SAN MATEO 27:19 - Dios Rimashcata Quillcashcami

¹⁹ Pilato, pai mandanapi tiyacucpimi, paipac huarmica: —Chai allita ruhuac runamantaca, shuc mancharinatami tutaca muscurcani. Paitaca ama imata ruhuanguichu— nichun cacharca.

Nuevo Testamento en Quichua Cañar 1996

¹⁹ Pilato pai mandanapi tiyacucpimi, paipac huarmica: —Chai allita ruhuac runamantaca, shuc mancharinatami cunan tutaca muscurcani. Paitaca ama imata ruhuanguichu— nishpa, huillachun cacharca.

SAN MATEO 27:19 Referans Kwoze

SAN MATEO 27:24

Tucui gentecuna mana uyashun nishpa, ashtahuan caparinacui callaricpimi, Pilatoca yacuta japishpa, maquita jahuashpaca: —Cai runata huañuchishpaca mana ñucachu juchayuc casha, ashtahuanpish cancunami juchayuc canguichic— nirca.

1 PEDRO 2:22

Cristoca ima juchata jaicapi mana ruhuarcachu, shinallatac pitapish mana umarcachu.

SAN JUAN 19:13

Pilato chaita uyashpaca, Jesusta canzhaman llucchishpami mandashpa tiyanapi tiyarirca. Chai tiyanaca Gábata nishca pambapimi carca. Hebreo rimaipica, “rumihuan ruhuashca pamba” nisha ninmi.

SAN LUCAS 23:47

Mandac soldado chaita ricushpa, Diosta “allimari cangui” nishpaca: —Cai runaca cashcata ruhuacmi cashca— nirca.

PROVERBIOS 29:1

Cunashpa rimacpi, piñarishpa sinchi tucuc runataca cungailla llaqui japingami. Paitaca pi mana allichi pudingachu.

1 JUAN 2:1

Ñuca cuyashca huahuacuna, cancuna ama juchallichunmi caicunataca quillcani. Shina cacpipish maijan juchallishpaca, Dios-huan rimactami charinchic. Paica imatapish cashcata ruhuac Jesucristomi.

SAN MATEO 27:4

Paica: —Mana faltayuc runata japichishpaca, juchallishcanimi— nirca. Chashna nicpimi paicunaca: —Ñucanchicmanca, ¿imatac curinyari? Chaitaca canchari ricungui— nirca.

SAN MATEO 2:22

Ashtahuanpish Herodespac churi Arquelao paipac taitapac randi, Judea llactata mandacushcata yachashpami, chaiman rinataca mancharca. Chaimantami Mandac Dios cutin muscuipi huillacpi, Galilea llactaman rirca.

SAN MATEO 2:19

Herodes huañushca quipa, Mandac Diospac ángel Egiptopi Joseman muscuipi ricurishpaca.

SAN MATEO 1:20

Pai chaita yuyacucpi, Dios cachashca ángel muscuipi ricurishpaca: «Davidpac huahua huahuapura José, Mariahuanca cazarailla, ama manchaichu. Mariaca Diospac Espiritumantami huicsayuc tucushca.

ZACARÍAS 9:9

¡Sionpi causaccunalla, yallita cushicuichicyari! Jerusalenpi causaccunalla, cushicushpa caparichicyari. Riquichic, cancunata jatun mandacca mama burropac huahua maltón burritopimi cancunapacman shamunga. Paica cashcata ruhuac, quishpichic, cuyac shungumi canga.

ISAÍAS 53:11

Paica, pai llaquita apashcaca mana yanga cashcata ricushpami, yallita cushicunga. Chai servicca allita yachac, cashcata ruhuac cashcamantami cashcata ruhuashpa, gentecunapac juchacunata aparinga.

NÚMEROS 12:6

Mandac Diosca: «Cunanca, ñuca rimashcata uyaichic. Cancunapuramanta maijan shuc ñucamanta huillac tiyacpica, muscuipi shina ricurishpami parlasha.

GÉNESIS 31:29

Ñucaca cancunata llaquichisha nishpapish llaquichimanllami, ashtahuanpish cambac taita Isaacpac Dios muscuipi tuta ricurishpa: “Jacobotaca maipish cachun rimarinamantaca cuidaringui” nirca.

GÉNESIS 31:24

Chai tutami Mandac Diosca arameopuramanta Labanman muscuipi ricurishpaca: «Jacobotaca maipish cachun rimarinamantaca cuidaringui» nirca.

SAN LUCAS 23:41

Ñucanchicca millaita ruhuashcamantaca llaquita apanatacmi canchic, ashtahuanpish cai runaca ima millaita mana ruhuashcachu— nirca.

GÉNESIS 31:11

Chai muscuillapitacmi Diospac angelca: “Jacobo” nicpi, ñucaca: “Caipimi cani” nircani.

SAN MATEO 27:18

Pilatoca Jesustaca envidiamanta apamushcatami yacharca.

HECHOS 12:21

Chashna mañacpica, shuc punzhapacmi cayarca. Chai punzhapimi Herodesca mandac churanata churarishca, jatun tiyarinapi tiyarishpa, paicunataca sumacta rimarca.

HECHOS 18:12

Mandac Galión Acaya llactata mandacui punzhacunapimi, israelcunaca tandanacushpa, Pablota llaquichingapac mandacpac ñaupaman aparca.

HECHOS 18:16

Chashna nishpami, paicunataca chai ucumanta llucchishpa cacharca.

HECHOS 18:17

Chaimantami chai huasipi mandac Sostenes runata huaica japishpa, mandac Galionpac ñaupapi macarcacuna. Chashna macacucpipish, Galionca mana imata nircachu.

HECHOS 25:6

Festoca pusac punzha yallita Jerusalenpi cashpami, Cesareaman cutirca. Cayandi punzha, pai mandashpa tiyarinapi tiyarishpami, Pablota cayac cacharca.

HECHOS 25:10

Shina nicpimi Pabloca: —Roma llactata jatun mandac César taripanaca caipimi. Caipimi juchanchishca cana cani. Ñucaca israelcunata ima mana allita mana ruhuashcanichu. Chaitaca canllatac yachanguimi.

HECHOS 25:17

Chaimantami paicuna caiman shamucpica, mana unaiyashpa, cayandi punzha mandashpa tiyarinapi tiyarishpa, chai runataca apamuchun cacharcani.