SAN MATEO 19:27 - Dios Rimashcata Quillcashcami

²⁷ Chashna nicpimi Pedroca: —Ñucanchicca tucui charishcacunata saquishpami, cantaca caticunchic. ¿Chaimantaca imatatac japishun?— nishpa tapurca.

Nuevo Testamento en Quichua Cañar 1996

²⁷ Chashna nicpi Pedroca: —Ñucanchicca tucui imalla charishcacunata saquishpami, cantaca c'aticunchic. ¿Chaimantaca imatatac japishun?— nishpa tapurca.

SAN MATEO 19:27 Referans Kwoze

FILIPENSES 3:8

Ñucata Mandac Jesucristomanta sumac yachana tucuita yalli alli cacpimi, ñucapac tucui imalla allicunatapish yangata ruhuashpa saquircani. Cristota cuyashpa paihuan cangapacmi, chai tucui yangallacunataca ima mapatalaya shitarcani.

SAN LUCAS 5:11

Chaimantami canoacunata yacu pataman llucchishpa, chaipi tucuita saquishpa, Jesusta catishpa rircacuna.

SAN LUCAS 18:28

Shina nicpimi Pedroca: —Ñucanchicca tucui charishcacunata saquishpami, cantaca caticunchic— nirca.

SAN LUCAS 15:29

Paica taitataca: “Taita, ñucaca cai tucui huatacunatami can ima nishcata ruhuashpa servishcani. Chashna cacpipish ñuca ricsishcacunahuan cushicuchunca, shuc chivollatapish mana cushcanguichu.

MARCOS 10:28

Chashna nicpimi Pedroca: —Ñucanchicca tucui charishcacunata saquishpami, canta caticunchic— nirca.

MARCOS 2:14

Chaimanta rishpaca, impuestota chasquina mizapi Alfeopac churi Leví tiyacuctami ricurca. Paita ricushpaca: —Ñucata cati— nirca. Shina nicpimi, Levica jatarishpa, Jesusta catishpa rircalla.

DEUTERONOMIO 33:9

Paimi taita mamataca: “Mana ricsinichu” nirca. Paipac huauquicunatapish, huahuacunatapish mana ricsircachu. Paicunaca cambac nishcacunata cazurcami. Pai ari nishcatapish pactachircami.

SAN LUCAS 14:33

Chashnallatac maijanpish tucui charishcacunata mana saquishpaca, mana ñuca yachacuc cai pudinchu.

SAN MATEO 9:9

Chaimanta Jesús rishpaca, Mateotami Roma llactaman mizapi impuestota japishpa, tiyacucta ricurca. Chaimantami paitaca: —Ñucata cati— nirca. Chashna nicpimi, Mateoca jatarishpa catishpa rirca.

1 CORINTIOS 4:7

¿Pitac cantaca shuccunamanta yallita ruhuarca? ¿Imatatac Diosmantaca mana chasquircangui? Chashna tucuita chasquishpaca, ¿ima nishpatac Diosmanta mana chasquishca shina jatun tucungui?

1 CORINTIOS 1:29

Chaimantami Diospac ñaupapica pipish mana jatun tucunga.

SAN MATEO 19:26

Chashna nicpi, Jesús paicunata ricurashpaca: —Gentecunapac yuyaipica, maita mana quishpiripacchu, ashtahuanpish Diosmanca imapish ruhuaipacllami— nirca.

SAN MATEO 19:28

Chaimantami Jesusca: —Cai pachata Dios mushucta ruhuacucpimi, Runa Tucungapac shamushca ñucaca, sumaimana achicllapi mandai callarisha. Chaipica cancunapish ñucata caticcuna cashcamantaca, chunga ishcai mandaccuna mandashpa tiyarinapi tiyarishpami, chunga ishcai Israel aillucunata mandanguichic. Chaica chashnatacmi canga.