SAN MATEO 26:35 - Dios Rimashcata Quillcashcami

³⁵ Chashna nicpimi Pedroca: —Canhuan pacta huañuna cacpipish, mana negashachu— nirca. Chashnallatacmi tucui yachacuccunaca nirca.

Nuevo Testamento en Quichua Cañar 1996

³⁵ Chashna nicpi Pedroca: —Canhuan pacta huañuna cacpipish, ‘mana ricsinichu’ nishpaca, manatac nishachu— nirca. Shinallatacmi tucui yachacuccunaca nircacuna.

SAN MATEO 26:35 Referans Kwoze

ROMANOS 11:20

Ari, chai israelcunaca mana crishcamantami, pitishca shina tucurcacuna. Ashtahuanpish canca crishcallamantami chai yurapi huiñashca cangui. Chaimanta ama canllatac “allimi cani” nirichu, ashtahuanpish Diosta manchai.

SAN JUAN 13:37

Chashna nicpimi Pedroca: —Apunchic Jesús, ¿ima nishpatac cunanca mana cati pudini? ¡Ñucaca canmanta huañuna cacpipish huañushallami!— nirca.

1 PEDRO 1:17

Cancunaca shucllaman mana tucushpa imata ruhuashcata ricushpa taripac Diosta “Taita” nishpaca, tucui causaipimi cai pachapi causashcacamanca, paita manchashpa, cumurishpa causana canguichic.

FILIPENSES 2:12

Chaimanta ñuca cuyashca criccuna, ima shinami ñuca cancunahuan cacpi cazuc carcanguichic, cunan ñuca mana cancunahuan cacpicarin, ashtahuan cazuccuna caichic. Cancuna ña quishpirishca cashcamantaca manchaihuan, chucchuihuan Diospac ñaupapi allita ruhuana yuyailla caichic.

1 CORINTIOS 10:12

Chaimanta pipish ama “allimi cani” nichun, pacta pairac urmanman.

PROVERBIOS 29:23

Jatun tucuc runataca llaquimi japinga. Ashtahuanpish shungupi yangalla cac runaca alli nishcami canga.

PROVERBIOS 28:14

Tucui causaipi Diosta manchacca yallitami cushicun. Ashtahuanpish paipac shunguta sinchiyachicca llaquipimi urmanga.

ÉXODO 19:8

Shina huillacpimi, tucui israelcunaca: —¡Mandac Dios tucui nishcataca pactachishunllami!— nirca. Israelcunapac nishcacunataca Moisesca Mandac Diosmanmi huillarca.

SAN MATEO 10:33

Maijanpish gentecunapac ‘mana ricsinichu’ nicpica, ñucapish jahua pacha ñuca Taitapac ñaupapica: ‘Mana ricsinichu’ nishami.