SAN MATEO 25:7 - Dios Rimashcata Quillcashcami

⁷ Chaita uyashpami, chunga solteracunaca jatarishpa, lamparata allichi callarirca.

Nuevo Testamento en Quichua Cañar 1996

⁷ Chashna caparicta uyashpami, chunga solteracunaca jatarishpa, michata allichi callarircacuna.

SAN MATEO 25:7 Referans Kwoze

SAN LUCAS 12:35

Cancunaca churanatapish ña churarishca, mechata japichishpa shuyacuc shina chaparacuichic.

2 PEDRO 3:14

Chaimanta cuyashca criccuna, caicunata shuyacushcamantaca, Dios taripacpi alli ricuringapacca pi mana juchanchishca, ima millaimanta anchurishca, sumacta causacuichic.

APOCALIPSIS 3:2

Can ima ruhuashcacunapish ñuca Diospac ñaupapica mana alli cashcatami ricuni. Chaimanta cambac allita ruhuana munai manarac tucuricpi, riccharic shina cutin jatarishpa, maipi mana alli ruhuacushcata allichi.

SAN MATEO 25:1

Jahua pacha Dios mandacucca, chunga solteracuna lamparata japichishpa, noviohuan tupangapac llucshic shinami.

SAN MATEO 25:6

Chashna sueñucucpimi, chaupi tutataca: “¡Ñami novio shamun, tupangapac llucshichic!” nishca uyarirca.

SAN MATEO 25:8

Shinami chai mana alli yuyaiyuc solteracunaca chai alli yuyaiyuc solteracunataca: “Ñucanchic lamparacunaca ñami huañugrin. Asha aceiteta convidaichic” nirca.