SAN MATEO 26:52 - Dios Rimashcata Quillcashcami

⁵² Chaimantami Jesusca: —Espadata maipi huacaichinallapitac huacaichi. Maijanpish espadahuan macanacucca, espadallapitacmi huañunga.

Nuevo Testamento en Quichua Cañar 1996

⁵² Chashna ruhuacta Jesús ricushpami: —Saqui, espadata maipi huacaichinapi huacaichi. Maijanpish espadahuan macanacuctaca, espadallahuantacmi huañuchishca canga.

SAN MATEO 26:52 Referans Kwoze

APOCALIPSIS 13:10

«Maijanpish prezu apana cacca prezu apashcami canga. Espadahuan huañuchina cacca espadallahuantacmi huañuchishca canga». Chashna tucucpica mana piñarishpami Diospaclla caccunaca Diosta crishpa catina can.

GÉNESIS 9:6

Diosca pai shinatacmi runataca ruhuarca. Chaimanta maijan shuc runata huañuchictaca huañuchishcami canga.

ROMANOS 12:19

Cuyashca criccuna, cancunata maijan llaquichicpica, ama cancunallatac llaquichinata yuyaichicchu, ashtahuanpish Dios llaquichichun saquinguichic. Chaica, Dios quillcachishcapica: «Llaquichina cacpica, ñucami llaquichisha. Paicuna japina cashcatami cusha» ninmi.

1 PEDRO 3:9

Shuccuna mana allita ruhuacpipish, ama cancunapish chai shinallatac ruhuaichicchu. Camishpa rimacpipish, ama cancunapish camishpa rimaichicchu. Chaipac randica Dios allicunata cuchun nishpa munaichic. Diosca allicunata chasquichunmi, cancunataca cayarca.

APOCALIPSIS 16:6

Paicunami cambaclla caccunatapish, canmanta huillaccunatapish yahuarta jichashpa huañuchircacuna. Paicunaca chashna chasquina cashcamantami, canpish chashnallatac paicunamanca yahuarta ubiachishcangui» nishcatami uyarcani.

SALMOS 55:23

Ñuca Dioslla, huañuchiccuna, llullaccunaca mana unaita causangachu. Paicunataca chingarina jatun jutcumanmi shitangui. Ashtahuanpish ñucaca canllapimi shunguta churani.

1 TESALONICENSES 5:15

Shuccuna cancunata ima mana allita ruhuacpica, cancunapish ama chashnallatac ruhuaichicchu. Chaipac randica punzhanta cancunapurapipish, tucui gentecunahuanpish allita ruhuaichic.

SAN MATEO 5:39

Ashtahuanpish ñucaca: Piñactaca ama piñanguichu, ashtahuanpish maijan canta alli lado jazhapi huactacpica, lluqui lado jazhapipish huactachun saquingui.

ÉXODO 21:12

Maijanpish chugrichishpa huañuchicca, huañuchishcami cana can.