piñarishpa pucucpica, mama cucha ucu allpapish, cai pacha callari rumicunapish ricurircami.

SALMOS 18:7

Pai piñaricpica, cai pachaca mancharinatami chucchurca. Jatun urcu callari rumicunapish chucchurcami.

LEVÍTICO 16:2

«Cambac huauqui Aarontaca ama ima horaspish pañohuan jarcashca huashapi cac mandashcacunata huacaichina Arcata catashca, ñucapaclla ucuman yaicuchun ningui. Chaiman ima horaspish yaicushpaca huañungami. Ñucaca chai catashca jahuapimi puyupi ricurisha.

ÉXODO 40:21

Quipaca Dios-huan tupana huasiman Arcata yaicuchishpami, Moisesca Mandac Dios mandashca shinallatac ari nishca quillcata huacaichina Arcataca shuc pañohuan taparca.

NÚMEROS 4:5

Israelcuna shuc llactaman rigricpica, Aaronmi paipac churicunahuan pañota uricuchishpa, mandashcacunata huacaichina Arcata pilluchinga.

SAN LUCAS 23:47

Mandac soldado chaita ricushpa, Diosta “allimari cangui” nishpaca: —Cai runaca cashcata ruhuacmi cashca— nirca.