SAN MATEO 14:6 - Dios Rimashcata Quillcashcami

⁶ Herodesca pai huacharishca punzhata yuyarishpami cayashcacunahuan cushicucurca. Chaipimi Herodiaspac huahuaca, tucuipac ñaupapi bailarca. Chaica ricushpami, Herodesca cushicurca.

Nuevo Testamento en Quichua Cañar 1996

⁶ Ashtahuanpish Herodesca pai huacharishca punzha pactashcamantami, pai c'ayashcacunahuan cushicucurca. Chaipimi Herodiaspac huahua solteraca, tucuipac ricuipi bailarca. Chai bailashcami Herodesmanca mai alli carca.

SAN MATEO 14:6 Referans Kwoze

GÉNESIS 40:20

Quimsa punzha quipaca jatun mandac Faraonpac huacharishca punzha pactacpimi, jatun mandacca tucui paita serviccunaman jatun micuita caracurca. Chai serviccunapac ñaupapimi, vinota serviccunata mandacta, shinallatac tandata ruhuaccunata mandacta carcelmanta llucchimuchun cacharca.

MARCOS 6:17

Herodesllatacmi Herodías huarmi nishcata uyashpa, Juantaca cadenahuan huatashpa carcelpi churachishca carca. Herodesca, paipac huauqui Felipepac huarmi Herodias-huanmi apanacushpa causacurca.

SAN MATEO 22:24

—Yachachic, Moisesca: “Maijanpish manarac huahuata charishpa huañucpica, huauquimi chai viudahuan cazarana can. Chashnami huañushca huauquipac randi huahuata charina can” nishcami.

SAN LUCAS 3:19

Chashnallatac Juanca mandac Herodestaca paipac huauqui Felipepac huarmi Herodias-huan causacushcamantapish, shuctac mana allicunata ruhuashcacunamantapishmi sinchita rimarca.

MARCOS 6:19

Herodiasca Juantaca huañuchinatami munarca. Shina cashpapish mana huañuchi pudircachu.

ESTER 2:18

Chai quipami jatun mandacca Esterta alli nishpa pai churashca tucui mandaccunamanpish, paita serviccunamanpish jatun micuita ruhuarca. Shinallatac llactacunapica impuestotami ashallata pagachun nirca. Jatun mandac cashcamantami ima allicunatapish mana llaquirishpa achcata paicunaman curca.

SAN MATEO 14:3

Herodesca paipac huauqui Felipepac huarmi Herodías nishcata uyashpami, Juantaca cadenahuan huatashpa, carcelpi churachishca carca.

SAN MATEO 14:7

Chaimantami Herodesca pai imata mañashca cungapac ari nirca.

MARCOS 6:14

Tucui llactacunapimi Jesús imata ruhuashcaca yacharirca. Chaimantami mandac Herodesca: —Bautizac Juanmi huañushcacunapuramanta causarishca canga. Chaimantami paica milagrocunata ruhuacunga— nirca.

MARCOS 8:15

Jesús paipac yachacuccunata mandashpaca: —Uyaichic, fariseocunapac, Herodespac levadurataca ama chasquinguichicchu— nircami.

SAN LUCAS 3:1

Jatun mandac Tiberioca chunga pichca huatatami Roma llactata mandacurca. Poncio Pilatoca Judea llactata, Herodesca Galilea llactata, paipac huauqui Felipeca Iturea llactatapish, Traconite llactatapishmi mandacurca. Cutin Lisaniasca Abilinia llactatami mandacurca.

SAN LUCAS 8:3

Herodespac mayordomo Chuzapac huarmi Juanapishmi carca. Shinallatac Susanapish, shuctac huarmicunapishmi carca. Paicunami imalla charishcacunahuan Jesusta ayudaccunami carca.

SAN LUCAS 13:31

Chai punzhallatacmi maijan fariseocuna Jesuspacman chayamushpaca: —Mandac Herodesmi canta huañuchisha nicun. Caimanta utca rilla— nirca.

SAN LUCAS 23:7

Herodes mandacuc Galilea llactamanta cashcamantami Jesustaca mandac Herodespacman cacharca. Chai punzhacunapica, Herodespish Jerusalenpimi carca.

SAN LUCAS 23:11

Herodespish, paipac soldadocunapish Jesusta burlashpa, asishpami, jatun mandac churana sumac churanata churachirca. Chashnami Pilatopacman cutichishpa cacharca.

HECHOS 4:27

Chashna nishca shinami, cai pueblota mandac Herodesca Poncio Pilatohuanpish, israelcunahuanpish, mana israelcunahuanpish jucha illac Jesusta llaquichingapac tandanacurca. Diosmi Jesustaca Cristo cachun cacharca.

HECHOS 12:1

Chai punzhacunallatacmi jatun mandac Herodesca maijan criccunata piñashpa, llaquichingapac japichi callarirca.