SAN MATEO 22:4 - Dios Rimashcata Quillcashcami

⁴ Mana shamusha nicpi, cutinllatac shuctac serviccunata cachashpaca: “Jatun huagracunatapish, shuctac huira animalcunatapish huañuchishpami, jatun micuita ruhuashcani. Ñami tucui allichishca. Bodaman shamuichic nicunmi nigrichic” nishpa cacharca.

Nuevo Testamento en Quichua Cañar 1996

⁴ Mana shamusha nicpica, cutinllatacmi caishuc serviccunata cashna nishpa cacharca: ‘Jatun micuita ruhuangapacca, jatun huagracunatapish, shuctac huira animalcunatapish huañuchichun mandarcanimi. Ñami tucui allichishca. Chaimanta bodaman shamuichic nicunmi nigrichic’ nishpa cacharca.

SAN MATEO 22:4 Referans Kwoze

HECHOS 13:46

Chashna rimacucpipish, Pabloca Bernabehuan manchashpami, cashna nishpa huillarca. Paicunaca: —Cancuna israelcunamanracmi, Diospac shimita huillana carcanchic. Chashna cacpipish, cancunaca mana uyashun nishpami, huiñai causaita mana chasquishun ninguichic. Chaimanta cunanllatacmi mana israelcunaman huillangapac rigrinchic.

SAN MATEO 21:36

Chagrayucca shuctac serviccunatami cacharca. Shina cachacpipish, chashnallatacmi llaquichishpa cacharca.

ROMANOS 8:32

Diosca, paipac quiquin Churitapish tucui ñucanchicmanta llaquita apachun, mana jarcarishpa, cushpaca, ¿manachu paipac Churita cushca shina imatapish cunga?

HECHOS 1:8

Diospac Espíritu cancunapacman shamucpimi, poderta chasquinguichic. Chaimantami Jerusalén pueblopipish, tucui Judea llactapipish, Samaria llactapipish, tucui llactacunapipish ñucamanta huillanguichic— nirca.

SAN LUCAS 14:17

Micuna horas cacpimi, paita servic runataca: “Ñami tucui allichishca, shamuichic” nichun cacharca.

SAN MATEO 22:8

Chaimantami jatun mandacca serviccunataca: “Bodaca tucui allichishcami. Cayashcacuna mana shamusha nishcachu.

CANTARES 5:1

Ñuca panilla, ñuca huarmilla, ñuca huertamanmi shamurcani. Ñuca mirratapish, mishquilla ashnacuctapish ñami japini. Bunga mishquitapish ñami micuni. Vinotapish, lechetapish ñami ubiani. Ñuca ricsishcacunalla, ñuca cuyashcacunalla, cushicushpa achcata micuichiclla, ubiaichiclla.

SALMOS 86:5

Jatun Dioslla, juchacunata perdonac cuyac Diosmi cangui. Canta mañaccunataca yallitami cuyangui.

NEHEMÍAS 9:17

Mana uyashun nircacunachu, paicunaman can sumaimanacunata ruhuashcatapish mana yuyarircachu. Mana cazushpa sinchi tucushpami, cutin huatashca shina causangapac Egiptoman cutingapac shuc mandacta acllarcacuna. Ashtahuanpish canca yallita cuyac, llaquic, mana utca piñaric, perdonac Dios cashpami, paicunataca mana saquircangui.

PROVERBIOS 15:17

Huira huagra aichata micushpapish, piñanacushpalla causanaca, ¿ima allita cangayari? Verdura micuillata micushpapish cuyanacushpa causashpaca mai allimi.

SAN MATEO 22:5

Chashna cayacpipish, mana uyashpami maijancunaca trabajangapac, maijancunaca catungapac rircacuna.