SAN MATEO 25:5 - Dios Rimashcata Quillcashcami

⁵ Novio mana utca shamucpica, tucui paicunami sueñurca.

Nuevo Testamento en Quichua Cañar 1996

⁵ Novio mana utca shamucpica, chai chunga solteracunaca suiñui aticpimi suiñurcacuna.

SAN MATEO 25:5 Referans Kwoze

HABACUC 2:3

Muscuipi shina ricushcaca tauca huatacunata mana pactashpapish, mana llullangachu, pactangatacmi. Mana utca pactacpipish chaparacuilla, pactangatacmi, mana unayangachu.

SAN LUCAS 20:9

Jesús tucui chaipi cac gentecunaman yuyaita japina parlohuan parlashpaca: «Shuc runami uvas chagrata ruhuashpa, maijan runacunaman partir cushpa unaipi cutimungapac caru llactaman rirca.

SAN MATEO 24:48

Ashtahuanpish mana cazuc servicca: “Ñuca amoca mana utca shamungachu” yuyashpami,

SAN LUCAS 12:45

Ashtahuanpish chai mayordomo paipac shungupi: “Ñuca amoca mana utca shamungachu” yuyashpa, cari serviccunatapish, huarmi serviccunatapish macashpa, pailla micushpa, ubiashpa, machashpami puricunman.

SAN MATEO 25:19

Chai amo tauca huatacuna quipa cutimushpaca, paipac serviccuna mashna cullquita mirachishcatami tapurca.

1 PEDRO 5:8

Cancunata mana ricunayachic diabloca león yarcaihuan micusha nishpa puricuc shinami, mashcashpa puricun. Shina cashcamanta riccharishca shina, alli yuyaihuan causaichic.

EFESIOS 5:14

Chashna achic luzman llucchicpica, imapish luzpimi canga. Chaimantami: «Sueñushcamanta ricchari, huañushcacunapuramanta jatari. Cristomi cantaca achicyachinga» nincuna.

ROMANOS 13:11

Tucui caicunataca cunan punzhapi ima tucushcata ricushpa yuyarichic. Ñucanchic crishca punzhamanta ricucpica, quishpichina punzhaca ñami shamucun. Chaimanta ama sueñucuichicchu, ashtahuanpish riccharishca shina caichic.

SAN LUCAS 18:8

Ñucaca ninimi: Diosca utcami paicunamanca allita ruhuanga. Ashtahuanpish Runa Tucungapac shamushca ñuca cutimucpica, ¿chashna criccunaca cai pachapica tiyangachu?» nirca.

SAN MATEO 26:43

Jesús cutimushpaca, yachacuccuna cutinllatac sueñucuctami ricurca. Paicunapac ñahuicunaca sueñuihuan cashpami, mana pascarisha nirca.

SAN MATEO 26:40

Jesús chashna mañashpa, yachacuccunapacman cutimushpaca, paicuna sueñucuctami ricurca. Chaimantami Pedrotaca: —¿Manachu ashallatapish ñuca shinallatac riccharishca cai pudircanguichic?

CANTARES 5:2

Ñuca sueñucucpipish ñuca shunguca riccharacunmi. Ñuca cuyashca pungupi huactashpaca: «Ñuca panilla, ñuca cuyashcalla, ñuca urpilla, punguta pascaiyari. Ñuca umataca garuami jucuchicun. Ñuca acchamantaca yacumi shutucun» nishpami cayacushca carca.

CANTARES 3:1

Ñuca shungu cuyashcataca tutacunami camapi mashcarcani. Mashcashpapish mana tarircanichu.

APOCALIPSIS 2:25

Shina cashpapish cancuna crishpa caticushcataca, ñuca shamungacaman ama saquinguichicchu.

SAN MATEO 25:4

Ashtahuanpish caishuc pichcacunaca alli yuyaiyuc cashpami, lamparatapish, tucuricpi churana aceitetapish aparca.

SAN MATEO 25:6

Chashna sueñucucpimi, chaupi tutataca: “¡Ñami novio shamun, tupangapac llucshichic!” nishca uyarirca.

SAN LUCAS 1:21

Chaicamanca, canzhapimi achca gentecuna shuyacurca. Shinallatac Diospaclla chicanyachishca ucupi Zacarías unaiyashcamantami mancharicurca.

CANTARES 5:3

Chashna cayacpica ñucaca: «Ñami churanata llucchircani. ¿Maitatac cutinca churarishayari? Ñami chaquicunatapish jahuarcani. ¿Maitatac cutinca mapayachishayari?» nircani.