SAN MATEO 21:10 - Dios Rimashcata Quillcashcami

¹⁰ Jesús Jerusalenman yaicucpi, tauca gentecuna mancharinacushpaca: —¿Pitac caica?— nishpa tapurca.

Nuevo Testamento en Quichua Cañar 1996

¹⁰ Jesús ña Jerusalenman yaicucpica, “¿maijantac caica?” nishpami, tucui chai pueblopi causaccunaca mana amirishpa, caishuc chaishuc tapunacurcacuna.

SAN MATEO 21:10 Referans Kwoze

HECHOS 9:5

Chaita uyashpami Sauloca: —Amito, ¿pitac cangui?— nirca. Shina nicpimi chai rimacca: —Ñucaca can piñashpa llaquichicuc Jesusmi cani. Canllatami puyapi chugriric shina, llaquita apacungui— nirca.

SAN LUCAS 9:9

Herodesca: «Juantaca ñucallatacmi cungata pitichircani. ¿Pitac cai tucui allicunatami ruhuan nishpa parlancuna?» nishpami, quiquin ñahuihuantac Jesusta ricunata munacurca.

SAN LUCAS 7:49

Shina nicpimi, Jesus-huan mizapi micucuccunaca: —Cai runaca, ¿pi cashpatac juchacunatapish perdonan?— ninacurca.

SAN LUCAS 5:21

Chaimantami fariseocunapish, mandashcacunata yachachiccunapish: “Cai runaca, ¿pi cashpatac Diosta piñachin? Juchacunata pipish mana perdonai pudinchu, Diosllami perdonan” nishpa yuyacurca.

ISAÍAS 63:1

¿Pitac chai Edom llactamanta, Bosra llactamanta puca churanata churarishca shamucun? ¿Pitac jagan nicuc churanata churarishca jatun poderhuan shamucun? Quishpichingapac jatun poderyuc, cashcata rimac Diosmi cani.

CANTARES 3:6

¿Pi huarmitac chai pambata tucuilaya ashnacuc polvohuanpish, inciensohuanpish, mirrahuanpish cahuirishpa mishquilla ashnacuc puyu shina shamucunyari?

1 SAMUEL 16:4

Samuelca Mandac Dios mandashca shinami ruhuarca. Belén puebloman pai ña chayacpica, chai pueblopi causac pushac yuyaccunaca manchaihuanmi tupangapac llucshirca. Chashna llucshishpaca: —¿Canca cushi causaita huillangapacchu shamurcangui?— nishpa tapurca.

RUT 1:19

Paicunaca Belén puebloman chayangacamanmi ishcaita rircacuna. Chai llactapi causaccunaca tucuimi paicuna chayacta ricushpaca mancharirca. Shina mancharishpami: —¿Manachu caica Noemí?— nishpa tapunacurca.

SAN JUAN 2:18

Jesús chashna ruhuacpica, maijan mandac israelcunaca: —Canta cai tucuita ruhuachun Dios cachashcata ricungapacca, ¿ima milagrotatac ruhuashpa ricuchingui?— nirca.

SAN LUCAS 20:2

Paicunaca: —¿Pipac poderhuantac caicunata ruhuacungui? ¿Pitac chashna ruhuachun mandarca?— nirca.

SAN MATEO 2:3

Chaita uyashpami, mandac Herodesca yallita mancharirca. Jerusalenpi causaccunapish, chashnallatacmi mancharirca.

SAN MATEO 21:9

Chashnami huashata riccunapish, ñaupashpa riccunapish: «¡Mandac Davidpac aillupuramanta Apunchic Jesús quishpichiyari! ¡Dios cachashca shamucca, alli nishca cachun! ¡Jahua pachapipish alli nishca cachun!» nishpa caparircacuna.

SAN MATEO 21:11

Shina tapucpimi Jesus-huan shamuccunaca: —Galilea llacta Nazaret pueblomanta, Diosmanta huillac Jesusmi— nircacuna.