SAN MATEO 12:39 - Dios Rimashcata Quillcashcami

³⁹ Chashna nicpimi Jesusca: —Cai mana cric millai gentecunaca milagrota ruhuashpa ricuchichunmi mañancuna. Chashna mañashpapish imata mana ricungacunachu, ashtahuanpish Dios ima nishcata huillac Jonás ima shina tucushcallatami ricunga.

Nuevo Testamento en Quichua Cañar 1996

³⁹ Chashna nicpi Jesusca: —Cai mana cric millai gentecunaca: ‘Pi mana ruhuaipacta ruhuashpa ricuchi’ nishpami mañancuna. Chashna cashpapish imata mana ricungacunachu, ashtahuanpish Diosmanta ñaupa huillac Jonás ima shina tucushcallatami ricungacuna.

SAN MATEO 12:39 Referans Kwoze

SAN MATEO 16:4

Diosta mana cazuc, millai gentecuna milagrota ruhuashpa ricuchichunmi ninguichic. Chashna cashpapish imata mana ricunguichicchu, ashtahuanpish Dios ima nishcata huillac Jonás ima tucushcallatami ricunguichic» nirca. Chashna nishpaca chaimanta rircallami.

SANTIAGO 4:4

¡Aij, Diosta mana cazuc gentecunalla! Cai pachapaclla caccunata cuyacca, Diostaca piñanmi. Chaitaca, ¿manachu yachanguichic? Maijanpish cai pachapaclla caccunata cuyasha niccunaca, Diosta piñaccunami tucun.

MARCOS 8:38

Maijanpish cai pachapi Diosta mana cazuc, juchayuc gentecunapac ñaupapi ñucamanta, ñuca huillashcacunamanta huillanata pingacpica, Runa Tucungapac shamushca ñucapish ñuca Taitapac poderhuan, paipac sumac jucha illac angelcunahuan achicyachishpa cutimushpa pingashami— nirca.

ISAÍAS 57:3

¡Cancuna brujacunapac, huainayaccunapac, cullquimanta huainayaccunapac huahua huahuacunalla, ñucapacman cuchuyaichic!

2 REYES 14:25

Israelcunata Mandac Dios paita servic Jonasman ima shina huillashca shinallatacmi Israel llacta punta linderotaca Hamat puebloman yaicuna ladomantaca Arabá mama cucha ladocaman cutin allichishpa japirca. Jonasca Gat-hefer pueblomanta Amitaipac churimi carca.

JONÁS 1:1

Mandac Dios Amitaipac churi Jonasta rimashpaca:

MARCOS 8:12

Chaimantami Jesusca shungupi llaquirishpa: —Cai causaccunaca, ¿ima nishpatac milagrota ruhuashpa ricuchichun ninyari? Paicunaca milagrota ricushun nishpapish, manatac ricungachu. Chaica chashnatacmi canga— nirca.