SAN MATEO 27:2 - Dios Rimashcata Quillcashcami

² Shina yuyarishpami, Jesusta huatashpa, chai llactata mandachun mandac Pilatopacman aparca.

Nuevo Testamento en Quichua Cañar 1996

² Shina yuyaita japishpami, Jesusta huatashpa chai llactata mandachun Roma*f** llacta churashca mandac Pilatopacman aparcacuna.

SAN MATEO 27:2 Referans Kwoze

HECHOS 3:13

Ashtahuanpish ñucanchic ñaupa taita Abrahamta, Isaacta, Jacobota Mandac Diosmi, paipac Churi Jesús alli nishca cachun alliyachirca. Cancunaca chai Jesustami huañuchiccunaman japichircanguichic. Pilato, paita cacharisha nicucpipish, cancunaca mana cacharichun saquircanguichicchu.

SAN MATEO 20:19

mana israelcunaman cungacuna. Paicunaca ñucata pucllashpa asingami. Macashpa, cruzpi chacatashpami huañuchinga. Chashna huañuchicpipish, quimsa punzhapica causarishallami» nirca.

1 TIMOTEO 6:13

Cantaca tucui cai pachapi causaita cuc Diospac ñaupapi, shinallatac mandac Pilatoman cashcata nishpa allitac huillac Jesucristopac ñaupapimi, caicunataca mandani.

SAN LUCAS 13:1

Chai punzhallatami maijancuna Jesuspacman shamushpaca: —Galilea llacta runacunatami Diosman animalta cushpa huañuchicucpi, mandac Pilato huañuchichirca. Chashna huañuchicpimi, chai runacunapac yahuarca animalcunapac yahuarhuan chapurirca— nishpa huillarca.

HEBREOS 13:3

Cancunapish carcelpi cashca shinallatac, carcelpi caccunata yuyaringuichic. Llaquihuan caccunataca cancunapish llaquihuan cashca shina yuyaichic.

2 TIMOTEO 2:9

Chaita huillacushcallamantami huañuchicta shina cadenahuan huatashca llaquita apacuni. Shina cacpipish Diosmanta huillanaca mana huatashcachu.

HECHOS 28:20

Israelcuna shuyacushcallatatac crishpa shuyacushcamantami, ñucaca caipi cadenahuan huatashca cani. Chashna parlangapacllami, cancunataca cayarcani— nirca.

HECHOS 24:27

Ña ishcai huata tucucpica, Felixca pai mandacushcamanta llucshircami. Chaimantami Porcio Festoca mandac tucurca. Felixca israelcunahuan alli ricurisha nishpami, Pablotaca prezullatac saquirca.

HECHOS 22:29

Chashna nicpica, chai macashun nic soldadocunaca Pablota saquishpa anchurircallami. Roma llactamanta cashcata yachashpaca, chai mandacpish Pablota huatachishcamanta mancharircami.

HECHOS 22:25

Paita soldadocuna huatagricucpimi, Pabloca mandac soldadotaca: —Roma llacta runataca, manarac imata tapushpaca, ¿macanallachu canga?— nirca.

HECHOS 21:33

Chai mandac chayashpami, Pablota japishpa, ishcai cadenacunahuan huatachun mandarca. Chashna huatachishpami, Pablo pi cashcata, imata ruhuacushcata gentecunaman tapurca.

HECHOS 12:6

Mandac Herodesca cayandimi Pedrota carcelmanta llucchishpa, juchanchigricurca. Pedroca chai tutaca ishcai cadenacunahuan huatashca, ishcai soldadocunapac chaupipimi sueñucurca. Caishuc soldadocunaca cárcel pungupimi cuidacurca.

HECHOS 9:2

Chaica, Damasco pueblo tandanacuna huasicunapi yaicushpa, Jesusta catic caricunatapish, huarmicunatapish Jerusalenman prezu apamungapacmi quillcata mañangapac rirca.

HECHOS 4:27

Chashna nishca shinami, cai pueblota mandac Herodesca Poncio Pilatohuanpish, israelcunahuanpish, mana israelcunahuanpish jucha illac Jesusta llaquichingapac tandanacurca. Diosmi Jesustaca Cristo cachun cacharca.

SAN JUAN 18:24

Anasca curacunata jatun mandac Caifaspacmanmi Jesusta huatashpa cacharca.

SAN JUAN 18:12

Shinami soldadocunapish, soldadocunata mandacpish, Diosta mañana huasita cuidaccunapish Jesusta japishpa huatashpa,

SAN LUCAS 20:20

Chaimantami ima mana allita nicpica, juchanchishpa llactata mandacman japichingapac, shuc cashcata ruhuac runacunata tapuchun cacharca.

SAN LUCAS 3:1

Jatun mandac Tiberioca chunga pichca huatatami Roma llactata mandacurca. Poncio Pilatoca Judea llactata, Herodesca Galilea llactata, paipac huauqui Felipeca Iturea llactatapish, Traconite llactatapishmi mandacurca. Cutin Lisaniasca Abilinia llactatami mandacurca.

GÉNESIS 22:9

Abrahamca maipimi Dios ricuchishcaman chayashpaca, shuc altarta ruhuashpami, chai jahuapi yantata churashpa, paipac churi Isaacta chacnashpa yanta jahuapi churarca.

SAN MATEO 28:14

Chaita mandac Pilato yachashpa, cancunata llaquichisha nicpica, ñucanchic cancunamanta paihuan parlashunllami» nirca.

SAN LUCAS 23:1

Chaimantaca tucui chaipi caccuna jatarishpami, Jesustaca mandac Pilatopacman aparcacuna.

SAN LUCAS 23:12

Chai punzhamantami Pilatoca Herodes-huan alli tucurca. Ñaupamanca piñanacushcami carca.

SAN JUAN 18:28

Curacunata mandac Caifaspac huasimantaca, Roma llactata mandashpa tiyana huasimanmi Jesusta aparcacuna. Ña tutamantami carca. Chaimantami Pascua micuita micungapacca ama mapayashun nishpa, israelcunaca jatun mandacpac ucuman mana yaicurca.

JUECES 15:12

Shina nicpimi, Judá aillucunaca: —Ñucanchicca canta huatashpa filisteocunapac maquipi churangapacmi shamunchic— nircacuna. Shina nicpimi Sansonca: —Ñucata mana huañuchingapac Diospac shutipi ari nichic— nirca. Shina nicpimi paicunaca: