SAN MATEO 13:35 - Dios Rimashcata Quillcashcami

³⁵ Dios ima nishcata huillac nishca pactachunmi, tucuita yachachirca. Chai huillacca: «Chimpapurashca parlohuanmi parlasha. Cai pachata ruhuashca punzhamanta pacha, pi mana yachachishcatami huillasha» nishcami.

Nuevo Testamento en Quichua Cañar 1996

³⁵ Shinaca Diosmanta ñaupa huillac nishca pactachunmi, chashnaca tucurca. Chaipica: “Yuyaita japina parlohuanmi parlasha. Cai pachata ruhuashca punzhamanta pacha, pi mana yachachishcatami huillasha” nishcami.

SAN MATEO 13:35 Referans Kwoze

SALMOS 78:2

Ñuca rimashpaca yuyaita japina shimicunatami nigrini. Ñaupa huatacunamanta pi mana yachashca rimaicunatami huillagrini.

EFESIOS 3:9

Tucuita ruhuac Diosca pai imata ruhuasha nicushcataca, ñaupamanta pachami pacashpa charicushca. Chaita huillachunmi ñucamanca mingarca.

1 CORINTIOS 2:7

Ñucanchicca huiñaita sumac llactapi causagrichunmi, pipish mana yachashca, cai pachata Dios manarac ruhuashpa, huacaichishpa charicushca yachaicunata huillacunchic.

SAN JUAN 17:24

Taitalla, cai pacha manarac tiyacpimi, ñucataca cuyashcangui. Chaimantami can cushcacunaca ñuca maipimi cani, paicunapish chaipi cachun munani. Chaipi cashpami ñuca jatunyachishca cashcata ricunga.

AMÓS 3:7

Mandac Diosca, pai ima nishcata huillac, paita serviccunaman manarac huillashpaca mana llaquichingachu.

SAN MATEO 25:34

Ñuca alli maquiman caccunataca: “Ñuca Taita alli nishcacuna, ñucahuan mandangapac shamuichic. Cai mandanataca Diosmi cai pacha callari punzhamanta, cancunaman cungapac allichishpa charicushca.

EFESIOS 3:5

Ñaupamanca chai mana yachashcataca pimanpish mana ricuchishcami carca. Ashtahuanpish cunanca paipac Espiritumantami Diosca Jesús acllashca huillaccunaman, Pai acllashca huillaccunamanpish ricuchishca.

ISAÍAS 42:9

Ñuca utcaman huillashcaca ñami pactashca. Cunanca manarac pasashca, manarac tucushcatami huillacuni» nirca.

APOCALIPSIS 13:8

Tucui cai pachapi causaccunami chai animaltaca “allimari cangui” nircacuna. Chaicunaca cai pachata Dios ruhuashca punzhamanta pacha huiñaita causangapac rina, huañuchishca cac Pactalla Oveja charicuc libropi shutita mana quillcashcacunami can.

SAN MATEO 13:14

Paicuna chashna cacpimi, Dios ima nishcata huillac Isaiasca: “Mashnata uyashpapish, mana entendinchu. Mashnata ricushpapish, mana ricunchu.

SALMOS 49:4

Yuyaita japina rimaicunahuan rimashcataca uyashami. Mana entendipac rimaicunataca arpapi tocashpami huillasha.

APOCALIPSIS 17:8

Can ricushca manchana animalca ñaupamanmi tiyarca, cunanca ña mana tiyanchu. Shina cashpapish huiñaita jatun llaquipi chingaringapacmi, jatun jutcumantaca llucshinga. Dios cai pachata ruhuashca punzhamanta pacha, huiñaita causangapac rina libropi mana quillcashca cai pachapi causac gentecunaca chai utcaman tiyashca, cunanca mana tiyac, cutin shamuna cashca manchana animalta ricushpaca, yallitami mancharingacuna.

SAN LUCAS 10:14

Taripana punzhapica Tiro pueblopi, Sidón pueblopi causaccunamanta yallimi llaquita apanguichic, ninimi.

HECHOS 15:18

Ñaupamanta pacha tucui ima tucuna cashcata huillac Mandac Dios ñucami, chashnaca nini” ninmi.

HEBREOS 1:1

Diosca tauca cutinmi ñaupa huatacunapica ñucanchic taitacunaman pai ima nishcata huillaccunata huillachirca.

SAN MATEO 5:2

Chaipimi Jesusca cashna nishpa yachachi callarirca:

SAN MATEO 13:3

Chaipi Jesús tauca rimaicunata chimbapurashpa yachachishpaca: «Shuc tarpuc runami trigota tarpungapac llucshirca.