SAN MATEO 20:2 - Dios Rimashcata Quillcashcami

² Ña tarishpaca, shuc punzhapi mashnata paganata parlashpami, uvasta pallachun cacharca.

Nuevo Testamento en Quichua Cañar 1996

² Ña tarishpaca, paicuna shuc punzhapi mashna cullquita japina cashcata parlashpami, paipac chagrapi uvasta pallachun cacharca.

SAN MATEO 20:2 Referans Kwoze

APOCALIPSIS 6:6

Chai chuscu causaita chariccunapac chaupimanta shuc rimashpaca: «Ishcai libra trigollami shuc punzha trabajoca valinga. Shinallatac sucta libra cebadapish shuc punzha trabajollatacmi valinga. Shina cacpipish aceiteta, vinota ama imata ruhuanguichicchu» nishcatami uyarcani.

2 TIMOTEO 3:15

Huahuamanta pachami Dios quillcachishcataca yachangui. Chaillatacmi Jesucristota crishpa quishpirichun yachacta ruhuanga.

SAN LUCAS 10:35

Cayandi punzha rishpaca, ishcai denario cullquita chai huasiyucman cushpami: “Cai runata cuidangui. Cai cullqui faltacpica, ñuca cutimushpaca cutichishallami” nirca.

SAN LUCAS 1:15

Paica Diospac ñaupapica alli nishcami canga. Paica vinotapish, machachic yacutapish mana ubiangachu. Mamapac huicsamanta pachami, Diospac Espíritu junda canga.

SAN MATEO 22:19

Impuestota pagana cullquita ricuchichic— nirca. Shina nicpimi, shuc denariota ricuchirca.

SAN MATEO 20:13

Chaimantami amo paicunapuramanta shucta cayashpaca: “Uyai, cantaca ima mana allita mana ruhuacunichu. ¿Manachu shuc punzha mashnata paganata parlanacurcanchic?

SAN MATEO 18:28

Chai servic chaimanta rishpaca, paiman ashalla cullquita debic runahuanmi tuparca. Chashna tupashpaca: “¡Debita cutichi!” nishpami, cungapi japirishpa sipi callarirca.

ECLESIASTÉS 12:1

Huambrarac cai punzhacunaca canta ruhuac Diosta yuyaringui. Manarac llaqui punzhacuna chayamucpi yuyaringui. Chai huatacuna chayacpica: «Cai causaipica mana cushicui tiyanchu» ninguimi.

2 CRÓNICAS 34:3

Josiasca ña pusac huatata mandacushpa, huambrarac cashpami, paipac ñaupa taita Davidpac Mandac Diosta mashcai callarirca. Chunga ishcai huatata mandacushpami, lomacunapi tiyac altarcunata, Asera huarmi diosta yuyarina yurata, labrashpa ruhuashca dioscunata, yacuyachishpa ruhuashca dioscunata tucui anchuchishpa, Judá llactatapish, Jerusalentapish chuyayachirca.

1 REYES 18:12

Ñuca canmanta anchurishca quipaca, Mandac Diospac Espiritumi cantaca ñuca mana yachai pudishcaman apanga. Can caipi cashcata Acabman ñuca huillacpi, canta mana tarishpaca, ñucatami huañuchinga. Canta servic ñucaca huambramanta pachami Mandac Diosta manchashpa causani.

1 SAMUEL 3:21

Mandac Diosca cutinllatacmi, Silo pueblopi ricurirca. Mandac Diosca Silo pueblopimi Samuelman paipac rimashca shimitaca huillac carca.

1 SAMUEL 3:1

Samuel huambraca Elí curapac ñaupapimi Mandac Diospacta ruhuashpa causarca. Chai punzhacunapica Mandac Diospac rimashca shimica maijan cutinllami uyarirca. Shinallatac maijan cutinllami muscuipi shina ricuric carca.

1 SAMUEL 2:26

Ashtahuanpish Samuel huambraca ashtahuanmi huiñarca. Paica Diospac ñaupapipish, runacunapac ñaupapipish alli nishcami carca.

1 SAMUEL 2:18

Samuel huambraca linomanta ruhuashca efodta churarishpami, Mandac Diospac ñaupapi Diospacta ruhuac carca.

SAN MATEO 9:37

Chaimantami paipac yachacuccunataca: —Granota tandanaca achcami. Tandaccunaca ashallami.

SAN MATEO 20:1

Jahua pacha Dios mandacucca, shuc amo paipac uvas chagrata pallachingapac, tutamanta gentecunata mashcangapac llucshic shinami.

SAN MATEO 20:3

Cutin punzhallata puebloman llucshishpaca, taucacuna plazapi yangalla tiyacuctami ricurca.

MARCOS 12:15

Jesusca, paicuna nic tucushpalla tapushcata yachashpami: —¿Ima nishpatac ñucata pandachisha ninguichic? Shuc cullquita ricuchingapac apamuichic— nirca.

SAN LUCAS 20:24

Cullquita ricungapac apamuichic— nirca. Paicuna ricuchicpica: —Cai cullquipica, ¿pipac ñahuitac, pipac shutitac?— nirca. Shina tapucpica: —Jatun mandac Cesarpac ñahuimi— nirca.

SAN MATEO 20:9

Pichca pacha chishita yaicuccunapish tucui punzha trabajomantami cullquita chasquirca.