SAN MATEO 27:16 - Dios Rimashcata Quillcashcami

¹⁶ Chai punzhapica, shuc yalli millai Barrabás runami prezu tiyacurca.

Nuevo Testamento en Quichua Cañar 1996

¹⁶ Chai punzhacunapica, tucui gentecuna mana alli nishca Barrabás runami prezu tiyacurca.

SAN MATEO 27:16 Referans Kwoze

MARCOS 15:7

Chai punzhapica Barrabasmi prezu carca. Paica caishuc runacunahuan tandanacushpami, jatun mandac-huan piñanacushca carca. Chaipi huañuchishcamantami carcelpi tiyacurca.

ROMANOS 1:32

Chashna causaccunata Dios taripashpa llaquichigricushcata yachashpapish, chaicunallatatac ruhuashpami catincuna. Shinallatac shuccuna chaita ruhuacta ricushpacarin “allimi” nincunami.

HECHOS 3:14

Jucha illac, cashcata ruhuac Runata cacharichun ninapac randica, huañuchic runatami cacharichun nircanguichic.

SAN JUAN 18:40

Shina nicpi, tucui mashna caparishpaca: —¡Paitaca ama cacharichu, Barrabasta cachari!— nircacuna. Barrabasca millai shuhuacmi carca.

SAN LUCAS 23:25

Cutin, mandac-huan piñarishpa gentecunata jatarichishcamanta, huañuchishcamanta prezu cac runataca cacharircami, ashtahuanpish Jesustaca gentecuna munashca ruhuachunmi curca.

SAN MATEO 27:15

Pascua punzhapica, gentecuna munashca shuc prezutami mandac Pilatoca cacharic carca.

SAN MATEO 27:17

Pilatoca tandanacushca gentecunataca: —¿Maijantatac cacharichun ninguichic? ¿Barrabasta? Mana cashpaca, ¿Cristo nishca Jesusta?— nishpa tapurca.

ROMANOS 16:7

Ñuca llacta Andronicotapish, Junias huarmitapish saludanguichic. Paicunami ñucahuan carcelpi carcacuna. Paicunaca Apostolcunapurapi alli nishcacunami, ñucapac ñaupa criccunami.