SAN MATEO 24:29 - Dios Rimashcata Quillcashcami

²⁹ Chai llaqui punzhacuna tiyashca quipaca, intipish amsayangami, quillapish mana achicyachingachu. Lucerocunapish urmangami. Jahua pachapi tiyac jatuncunapish chucchungami.

Nuevo Testamento en Quichua Cañar 1996

²⁹ Chai ima mundo llaqui punzhacuna tiyashca q'uipaca, intipish amsayangami, quillapish mana achicyachingachu. Lucerocunapish jahuamanta urmangami. Shinallatac jahua cielopi imalla tiyac jatuncunapish chucchungami.

SAN MATEO 24:29 Referans Kwoze

AMÓS 8:9

Mandac Diosca: «Ñuca llaquichicui punzhapica, intica chaupi punzhami tigranga. Punzha pachami tutayanga.

JOEL 3:15

Intipish, quillapish amsayangami, lucerocunapish mana achicyachingachu.

ISAÍAS 13:10

Jahua pacha lucerocunapish, tandanacushca lucerocunapish, quillapish mana achicyachingachu. Intipish llucshishcahuanmi amsayanga.

ISAÍAS 24:23

Quillapish pingangami, intipish musparingami. Chaica tucuita Mandac Diosmi Sión urcupi tiyac Jerusalenpi mandacunga. Pai acllashca pushac yuyaccunapac ñaupapimi sumaimana achic nicuc tiyacunga.

2 PEDRO 3:10

Shina cashpapish Apunchic Jesús cutimuna punzhaca shuc shuhuac shamuc shinami canga. Jahua pachaca jatun manchanayaipac tulun nishca uyaricpimi chingaringa. Chaipi ima tiyaccunapish ninahuanmi tucuchishca canga. Shinallatac cai pacha allpataca, caipi tiyaccunandimi Dios taripashpa rupachinga.

ISAÍAS 34:4

Jahua pachapi tucui tiyaccunami yacuyashpa tucuringa. Jahua pachaca papel shinami pilluringa. Lucerocunaca yuramanta uvas shina, higo yuramanta panga urmac shinami urmanga.

APOCALIPSIS 8:12

Chuscuniqui ángel tocacpica, quillapish, intipish, lucerocunapish quimsapi chaupishcamanta shuc partemi amsayarca. Chaimantami quimsapi chaupishcamanta shuc parte punzhapish, tutapish mana achicyarca.

JOEL 2:10

Paicunapac ñaupapica cai pachapish, jahua pachapish chucchungami. Intipish, quillapish purayangami, lucerocunapish mana ashtahuan achicyachingachu.

AMÓS 5:20

¿Manachu Mandac Dios shamuna punzhaca achic canapac randica, pura tuta canga? Puyu tutayashcami canga. Achicca mana tiyangachu.

SAN MATEO 24:21

Chai punzhacunaca achca llaquimi canga. Cai pacha callari punzhamanta, cunancamanmi, chashna llaquica mana tiyashca. Quipapish mana tiyangachu.

SAN MATEO 24:8

Chai llaquicunaca callari llaquicunallami canga.

ECLESIASTÉS 12:2

Chaimanta intipish, quillapish, lucerocunapish amarac amsayacpi, tamyashca quipa puyu mana achicyaricpi Diosta yuyaringui.