SAN MATEO 13:52 - Dios Rimashcata Quillcashcami

⁵² Chashna nicpimi Jesusca: —Shinashpaca, jahua pacha Dios mandacucmanta yachachicpica, shuc taita paipac huasimanta huacaichishpa charishcacunata mushuctapish, maucatapish canzhaman llucchic shinami— nirca.

Nuevo Testamento en Quichua Cañar 1996

⁵² Chashna nicpi Jesusca: —Shinashpaca, jahua pacha Taita Dios mandacucmanta yachachiccuna yachachicpica, shuc taita paipac huasimanta imalla huacaichishpa charishcacunata mushuctapish, maucatapish canzhaman llucchic shinami— nirca.

SAN MATEO 13:52 Referans Kwoze

TITO 1:9

shinallatac cashcata nic, Dios rimashcata yachacushca shinallatac alli huacaichicmi cana can. Chashna cashpami shuccunatapish cashcata nic shimihuan rimashpa mana chashnachu niccunatapish upallachinga.

SAN MATEO 12:35

Alli runaca paipac shungupi alli yuyai tiyashcamantami, allita riman. Mana alli runaca paipac shungupi millai tiyashcamantami, mana allita riman.

PROVERBIOS 15:7

Yuyaisapa runacunapac rimashcaca alli yachaitami tarpun. Mana entendic runapac shunguca mana chashna ruhuanchu.

ESDRAS 7:21

Jatun mandac Artajerjes ñucami jatun yacu chimba ladopi ñuca tucui cullquita huacaichiccunataca jahua pachapi causac Dios mandashcata quillcac Esdras cura imata mañacpica, utca cunguichic.

ESDRAS 7:10

Esdrasca Mandac Dios mandashcata allita yachacushpa, cazushpa imata ruhuachun mandashcata pactachichun cushca shimicunata, Israel llactapi yachachinatami tucui shunguhuan munarca.

SAN LUCAS 11:49

Chaimantami Diosca tucuita yachac cashpa: “Ñuca ima nishcata huillaccunatapish, ñuca acllashca huillaccunatapish cachashami. Paicunataca maijantaca huañuchingami, maijantaca llaquichishpa, catingami” nirca.

SAN MATEO 23:34

Chaimantami Dios ima nishcata huillaccunatapish, alli yachaccunatapish, yachachiccunatapish cachagrini. Paicunamanta maijantaca chacatashpa huañuchinguichicmi. Maijancunataca tandanacuna huasicunapimi macanguichic, shinallatac pueblo pueblotami llaquichishpa puringuichic.

PROVERBIOS 18:4

Runapac rimashcaca ucumanta llucchishca yacu shinami. Alli yachaica tucyac yacu callpacuc shinami.

COLOSENSES 3:16

Cristomanta huillashca shimicunata shungupi yuyarashca cachunmi munani. Alli yuyaihuan caishuc chaishuc-huan yachachinacushpa, catina yuyaita cunacuichic. Salmocunatapish, Diospac Espíritu yuyaita cushca cantana cantocunatapish cantashpa, tucui shunguhuan Diosta pagui nishpa “allimari cangui” nishpa cantaichic.

COLOSENSES 1:7

Cai alli huillaitaca, ñucanchic-huan Diospacta ruhuac cuyashca Epafrasmi yachachirca. Paica Jesucristota alli catic cashpami, cancunaman imapish alli cachun allita ruhuacun.

EFESIOS 3:8

Ñucami tucui Diospaclla caccunamantaca ashtahuan yangalla cani. Shina cacpipish Dios cuyashpami, cai alli huillaita mana israelcunaman huillashpa sumac ruhuanata ñucamanca mingarca. Cai huillanaca Cristo tucuimanta yalli allicunata cuc cashcata huillanami.

SAN JUAN 13:34

Mushuc mandashcatami saquini: Caishuc chaishuc-huan cuyanacuichic. Ñuca ima shinami cuyani, chashnallatac cancunapish cuyanacuichic.

CANTARES 7:13

Mandrangorapish ñami mishquilla ashnacun. Ñucanchic huasi pungupipish tucuilaya frutacunami tiyan. Ñuca cuyashcalla, sarunman japishca frutacunatapish, cunanlla pitishca frutacunatapish canman huacaichircanimi.

PROVERBIOS 11:30

Cashcata ruhuac runaca causaita cuc yura shinami. Alma quishpirichun huillac runaca yachaisapami.

ESDRAS 7:6

Esdrasca israelcunata Mandac Dios Moisesman cushca mandashcata allita yachacmi carca. Jatun mandac Artajerjesca Esdras Mandac Diospac poderhuan cacpimi, pai ima mañashcata cuc carca.

EFESIOS 3:4

Chai quillcata rezashpami, Jesucristomanta pi mana ricsishcata ñuca yachashcataca yachac chayanguichic.

2 CORINTIOS 6:10

Llaquilla cashpapish, punzhantami cushicunchic. Huacchacuna cashpapish, taucacunatami chayucyachinchic. Imata mana charic cashpapish, tucuitami charinchic.

1 TIMOTEO 3:6

Chai pushacca unai cricmi cana can. Pacta jatun tucushpa diablo urmashca shina llaquichishca cangapac urmanman.

SAN MATEO 13:51

Jesús paipac yachacuccunata tapushpaca: —¿Tucui caicunataca entendinguichicchu?— nirca. Shina nicpimi, paicunaca: —Ari— nirca.

SAN MATEO 13:53

Jesús chai chimbapurashpa parlashca quipaca, chaimanta rircallami.

SAN MATEO 28:19

Chaimanta tucui cai pacha llactacunaman rishpa, ñuca yachacuccunata ruhuaichic. Paicunataca Taitapac, Churipac, Espiritupac shutipi bautizanguichic.