SAN MATEO 19:29 - Dios Rimashcata Quillcashcami

²⁹ Maijanpish ñucata catingaraicu huasita, huauquicunata, panicunata, taita mamata, huarmita, huahuacunata, allpata saquicca, chaicunamanta patsac yallihuanmi japinga. Huiñai causaitapish japingami.

Nuevo Testamento en Quichua Cañar 1996

²⁹ Maijanpish ñucata c'atingaraicu huasita, huauquicunata, panicunata, taita mamata, huarmita, huahuacunata, shinallatac allpata saquicca, caicunamanta pasac cutinhuan yallimi japinga, shinallatac huiñai causaitapish japingami.

SAN MATEO 19:29 Referans Kwoze

FILIPENSES 3:8

Ñucata Mandac Jesucristomanta sumac yachana tucuita yalli alli cacpimi, ñucapac tucui imalla allicunatapish yangata ruhuashpa saquircani. Cristota cuyashpa paihuan cangapacmi, chai tucui yangallacunataca ima mapatalaya shitarcani.

SAN LUCAS 14:26

«Maijanpish ñucata catingapac shamushpa, taita mamata, huarmita, huahuacunata, huauquicunata, panicunata, quiquin causaita llaquicca mana ñuca yachacuc cai pudinchu.

SAN MATEO 16:25

Maijanpish quiquin causaita llaquicca chingaringami, ashtahuanpish ñucata caticushcamanta quiquin causaita mana llaquicca causangami.

SAN MATEO 6:33

Tucuimanta yallica, Dios mandacucta, shinallatac cashcata ruhuanata mashcaichic. Cancunapac ima illashcataca chasquinguichicllami.

1 PEDRO 4:14

Cancunahuanca Diospac sumaimana Espiritumi causacun. Chaimanta Cristota caticushcamanta camishpa rimacpica, cancunamanca mai cushicuimi canga.

SAN MATEO 10:22

Ñucamantami tucui gentecunapac piñashca canguichic. Maijanpish tucuringacaman llaquita apacmi quishpiringa.

SAN JUAN 15:19

Cancuna cai pachapac causacpica, cai pachapac causaccunaca cuyanmanmi. Ashtahuanpish cancunata paicunapuramanta ñucaca acllashcamantami cai pachapac causaccunaca piñancuna.

SAN LUCAS 6:22

Runa Tucungapac shamushca ñucamanta gentecuna piñacpipish, llucchishpa cachacpipish, camicpipish, ima millaita rimacpipish, ¡cushicuichic!

SAN MATEO 5:11

Ñucata caticushcamanta piñashca, pipish llullashpa rimashca, llaquichishca caccuna, ¡cushicuichic!

1 CORINTIOS 2:9

Ashtahuanpish Dios quillcachishcapica: «Imapish mana ricushcata, mana uyashcata shinallatac jaicapi mana yuyashcatami, paita cuyaccunamanca Diosca cusha nicun» ninmi.

HECHOS 9:16

Pai ima shina ñucamanta llaquicunata apana cashcataca, ñucallatacmi ricuchisha— nirca.

SAN MATEO 25:34

Ñuca alli maquiman caccunataca: “Ñuca Taita alli nishcacuna, ñucahuan mandangapac shamuichic. Cai mandanataca Diosmi cai pacha callari punzhamanta, cancunaman cungapac allichishpa charicushca.

SAN MATEO 19:16

Shuc runa Jesuspacman shamushpaca: —Yachachic, huiñai causaita charingapacca, ¿ima allitatac ruhuana cani?— nishpa tapurca.

SAN MATEO 13:23

Alli allpapi urmashca muyu shinaca, Dios rimashcata allita entendicmi. Chaica allita pucushpa maijanca shucmanta quimsa chungata, maijanca sucta chungata, maijanca pasacta pucuc shinami tucun— nirca.

2 CORINTIOS 5:16

Ñucanchicca pitapish caimanta ñaupamanca gentecuna yuyashca shinaca, ña mana yuyanchic. Ñaupaman gentecuna Cristomanta yuyashca shina yuyac cashpapish, cunanca ña mana chashna yuyanchicchu.

SAN MATEO 25:46

Paicunaca jaicapi mana tucuric, jatun llaquimanmi ringa. Ashtahuanpish cashcata ruhuaccunaca, huiñai causaimanmi ringa— nirca.

SAN MATEO 13:8

Ashtahuanpish maijan muyuca alli allpapimi urmarca. Chaimantami allita pucushpa, maijanca shucmanta pasacta, maijanca sucta chungata, maijanca quimsa chungata pucurca.

3 JUAN 1:7

Paicunaca Jesucristomanta huillangapac llucshishpapish, mana criccunamantaca ima ayudata mana chasquircacunachu.

SAN LUCAS 5:11

Chaimantami canoacunata yacu pataman llucchishpa, chaipi tucuita saquishpa, Jesusta catishpa rircacuna.

SAN JUAN 4:36

Granota tandacca, pagota charinmi. Chai tandashca granoca huiñai causaipacmi. Chaimantami granota tandacca tarpuc-huan cushicunga.

ECLESIASTÉS 3:6

Mashcangapacpish, chingachingapacpish punzha tiyanmi. Huacaichingapacpish, shitangapacpish punzha tiyanmi.