SAN MATEO 26:56 - Dios Rimashcata Quillcashcami

⁵⁶ Ashtahuanpish Dios ima nishcata huillac quillcashca pactachunmi, chashna tucushca— nirca. Chaipimi yachacuccunaca Jesusllata saquishpa, tucui miticushpa rircacuna.

Nuevo Testamento en Quichua Cañar 1996

⁵⁶ Ashtahuanpish ñaupa huillaccunaman Dios quillcachishca pactachunmi, tucui caicunaca tucushca— nirca. Chaipimi Jesuspac yachacuccunaca paillata saquishpa, tucui miticushpa rircacuna.

SAN MATEO 26:56 Referans Kwoze

ZACARÍAS 13:7

Tucuita Mandac Diosca: «¡Espadalla, michictapish, ñuca ricsiccunatapish llaquichingapac jatariyari! Chai michicta can chugrichicpi, ovejacuna caita chaita ricpica, ñucami huahua ovejacunata llaquichisha.

SAN JUAN 16:32

Chai punzhaca chayamun, ña caillapimi. Cancunaca ñucallata saquishpa, caita chaita ringuichic. Shina cacpipish, mana ñucallachu cani, ashtahuanpish ñuca Taitaca ñucahuanmi.

SAN MATEO 26:31

Chaipimi Jesusca: —Dios quillcachishcapica: “Michictaca huañuchishami. Ovejacunaca caita chaitami ringa” ninmi. Chaimantami cancunaca cunan tutallatac ñucata saquishpa, caita chaita ringuichic.

SAN MATEO 26:54

Chashna ruhuacpica, ¿ima shinatac Dios quillcachishcapi nishcaca pactangayari?— nirca.

2 TIMOTEO 4:16

Juezcunapac ñaupapi punta ñuca rimaricucpica, pi ñucahuanca mana carcachu, tucuimi shitashpa rircacuna. Chashna ruhuashcataca ama yuyarishca canman ninimi.

HECHOS 1:16

«Huauquicuna, Jesusta Judas japichina cashcataca, ñaupamanmi Diospac Espíritu yuyaita cucpi, Davidca quillcachishca. Chaica pactanami carca.

SAN MATEO 26:24

Runa Tucungapac shamushca ñucataca, Dios quillcachishcapi nishca shinami huañuchinga. Ashtahuanpish ñucata japichic runaca, ¡aij, imachari tucunga! Chai runaca mana huacharishca cashpachari alli canman carca— nirca.

LAMENTACIONES 4:20

Mandac Dios aceitehuan cahuishca jatun mandactapish prezu apancunami. Paica ñucanchicman causaita cuc shinami carca. Ñucanchicca paimantaca: «Shuctac llactacunapac chaupipica paipac ladopimi causashun» nicmi carcanchic.

DANIEL 9:26

Sucta chunga semana quipa Dios cachashca quishpichicta huañuchicpica, imata mana charic saquiringachu. Shuctac jatun mandacpac gentecuna shamushpami, Jerusalentapish, Diospaclla chicanyachishca ucutapish tucui tucuchinga. Yacu jundashpa shamuc shinami tucuchinga. Jatun macanacuita tucuchingacaman llaquichinami tiyacunga.

HECHOS 2:23

Dios ñaupaman yachashca shina, munashca shinami, chai Jesustaca prezushpa, chacatachun millai runacunaman curcanguichic. Chashnami huañuchircanguichic.

DANIEL 9:24

Israelcunapacpish, Diospac acllashcacunapacpishmi canchis chunga semanacunata chicanyachishca tiyacun. Chai semanacunapimi mana cazunatapish, juchata ruhuanatapish saquinga. Shinallatac chai semanacunallapitacmi mana allita ruhuashcatapish pichanga, huiñaita cashcata ruhuanga. Muscuipi shina ricushcatapish, Dios huillachishcatapish sellanga. Shinallatac Diospac caccunata aceitehuan cahuishpa ashtahuan Diospacllata ruhuanga.

ISAÍAS 44:26

Ñucami ñucata serviccuna huillashcatapish, ñuca cachashca huillaccuna huillashcatapish pactachini. Ñucallatacmi Jerusalentaca: “Cambac llactacunapica cutinmi causangapac shamungacuna” nini. Judapi tiyac llactacunataca: “Cutinmi allita shayachishca canguichic. Tucui urmashpa siricushcatapish cutinmi shayachishpa allichisha” nini.

GÉNESIS 3:15

Canhuan, cai huarmihuan, cambac huahuacunahuan, cai huarmipac huahuacunahuan piñanacuchunmi churani. Cai huarmipac huahuaca cantaca umapimi sarunga. Canca chaqui talonllapimi caningui— nirca.

SAN MATEO 21:42

Shina nicpimi Jesusca: —¿Manachu cancunaca Dios quillcachishcataca ricushcanguichic? Chaipica: “Huasita ruhuaccuna mana nishca rumillatacmi, huasita ruhuangapac callaripi churana, tucuimanta yalli alli rumi tucushca. Mandac Diosmi chashnaca ruhuashca. Chaita ricushpami, yallita cushicunchic” nicunmi.