SAN MATEO 12:33 - Dios Rimashcata Quillcashcami

³³ Caita yuyarishun: Alli yuraca alli granotami pucun. Mana alli yuraca mana alli granotami pucun. Ima yurapish pucushpami imalaya cashcataca ricuchin.

Nuevo Testamento en Quichua Cañar 1996

³³ Caita yuyarishun: Alli yuraca alli granotami p'ucun. Mana alli yuraca mana alli granotami p'ucun. Ima yurapish alli cashcata, mana alli cashcataca p'ucushpami ricuchin.

SAN MATEO 12:33 Referans Kwoze

SANTIAGO 4:8

Diosman cuchuyaichic, paipish cancunapacman cuchuyangallami. Juchayuccuna, maquita jahuac shina millaita ruhuanata saquichic. Ishcai yuyaihuan caccunaca, shunguta allichichic.

AMÓS 5:15

Mana alli ruhuanata millanayachishpa, allita ruhuanata munaichic. Taripashpaca, cashcata ruhuaichic. Chashna ruhuacpi, tucuita Mandac Diosca maijan saquirishca Josepac huahua huahuacunata llaquingapishchari.

SAN LUCAS 3:9

Hachaca ñami yura chaquipi churashca. Chaimanta tucui mana pucuc yuracunataca pitishpami, ninapi shitanga— nirca.

SANTIAGO 3:12

Ñuca cuyashca criccuna, higo yuraca olivos murutaca mana pucunchu. Uvas yurapish higotaca mana pucunchu. Chashnallatacmi cachi yacupish, mishqui yacupish chaillamantacca mana tucyan.

EZEQUIEL 18:31

Juchacunata ruhuashpa, ñucata llaquichishcata yuyarishpa shungutapish, yuyaitapish mushucyachichic. Israelcunalla, ¿imamantatac huañunguichicyari?

SAN MATEO 23:26

¡Ñahui mana ricuc fariseocunalla! Vasotapish, platotapish ucutarac jahuaichic. Shina ruhuacpimi, jahuapish chuyanlla canga.