SAN MATEO 20:22 - Dios Rimashcata Quillcashcami

²² Chashna nicpimi Jesusca: —Cancunaca imata mañacushcatapish mana yachanguichicchu. ¿Cancunaca jayacta ubiac shina llaquita ñuca shina apai pudinguichicchu?— nirca. Chashna nicpimi paicunaca: —Ari, apashunllami— nirca.

Nuevo Testamento en Quichua Cañar 1996

²² Chashna nicpi Jesusca: —Cancuna imata mañacushcataca, mana yachanguichicchu. ¿Cancunaca jayacta ubiac shina llaquicunata ñuca shina apai pudinguichicchu?— nirca. Chashna nicpi paicunaca: —Ari, chashna ruhuashunllami- nirca.

SAN MATEO 20:22 Referans Kwoze

SAN LUCAS 22:42

Pai mañashpaca: «Ñuca Taitalla, can munashpaca, cai jayac ubiana shina llaquita ñucamanta anchuchiyari. Shina cacpipish, ama ñuca munashca shina ruhuaichu, ashtahuanpish can munashcata ruhuai» nirca.

SAN MATEO 26:42

Cutinllatac Jesús mañangapac rishpaca: —Ñuca Taitalla, llaquita ñuca apanatac cacpica, can munashca shina cachun— nirca.

SAN JUAN 18:11

Chaimantami Jesusca Pedrotaca: —Espadata maipi charicushcallapitac huacaichi. Ñuca Taita cushca cai jayac ubiana shina llaquitaca ¿manachu apana cani?— nirca.

MARCOS 14:36

Ñuca Taitalla, canca imatapish ruhuai pudicmi cangui. Cai jayac ubiana shina llaquita ñucamanta anchuchi. Shina cacpipish, ama ñuca munashcata ruhuaichu, ashtahuanpish can munashcata ruhuai» nirca.

SAN MATEO 26:39

Jesusca ashata chainicman rishpa, pambacaman cumurishpa, Diosta mañashpaca: «Ñuca Taitalla, cai llaquita ñucamanta anchuchiyari. Shina cacpipish ama ñuca munashcata ruhuaichu, ashtahuanpish can munashcata ruhuai» nirca.

ROMANOS 8:26

Ñucanchic irquiyashca cacpipish, Diospac Espiritumi ayudan. Ima shina Diosta mañanatapish mana yachanchicchu. Shina cacpipish, Diospac Espiritullatacmi llaquirishpa, ñucanchic mana rimaipac rimaicunahuan ñucanchicmanta mañacun.

ISAÍAS 51:22

Pai acllashcacunata cuidac, Mandac Diosca: «Ñuca yallita piñarishca copataca cambac maquimanta anchuchircanimi. Machana vasotaca ñami anchuchircani. Ñuca yallita piñarishca chai copamantaca mana ashtahuan ubianguichu.

SANTIAGO 4:3

Imata mañashpapish, mana allita ruhuashpa tucuchingapaclla mana alli munaihuan mañashcamantami, mana japinguichic.

SAN LUCAS 12:50

Bautizaric shina, llaquita apanaracmi cani. Chai pactangacamanca, yallita llaquillami cani.

JEREMÍAS 49:12

Mandac Diosca: «Ñuca piñarishpa ubiachinata copamanta manapish ubiana caccunapish ubiangacunami. ¡Chaimantaca cancunalla mana ubiashpa saquirinataca ama yuyaichicchu, ashtahuanpish ubianatacmi canguichic!

SAN MATEO 26:56

Ashtahuanpish Dios ima nishcata huillac quillcashca pactachunmi, chashna tucushca— nirca. Chaipimi yachacuccunaca Jesusllata saquishpa, tucui miticushpa rircacuna.

PROVERBIOS 16:18

Manarac llaqui tucushpaca jatun tucushcami can. Manarac urmashpaca, jatun tucushpami causancuna.

SALMOS 75:3

Allpa, chaipi causaccunandi chucchucpica, ñucallatacmi pilarcunata charisha» ninmi.

SAN MATEO 26:35

Chashna nicpimi Pedroca: —Canhuan pacta huañuna cacpipish, mana negashachu— nirca. Chashnallatacmi tucui yachacuccunaca nirca.

ISAÍAS 51:17

¡Jerusalenlla, ricchariyari, ricchariyari, jatariyari! Canca Mandac Dios piñarishca junda copatami paipac maquimanta japishpa tucuringacaman ubiarcangui.