SAN MATEO 18:11 - Dios Rimashcata Quillcashcami

¹¹ Runa Tucungapac shamushca ñucaca, chingarishcacunata quishpichingapacmi shamurcani.

Nuevo Testamento en Quichua Cañar 1996

¹¹ Runa Tucungapac shamushca*f** ñucaca, juchapi chingarishcacunata quishpichingapacmi shamurcani.

SAN MATEO 18:11 Referans Kwoze

SAN LUCAS 19:10

Runa Tucungapac shamushca ñucaca, chingarishcacunata mashcashpa, quishpichingapacmi shamurcani— nirca.

SAN MATEO 18:12

¿Imatatac yuyanguichic? Shuc runa patsac ovejata michicushpa, shuc ovejata chingachishpaca, ¿manachu iscun chunga iscunta michinapi saquishpa mashcagrinman?

SAN MATEO 9:12

Chaita Jesús uyashpaca: —Mana ungushcacunaca jambictaca mana mashcanchu, ashtahuanpish ungushcacunallami jambictaca mashcan.

SAN MATEO 10:6

Ashtahuanpish chingarishca ovejacuna shina cac, israelcunapacman ringuichic.

SAN MATEO 15:24

Chashna nicpimi Jesusca: —Diosca ñucataca, oveja chingarishca shina, israelcunapacmanllami cacharca— nirca.

SAN LUCAS 9:56

Runa Tucungapac shamushca ñucaca, mana causaita chingachingapacchu shamurcani, ashtahuanpish causaita cungapacmi shamurcani— nirca. Chaimantaca shuc llactaman rircallami.

SAN LUCAS 15:24

Ñuca churica, huañushcami carca, causarishcami. Chingarishcami carca, cunanca cutimushcami” nirca. Chashnami yallita cushicui callarirca.

SAN LUCAS 15:32

Cai cambac huauquica, chingarishcami carca, cunanca cutimushcami. Huañushcami carca, cunanca causarishcami. Chaimantami jatun micuita ruhuashpa, cushicuna canchic” nircami» nirca.

SAN JUAN 3:17

Diosca mana cai pachapi causaccunata llaquiman cachachunchu paipac churitaca cacharcachu, ashtahuanpish cai pachapi causaccunata quishpichichunmi cacharca.

SAN JUAN 10:10

Shuhuacca shuhuangapac, huañuchingapac, chingachingapacmi yaicun. Ñucaca causaita cungapac, yalli causaita cungapacmi shamurcani.

SAN JUAN 12:47

Maijanpish ñuca rimashcata uyashpapish mana cazuctaca, mana ñucachu taripasha. Mana cai pachapi causaccunata juchanchingapacchu shamurcani, ashtahuanpish quishpichingapacmi shamurcani.

1 TIMOTEO 1:15

Jesucristoca juchayuccunata quishpichingapacca cai pachamanmi shamurca. Cai huillashcaca chashnatac cashcamantami tucui mashna crina canchic. Juchayuccunamanta nishpaca, ñucami punta yalli juchayucca cani.