SAN MATEO 12:36 - Dios Rimashcata Quillcashcami

³⁶ Ñucaca: Dios taripana punzhapimi shuccunata mana alli rimashcacunaca yacharinga ninimi.

Nuevo Testamento en Quichua Cañar 1996

³⁶ Cancunaman huillanimi: Taita Dios taripana punzhapimi, shuccunata llaquichishpa, mana alli rimashcacunaca yacharinga.

SAN MATEO 12:36 Referans Kwoze

ECLESIASTÉS 12:14

Chaica Diosmi ñucanchic tucui ima ruhuashcataca ricunga. Imata pacalla ruhuashcatapish alli cachun mana alli cachunpish ricuchingami.

ROMANOS 2:16

Alli huillaita ñuca huillashca shinami, ima pacalla ruhuashcatapish Diosca Jesucristohuan taripai punzhapi taripanga.

APOCALIPSIS 20:12

Chaipica huañushcacunatami jatuncunatapish, uchillacunatapish mandashpa tiyarinapac ñaupapi shayacucta ricurcani. Shinallatac librocunapish pascashcami carca. Huiñaita causangapac rina libropi quillcashcatapish pascashcatami ricurcani. Chai huañushcacunaca paicuna imata ruhuashca librocunapi quillcashca cashca shinami taripashca carca.

SAN MATEO 10:15

Taripana punzhapica Sodoma pueblota, Gomorra pueblota llaquichishcatapish yallimi chai pueblopi causaccunaca llaquita apanga. Chaica, chashnatacmi canga.

SAN MATEO 11:22

Taripana punzhapica, Tiro pueblopi, Sidón pueblopi causaccunata yallimi cancunaca llaquichishca canguichic.

SAN MATEO 12:37

Chaica, cambac rimashcahuanmi alli nishca cangui. Mana cashpaca cambac rimashcallahuantacmi, llaquichishca cangui» nirca.

ROMANOS 14:12

Chaimanta tucui ñucanchicmi imata ruhuashcacunata Diosman ricuchigrina canchic.

SANTIAGO 3:6

Calluca shuc nina shinami millaita callarichichishpa runata mapayachin. Calluca ucu pacha nina rupacuc shinami, tucui causaipi mana allita ruhuachishpa rupachic shina llaquichicun.